ଓଡିଶାରୁ ୩୫୦ କୋଟି ଜବତ ଘଟଣା: ନିର୍ବାଚନରେ ବିଜେପି ପାଇଁ ଖର୍ଚ୍ଚ ହୋଇଥାନ୍ତା ୧୦୦ କୋଟି, ଆୟକର ବିଭାଗ ହାତରେ ଲାଗିଲା ସାଙ୍ଘାତିକ ତଥ୍ୟ!, ଦେଖନ୍ତୁ ଭିଡ଼ିଓ...
ଓଡ଼ିଆ ଗସିପ ବ୍ୟୁରୋ: ମଦ ବ୍ୟବସାୟୀଙ୍କ ଘରୁ ଟଙ୍କାର ପାହାଡ ଜବତ ହୋଇଛି । ମଦ ବ୍ୟବସାୟୀ ରାଜକିଶୋର ସାହୁ ଓ ଦେବରାଜ ସାହୁଙ୍କ ଘରୁ ଏତେ ଟଙ୍କା ଜବତ ହୋଇଛି ଯେ ଜବତ ଟଙ୍କାକୁ ଟ୍ରକରେ ଆଣିବାକୁ ପଡିଛି ।
ସୁନ୍ଦରଗଡ ଓ ସମ୍ବଲପୁରରେ ରେଡ୍ ବେଳେ ପୁଳା ପୁଳା ନୋଟ ବିଡା ଜବତ ହୋଇଛି ମଦ ବ୍ୟବସାୟୀଙ୍କ ଘରୁ । ବିଡା ବିଡା ଟଙ୍କାରେ ଆଲମିରା ଭର୍ତି ହୋଇଛି । ୧୦୦ ଟଙ୍କିଆରୁ ୫୦୦ ଟଙ୍କିଆ ନୋଟ ବିଡା ଦେଖି ତାଜୁବ ହୋଇଯାଇଛନ୍ତିି ଆୟକର ଅଧିକାରୀ । ଘରର ଯୋଉଠି ହାତ ମାରିଲେ ସେଠାରୁ ବାହାରୁଛି ପୁଳା ପୁଳା ଟଙ୍କା ।
ଭୁବନେଶ୍ୱର, ସୁନ୍ଦରଗଡ, ରାୟଗଡା, ବୌଦ୍ଧ ଏବଂ ଟିଟଲାଗଡରେ ଏକା ସଙ୍ଗରେ ଆୟକର ବିଭାଗର ରେଡ୍ ଚାଲିଛି । ଟଙ୍କା ଗଣି ଗଣି ମେସିନ୍ ବି ହାଲିଆ ହୋଇଗଲାଣି । ଟଙ୍କା ଗଣା ପାଇଁ ୧୨ଟି ମେସିନ୍ ଲାଗିଛି । ବହୁ ଦିନ ଧରି ବିଡା ବନ୍ଧା ହୋଇ ରହିଥିବାରୁ ଟଙ୍କା ଗଣିବାରେ ସମସ୍ୟା ଉପୁଜୁଥିବା ଜଣାପଡିଛି ।
ଝାଡ଼ଖଣ୍ଡ କଂଗ୍ରେସ ରାଜ୍ୟସଭା ସାଂସଦ ଧିରଜ ସାହୁ ଙ୍କ ଟଙ୍କା ଗଛିତ ହୋଇ ରହିଥିବା ଆଇଟି ସୂତ୍ରରୁ ଜଣାପଡ଼ିଛି । ଗତ ଛତିଶଗଡ଼ ନିର୍ବାଚନରେ କଂଗ୍ରେସ ପାଇଁ ଏତେ ଟଙ୍କା ଖର୍ଚ୍ଚ ହେବା ପାଇଁ ଥିବା ବେଳେ ଚଢ଼ାଉ କରିଛି ଆୟକର ବିଭାଗ ।
କିନ୍ତୁ ଏଠାରେ ପ୍ରଶ୍ନ ଉଠୁଛି ଝାଡଖଣ୍ଡ ଓ ଛତିଶଗଡ଼ ରୁ ଆୟ ହୋଇଥିବା ଟ୍ରକ ଟ୍ରକ ଟଙ୍କା ଓଡ଼ିଶାରେ କାହିଁକି ଗଛିତ ହୋଇଥିଲା ? ସରକାରଙ୍କୁ ଠକୁଥିବା ଏହି ଠକଙ୍କୁ କିଏ ଦେଉଥିଲା ସୁରକ୍ଷା ? ଆଇଟି ର ତନାଘନା ଭିତରେ କିଛି ରୋଚକ ତଥ୍ୟ ସାମ୍ନାକୁ ଆସିଛି ।
ବଲାଙ୍ଗୀର ରାଜବଂଶ ସହ ଜଡିତ ଜଣେ ବିଜେପି ତୁଙ୍ଗ ନେତା ଓ କଳାହାଣ୍ଡିର ଆଉ ଜଣେ ବିଜେପି ରାଜ୍ୟ ନେତୃତ୍ୱ କୁଆଡେ ଏହି ଧିରଜଙ୍କୁ ଦେଉଥିଲେ ସିକ୍ୟୁରିଟି । ଏ ନେଇ ଗତ କିଛି ବର୍ଷ ପୂର୍ବରୁ ଡିଲ ସରିଥିଲା ।
ଦେଖନ୍ତୁ ଭିଡ଼ିଓ:
ଗତ ପଂଚାୟତ ନିର୍ବାଚନ, ଉପନିର୍ବାଚନ ରେ ଧିରଜଙ୍କ ଟଙ୍କା ବିନିଯୋଗ ହୋଇଥିଲା । ଏପରିକି ଓଡ଼ିଶାର ଆଗାମୀ ସାଧାରଣ ନିର୍ବାଚନରେ ବିଜେପି ପାଇଁ ପଶ୍ଚିମ ଓଡ଼ିଶାରେ ଏହି ଟଙ୍କା ଖର୍ଚ୍ଚ ହେବାକୁ ଥିବା ଭଳି ସଙ୍ଗୀନ ସୁରାକ ଲାଗିଛି ଆଇଟି ଅଧିକାରୀଙ୍କ ପାଖରେ ।
କିନ୍ତୁ କଂଗ୍ରେସ ନେତାଙ୍କ ସହ ବିଜେପି ଶୀର୍ଷ ନେତୃତ୍ୱଙ୍କର ଏଭଳି ଭିତିରି ବୁଝାମଣା ସଭିଙ୍କୁ ତାଯୁବ କରିଛି । ଠାକୁର ଘରେ କିଏ ନାଂ ମୁଁ କଦଳୀ ଖାଅନି ନ୍ୟାୟରେ ପ୍ରେସମିଟ କରି ବିଜେପି ନେତା ନିଜ ଦେହରେ ଲାଗିଥିବା ଅଳିଆ ସଫା କରୁଥିବା କହିଛନ୍ତି ରାଜନୈତିକ ବିଶେଷଜ୍ଞ ।
