ବ୍ରିଟେନ ବୈଜ୍ଞାନିକଙ୍କ ବଡ଼ ଚେତାବନୀ, କରୋନା ଭଳି ଆଉ ଏକ ମହାମାରୀ ଆସିବା ଧାର୍ଯ୍ୟ
 

ଓଡ଼ିଆ ଗସିପ୍ ବ୍ୟୁରୋ: ବ୍ରିଟେନ ସରକାରଙ୍କ ପୂର୍ବତନ ବୈଜ୍ଞାନିକ ପରାମର୍ଶଦାତା ସାର୍‌ ପାଟ୍ରିକ ଭାଲାନ୍ସ ବଡ଼ ଚେତାବନୀ ଦେଇଛନ୍ତି। ଆଗକୁ କରୋନା ଭଳି ମହାମାରୀ ଆସିବା ଧାର୍ଯ୍ୟ ବୋଲି କହିଛନ୍ତି। ସେ ସରାକାରଙ୍କୁ ଏହା ଉପରେ ଧ୍ୟାନ ଦେବାକୁ ପରାମର୍ଶ ଦେଇଛନ୍ତି। 

ସେ କହିଛନ୍ତି ଯେ କରୋନା ଭଳି ସ୍ଥିତିର ମୁକାବିଲା ପାଇଁ ପ୍ରସ୍ତୁତ ରହିବା ଜରୁରୀ। ବିଶ୍ବ ଏ ପର୍ଯ୍ୟନ୍ତ ଆଉ ଏକ ମହାମାରୀର ସାମ୍ନାକୁ କରିବାକୁ ପ୍ରସ୍ତୁତ ହୋଇନାହିଁ। ରିପୋର୍ଟ ଅନୁଯାୟୀ ଏକ କାର୍ଯ୍ୟକ୍ରମକୁ ସମ୍ବୋଧନ କରି ଭାଲାନ୍ସ କହିଥିଲେ ଯେ ଏଭଳି ବିପଦର ସନ୍ଧାନ କରିବା ପାଇଁ ଉତ୍ତମ ପର୍ଯ୍ୟବେକ୍ଷଣ ବ୍ୟବସ୍ଥା ପ୍ରତିଷ୍ଠା କରିବା ଆବଶ୍ୟକ। 

ଅଧିକ ପଢନ୍ତୁ : ଲିଭର ଫେଲ୍ ହେବା ପୂର୍ବରୁ ଶରୀରରେ ଦେଖାଦିଏ ଏହି ସବୁ ଲକ୍ଷଣ, ଜାଣନ୍ତୁ ଏବଂ ସାବଧାନ ହୋଇଯାଆନ୍ତୁ 

ଏହି ପ୍ରସଙ୍ଗ ଉଠାଇବାର ପ୍ରକୃତ ସମୟ ଆସିଛି। ଏବେ ଦେଶର ନିର୍ବାଚନ ଚାଲିଛି। ଏହି ସମୟରେ ମହାମାରୀଠାରୁ ଥିବା ବିପଦକୁ ପ୍ରସଙ୍ଗ ବନାଇବା ଜରୁରୀ। ନିର୍ବାଚନ ପରେ ଆସିବାକୁ ଥିବା ସରକାରଙ୍କୁ ମହାମାରୀ ସ୍ଥିତିରେ ଡାୟଗ୍ନୋଷ୍ଟିକ ଟେଷ୍ଟ, ଖୁବଶୀଘ୍ର ଟିକା ଉପଲବ୍ଧତା କରାଇବା ଭଳି ଦିଗ ଉପରେ କାର୍ଯ୍ୟ କରିବାକୁ ପରାମର୍ଶ ଦେଇଛନ୍ତି। ଏହା ପୂର୍ବରୁ ଭାଲାନ୍ସ ୨୦୨୧ରେ ଜି୭ ଦେଶର ନେତାଙ୍କ ବୈଠକରେ କହିଥିଲେ ଯେ ମହାମାରୀ ବିରୋଧରେ ସମସ୍ତେ ଏକାଠି ହେବା ଜରୁରୀ।

ଏଥିପାଇଁ ରାପିଡ ଡାୟଗ୍ନୋଷ୍ଟିକ ଟେଷ୍ଟ, ରାପିଡ ଭ୍ୟାକ୍ସିନ ଏବଂ ରାପିଡ ଟ୍ରିଟମେଣ୍ଟ କରିବାକୁ ପଡ଼ିବ। ଏହା ଦ୍ବାରା ବିପଦ ସମ୍ଭାବନା ହ୍ରାସ ପାଇବ। ଏବେ ଭାଲାନ୍ସ ଦୁଃଖର ସହ କହିଛନ୍ତି ଯେ ୨୦୨୩ ସୁଦ୍ଧା ଜି୭ ତାଙ୍କ ପରାମର୍ଶ ଭୁଲିଯାଇଛି। ଯଦି ଜି୭ କିମ୍ବା ଜି୨୦ ଦେଶର ଏଜେଣ୍ଡାରୁ ମହାମାରୀ ପ୍ରସଙ୍ଗ ହଟାଇ ଦିଆଯାଏ ତେବେ ସ୍ଥିତି ପୂର୍ବଭଳି ହୋଇଯିବ। ଯୁଦ୍ଧ ଭଳି ମହାମାରୀର ମୁକାବିଲା କରିବା ଉଚିତ ବୋଲି ସେ କହିଛନ୍ତି। 

ଅଧିକ ପଢନ୍ତୁ : ଡାଇସେଟିସ୍ ରୋଗୀ ସାବଧାନ! ରାତିରେ ଖାଆନ୍ତୁ ନାହିଁ ଏହି ୪ଟି ଖାଦ୍ୟ, ଅନକଣ୍ଚ୍ରୋଲ ହୋଇଯିବ ସୁଗାର ଲେବଲ

ଦେଶ ପାଖରେ ଏକ ସେନା ରହିଛି। ଚଳିତ ବର୍ଷ ଯୁଦ୍ଧ ହେବ ବୋଲି ଏହାକୁ ରଖାଯାଇ ନାହିଁ। ଏହା ରାଷ୍ଟ୍ର ପାଇଁ ଜରୁରୀ। ଠିକ୍‌ ଏହିପରି ଭାବେ ମହାମାରୀକୁ ଦେଖିବା ଉଚିତ। ଏହାର ମୁକାବିଲା ପାଇଁ ସଦାସର୍ବଦା ପ୍ରସ୍ତୁତ ହୋଇ ରହିବା ଉଚିତ। ସୂଚନାଯୋଗ୍ୟ ଯେ ଭାଲାନ୍ସ କରୋନା ସମୟରେ ଋଷି ସୁନକଙ୍କୁ ସମାଲୋଚନା କରିଥିଲେ। 

ସେତେବେଳେ ସୁନକ ଚାନ୍‌ସେଲର ପଦରେ ଥିଲେ। କରୋନାର ଦ୍ବିତୀୟ ଲହରରେ ସୁନକ ଲୋକଙ୍କୁ ମରିବା ପାଇଁ ଛାଡ଼ିଦେଇଥିଲେ ବୋଲି ସେ ଅଭିଯୋଗ କରିଥିଲେ। ତେବେ ସୁନକଙ୍କ ଧୂମ୍ରପାନ ବିରୋଧୀ ଅଭିଯାନକୁ ସେ ପ୍ରଶଂସା କରିଥିଲେ।

ଅଧିକ ପଢନ୍ତୁ : ଘର ସାମ୍ନାରୁ ପୂର୍ବତନ ସରପଞ୍ଚଙ୍କ ମୃତଦେହ ଉଦ୍ଧାର, ରାଜନୈତିକ ହିଂସାକୁ ନେଇ ହତ୍ୟା ଅଭିଯୋଗ