ଓଡ଼ିଆ ଗସିପ ବ୍ୟୁରୋ: ଇଡି ସ୍କାନରରେ ବଲିଉଡ୍‌ ଅଭିନେତ୍ରୀ ତଥା ସିଂହଳୀ ସୁନ୍ଦରୀ ଜ୍ୟାକଲିନ୍‌ ପର୍ଣ୍ଣାଡିଜ୍‌। ମନି ଲଣ୍ଡରିଂ ମାମଲାରେ ପ୍ରବର୍ତ୍ତନ ନିର୍ଦେଶାଳୟ (ଇଡି) ତାଙ୍କୁ ୫ ଘଣ୍ଟା ହେବ ପଚରା ଉଚରା କରୁଥିବା ସୂଚନା ମିଳିଛି। ଦିଲ୍ଲୀରେ ଜ୍ୟାକଲିନ୍‌ଙ୍କୁ ଜେରା ଚାଲିଛି । ତାଙ୍କ ପୂର୍ବରୁ ଟଙ୍କା ହେରଫେର ମାମଲାରେ ଅଭିନେତ୍ରୀ ୟାମୀ ଗୌତମଙ୍କୁ ୭ ଜୁଲାଇରେ ଇଡି ପଚରା ଉଚରା କରିଥିଲା।

ନିକଟରେ ଫିଲ୍ମ ନିର୍ମାତା ଆଦିତ୍ୟ ଧରଙ୍କୁ ବିବାହ କରିଥିବା ୟାମୀଙ୍କ ଉପରେ ଫେମା ଆଇନ ଉଲ୍ଲଂଘନ ନେଇ ଅଭିଯୋଗ ରହିଛି। ତାଙ୍କୁ ବହୁ ପୂର୍ବରୁ ମଧ୍ୟ ସମନ ଜାରି କରାଯାଇଥିଲା। ୭ ଜୁଲାଇରେ ଏଜେନ୍ସି ତାଙ୍କୁ ଦ୍ବିତୀୟ ଥର ପାଇଁ ପଚରା ଉଚରା କରିଥିଲା।

କୋଟି କୋଟି ଟଙ୍କା ହେରଫେର ମାମଲାରେ ଜ୍ୟାକଲିନ୍‌ଙ୍କୁ ଇଡି ଜେରା କରୁଥିବା କୁହାଯାଉଛି। ତେବେ ଏହି ରାକେଟର ମୁକେଶ ଚନ୍ଦ୍ରଶେଖର ମାଷ୍ଟରମାଇଣ୍ଡ ବୋଲି ଅଭିଯୋଗ ମଧ୍ୟ ହୋଇଛି ।