ନୂଆ ବର୍ଷ ପାଇଁ ଇଂସ୍ଟଗ୍ରାମ ରିଲ ବନାଉଥିଲେ ତିନି ସାଙ୍ଗ, ରେଳ ବ୍ରିଜରେ ମାଡିଆସିଲା ଟ୍ରେନ, ଆଉ ତା'ପରେ ଚାରିଆଡେ ରକ୍ତର ଛିଟା ଖେଳିଯାଇଥିଲା...

ଓଡ଼ିଆ ଗସିପ ବ୍ୟୁରୋ: ବିପଜ୍ଜନକ ସ୍ଥାନରେ ଇଂସ୍ଟଗ୍ରାମ ରିଲ ତିଆରି କରିବାର ନିଶା ଏବେ ତିନି ସାଙ୍ଗଙ୍କ ପାଇଁ କାଳ ହୋଇଛି । ନୂଆ ବର୍ଷର ପ୍ରଥମ ଦିନରେ ଏକ ଟ୍ରେନ୍ ସେମାନଙ୍କ ଉପରେ ଚଢି ଯିବା ଫଳରେ ବିହାରର ଦୁଇଜଣ ଯୁବକ ଏଥିରେ ପ୍ରାଣ ହରାଇଛନ୍ତି ।

ଏହି ଘଟଣା ଘଟିବା ପରେ ବିହାରର ଖାଗରିଆରେ ଶୋକର ବାତାବରଣ ଖେଳିଯାଇଛି । ଏକ ରେଳ ବ୍ରିଜ ଉପରେ ତିନିଜଣ ବନ୍ଧୁ ଇଂସ୍ଟଗ୍ରାମ ରିଲ ତିଆରି କରିବା ପାଇଁ ଭିଡ଼ିଓ ସୁଟିଂ କରୁଥିଲେ । ଶୀତ ଦିନ ଯୋଗୁ ଭୋର ସମୟରେ ଚାରିଆଡେ ଘନ କୁହୁଡ଼ି ଯୋଗୁ ତାଙ୍କ ପଛ ପଟୁ ଏକ ଏକ୍ସପ୍ରେସ ଟ୍ରେନ ଆସୁଥିବା ସେମାନେ ଆଭାସ କରିପାରି ନଥିଲେ । ଦୁଇ ସାଙ୍ଗଙ୍କ ଉପରେ ଟ୍ରେନ ମାଡିଯାଇଥିଲା । ଭାଗ୍ୟବଶତଃ ତୃତୀୟ ବାଳକଟି ବ୍ରିଜରୁ ତଳକୁ ନଦୀକୁ ଡେଇଁବାରେ ସଫଳ ହୋଇଥିଲା ।

ଏଠି କ୍ଲିକ କରି ଅଧିକ ପଢନ୍ତୁ: ବାର୍ଷିକ ରାଶିଫଳ (୨୦୨୩): ଜାଣନ୍ତୁ କଣ କେମିତି ରହିବ ଆପଣଙ୍କ ଏହି ୩ଟି ରାଶିର ଭାଗ୍ୟ ଚକ୍ର…

ହେଲେ ପରେ ସେ ଜାଣିବାକୁ ପାଇଥିଲା ଯେ ସେ ତାର ତିନି ସାଙ୍ଗକୁ ହରାଇସାରିଛି । ତୃତୀୟ ସାଙ୍ଗ ଜଣଙ୍କ ଏବେ ହସ୍ପିଟାଲରେ ଗୁରୁତର ଅବସ୍ଥାରେ ଭର୍ତ୍ତି ହୋଇଛନ୍ତି ।

ସୂଚନା ଯୋଗ୍ୟ, ଏହି ତିନି ନାବାଳକ ବନ୍ଧୁ ଭୋର ସକାଳ ସମୟରେ ଘନ କୁହୁଡିକୁ ଖାତିର ନ କରି ମାଡିଯାଇଥିଲେ ରେଳ ଟ୍ରାକ୍ ଆଡକୁ । ମନରେ ନିଶା ଥିଲା ଇଂସ୍ଟଗ୍ରାମ ରିଲ ତିଆରି କରିବେ । ରେଳ ଟ୍ରାକ୍ କୁ ଅନୁସରଣ କରି ନିକଟସ୍ଥ ମା କାଟାୟାନି ମନ୍ଦିରକୁ ଯାଉଥିଲେ । ସେମାନେ ସାମସ୍ତିପୁର-ସାହାରା ରେଳ ବିଭାଗରେ ଅବସ୍ଥିତ ବାଗମାଟି ନଦୀ ଉପରେ ନିର୍ମିତ ଏକ ରେଳ ବ୍ରିଜରେ ପହଞ୍ଚିଥିଲେ । ବ୍ରିଜ ନମ୍ବର ୫୧ ଉପରେ ସେମାନେ ନିଜକୁ ସୁଟିଂ କରୁଥିଲେ ଯେତେବେଳେ ଜାନକୀ ଏକ୍ସପ୍ରେସ ଟ୍ରେନ୍ ସେମାନଙ୍କ ମଧ୍ୟରୁ ଦୁଇଜଣଙ୍କ ଉପରେ ଚଢ଼ିଯାଇଥିଲା ।

ଦୁଇ ପୁଅ ନୀତୀଶ କୁମାର ଏବଂ ସୋନୁ କୁମାର, ଦୁହେଁ ୧୫-୧୭ ବର୍ଷ ବୟସର ହେବେ, ସେମାନଙ୍କର ସ୍ବପ୍ନ ଧୂଳିସାତ ହେଇଯିବା ପୂର୍ବରୁ ରିଲ ପାଇଁ ସେମାନେ ନିଜ ଇନଷ୍ଟାଗ୍ରାମ ଆକାଉଣ୍ଟରେ ‘2022 mein aukat khakar walon 2023 mein bachkar rahna’ ଗୀତ ସହିତ ରିଲ୍ ଅପଲୋଡ୍ କରିଥିଲେ । ପନ୍ଦର ମିନିଟ୍ ପରେ, ଦ୍ରୁତ ଗତିରେ ଆସୁଥିବା ଟ୍ରେନ୍ ସେମାନଙ୍କୁ 15 ମିଟରରୁ ଅଧିକ ଦୁରକୁ ଟାଣି ନିଆଯାଇଥିଲା । ଆଉ ଦୁଇ ନିରୀହ ଜୀବନର ଦ୍ବୀପ ଫୁସ କରି ଉଡିଯାଇଥିଲା ।

ଏଠି କ୍ଲିକ କରି ଅଧିକ ପଢନ୍ତୁ: ପ୍ରେମିକା ଘର ସମ୍ମୁଖରେ ପ୍ରେମିକର ଶବ, ହତ୍ୟା ନା ଆତ୍ମହତ୍ୟା..?

ଏହି ଭୟାନକ ଦୃଶ୍ୟର ସାକ୍ଷୀ ଥିବା ତୃତୀୟ ବାଳକ ଅମାନ କୁମାର ଦ୍ରୁତ ଗତିରେ ଆସୁଥିବା ଟ୍ରେନଠାରୁ ଅଳ୍ପ ଦୂରରେ ଥିଲେ । ନିଜ ଜୀବନ ବଞ୍ଚାଇବା ପ୍ରୟାସରେ ସେ ଗୁରୁତର ଆହତ ହୋଇଥିଲେ, ପୋଲ ତଳକୁ ଡେଇଁ ପଡିବା ଦ୍ୱାରା ତାଙ୍କ ଅଣ୍ଟା ଭାଙ୍ଗିଯାଇଛି ।

ଗଣମାଧ୍ୟମକୁ ସୂଚନା ଦେଇ ଅମାନ କହିଛନ୍ତି ଯେ ଘନ କୁହୁଡ଼ି ହେତୁ ସେମାନେ ଆସୁଥିବା ଟ୍ରେନକୁ ଦେଖି ପାରି ନଥିଲେ । ବର୍ତ୍ତମାନ ତାଙ୍କ ଅବସ୍ଥା ଗୁରୁତର ରହିଛି ଏବଂ ଚିକିତ୍ସା ଚାଲିଛି ।

ନୀତୀଶଙ୍କ ଇନଷ୍ଟାଗ୍ରାମ ପ୍ରୋଫାଇଲରେ ଏହା ଜଣାପଡିଥିଲା ଯେ ପୂର୍ବରୁ ଏହି ତିନି ସାଙ୍ଗ ଅନେକ ରିଲ ରେଳ ଟ୍ରାକ୍ କିମ୍ବା ରେଳ ବ୍ରିଜ୍ ଉପରେ ସୁଟିଂ କରିଛନ୍ତି ଯାହା ଅନ୍ୟଙ୍କ ପାଇଁ ଏହା କରିବା ଭାରି ବିପଦଜନକ ।