World Odia Language Conferene

ଆପଣଙ୍କ ହୋଇଛି କି କିଡନୀ ଷ୍ଟୋନ୍ ? ଏହି ଲକ୍ଷଣଗୁଡ଼ିକ ଦେଖା ଦେଲେ କରନ୍ତୁନି ଅଣଦେଖା 
 

Symptoms and Causes of Kidney Stones
କିଡନୀ ଷ୍ଟୋନ୍ ଲକ୍ଷଣ
 

ଓଡ଼ିଆ ଗସିପ୍ ବ୍ୟୁରୋ: କିଡ଼ନୀ ଆମ ଶରୀରର ଏକ ଅତ୍ୟାବଶ୍ୟକ ଅଙ୍ଗ । ଏହା ଆମ ଶରୀରରୁ ଅତିରିକ୍ତ ତରଳ, ବିଷାକ୍ତ ପଦାର୍ଥ ବାହାର କରିବାରେ ସାହାଯ୍ୟ କରେ । ଏହା ବ୍ୟତୀତ ଏହା ଶରୀରରେ ଜଳ, ଲୁଣ, ମିନେରାଲଲ୍ସକୁ ସନ୍ତୁଳିତ ପରିମାଣରେ ରଖିବାରେ ସାହାଯ୍ୟ କରେ । ଏହା ବିନା ଶରୀରର ସ୍ନାୟୁ, କୋଷ ଓ ମାଂସପେଶୀ ସଠିକ୍ ଭାବରେ କାର୍ଯ୍ୟ କରିପାରିବ ନାହିଁ । 

ଶରୀରକୁ ସୁସ୍ଥ ରଖିବା ପାଇଁ କିଡ଼ନୀକୁ ସୁସ୍ଥ ରଖିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ଯାହା ମୂତ୍ର ଆକାରରେ ଆମ ଶରୀରରେ ଥିବା ବର୍ଜ୍ୟବସ୍ତୁକୁ ବାହର କରିବା ସହ ଆମକୁ ସୁସ୍ଥ ରଖିଥାଏ । ହେଲେସଚେତନତା ଅଭାବରୁ ଭୁଲ ଖାଇବା ଅଭ୍ୟାସ ଏବଂ ଖରାପ ଜୀବନଶୈଳୀ ହେତୁ ଏଥିରେ ଛୋଟ ଷ୍ଟୋନ୍ ଜମା ହୋଇଯାଏ, ଯାହାକୁ କିଡନୀ ପଥର କୁହାଯାଏ। କିଡନୀରେ ପଥର ରହିଲେ ଅସହ୍ୟ ଯନ୍ତ୍ରଣା ହୁଏ। ଯେକୌଣସି ସମୟରେ ସୃଷ୍ଟି ହେଉଥିବା ଏହି ଯନ୍ତ୍ରଣା ଆପଣଙ୍କୁ ମାନସିକ ସ୍ତରରେ ଦୁର୍ବଳ କରିଥାଏ।

ଡାକ୍ତରଙ୍କ ଅନୁଯାୟୀ, କ୍ୟାଲସିୟମ, ସୋଡିୟମ ଏବଂ ଅନ୍ୟାନ୍ୟ ଖଣିଜ ପଦାର୍ଥର ପାରସ୍ପରିକ କ୍ରିୟା ହେତୁ କିଡନୀ ପଥର ଗଠନର କାରଣ ହେଉଛି। ଅଧିକାଂଶ ଲୋକ କିଡନୀ ପଥରର ଲକ୍ଷଣ ଚିହ୍ନଟ କରିବାରେ ଅସମର୍ଥ ଏବଂ ସେମାନଙ୍କୁ ଗ୍ୟାସ୍ କିମ୍ବା ହଜମ ଭାବରେ ଅଣଦେଖା କରନ୍ତି। କିନ୍ତୁ ଆପଣ ଜାଣିଛନ୍ତି କି ଆପଣ ଏହି ଲକ୍ଷଣଗୁଡ଼ିକୁ ନିଜେ ମଧ୍ୟ ଚିହ୍ନଟ କରିପାରିବେ? କିଡନୀ ପଥରର ଲକ୍ଷଣଗୁଡିକ କିପରି ଚିହ୍ନଟ କରାଯିବ ଶିଖନ୍ତୁ...

ଅଧିକ ପଢନ୍ତୁ : ଅଚାନକ୍ “ହୃଦଘାତ” ଆସିଲେ କରିବେ କଣ ? ଜାଣିଲେ ଆପଣ ମଧ୍ୟ ବଞ୍ଚାଇପାରିବେ ଜଣଙ୍କ ଜୀବନ

ଲକ୍ଷଣ:

-ମୁତ୍ରାଶୟରେ ଜଳାପୋଡ଼ା ହେବା

-ପରିସ୍ରା କରିବା ସମୟରେ ରକ୍ତ ପଡ଼ିବା

-ପରିସ୍ରା କରିବା ସମୟରେ ଯନ୍ତ୍ରଣା ହେବା

-ପରିସ୍ରାରୁ ଦୁର୍ଗନ୍ଧ ନିର୍ଗତ ହେବା

-ଧିରେ ଧିରେ ପରିସ୍ରା ହେବା

-ବାରମ୍ବାର ପରିସ୍ରା ଲାଗିବା

ଅଧିକ ପଢନ୍ତୁ : ଆପଣଙ୍କୁ ହୋଇଛି କି ଡାଇସେଟିସ୍ ? ଏସବୁ ଲକ୍ଷଣରୁ ଜାଣି ହୋଇଯାଆନ୍ତୁ ସତର୍କ! ନଚେତ୍...ଭୋଗିବେ

-ଯଦି ଆପଣଙ୍କର କିଡନୀ ଷ୍ଟୋନ ହୋଇଛି, ତେବେ ଆପଣଙ୍କ ପେଟ ଏବଂ ପିଠିରେ ପ୍ରବଳ ଯନ୍ତ୍ରଣା ହୋଇପାରେ। ଏହି ଯନ୍ତ୍ରଣାକୁ ଅଣଦେଖା କରନ୍ତୁ ନାହିଁ।

-ଯଦି କିଡନୀରେ ଷ୍ଟୋନ ଥାଏ, ତେବେ ବାନ୍ତି ହେବାର ସମସ୍ୟା ଅଧିକ ଦେଖାଯିବ ଏବଂ ବାରମ୍ବାର ବାନ୍ତି ହେବାର ସମ୍ଭାବନା ରହିଛି।

-ଯଦି କିଡନୀରେ ଷ୍ଟୋନ ହୋଇଥାଏ ତେବେ ପରିସ୍ରାରେ ସଂକ୍ରମଣ ଏବଂ ଜଳାପୋଡ଼ା ସମ୍ବେଦନଶୀଳତା ହୋଇପାରେ।

-ଆପଣଙ୍କୁ ଜ୍ୱର ମଧ୍ୟ ହୋଇପାରେ ଏବଂ ହଠାତ୍ ଝାଳ ବାହାରିବା

ଅଧିକ ପଢନ୍ତୁ : ୟୁରିକ୍ ଏସିଡ୍‌କୁ ଦୂର କରିବ ଏହି ୩ଟି ଜିନିଷ, ଯନ୍ତ୍ରଣାରୁ ମିଳିବ ମୁକ୍ତି!
 

Share this story