ଆଲବମ୍ ଅଭିନେତ୍ରୀଙ୍କ ଝୁଲନ୍ତା ମୃତଦେହ ଉଦ୍ଧାର, ମୃତ୍ୟୁର କାରଣ ଅସ୍ପଷ୍ଟ...

ଓଡ଼ିଆ ଗସିପ ବ୍ୟୁରୋ: ବଲାଙ୍ଗିର ସୁଦପଡ଼ାର ଏକ ଘରୁ ଆଲବମ୍ ଅଭିନେତ୍ରୀଙ୍କ ମୃତଦେହ ଉଦ୍ଧାର ହୋଇଛି । ମୃତ ଆଲବମ୍ ଅଭିନେତ୍ରୀଙ୍କ ନାଁ ରୁଚିସ୍ମିତା ଗୁରୁ ବୋଲି ଜଣାପଡ଼ିଛି । ଘର ଭିତରୁ ତାଙ୍କର ଝୁଲନ୍ତା ଅବସ୍ଥାରେ ମୃତଦେହ ଉଦ୍ଧାର ହୋଇଛି । ଯୁବତୀଙ୍କ ମାମୁଘର ସୁଦପଡ଼ା । ନିଜ ଘର ସହରର ତାଲପାଲିପଡ଼ା ।

ତେବେ ଅଭିନେତ୍ରୀଙ୍କ ମୃତ୍ୟୁର କାରଣ ଜଣାପଡ଼ିନାହିଁ । ଘଟଣାକୁ ନେଇ ପୋଲିସ ତଦନ୍ତ ଆରମ୍ଭ ହୋଇଛି । ବଲାଙ୍ଗିର ଜିଲ୍ଲା ପାଇଁ ସେ ବହୁତ ଲୋକପ୍ରିୟ ଥିଲେ । ସେ ଅନେକ ଓଡ଼ିଆ ଆଲବମ୍ ଓ ଭଜନ କରିଛନ୍ତି । ସେ ମାମୁଘରେ ରହୁଥିଲେ । ଯେଉଁ ଘରେ ତାଙ୍କର ମୃତ୍ୟୁ ହୋଇଥିଲା, ସେହି ଘରକୁ ପୋଲିସ ସିଲ୍‌ କରିଦେଇଛି ।

ଆହୁରି ପଢନ୍ତୁ : ରାଗିଂ ନେଲା ଇଞ୍ଜିନିୟରିଂ ଛାତ୍ରୀଙ୍କ ଜୀବନ !, ତାଙ୍କ ସହ ଘଟିଥିଲା କିଛି ଏପରି...

ଘଟଣାକୁ ନେଇ ମୃତ ଅଭିନେତ୍ରୀଙ୍କ ମା’ ପ୍ରତିକ୍ରିୟା ରଖିଛନ୍ତି । ତାଙ୍କ ମା’ଙ୍କ କହିବାନୁଯାୟୀ, ତାଙ୍କର ଝିଅ ସହ ବଚସା ହୋଇଥିଲା । ଖାଇବା ତୁରନ୍ତ କରିବା ପାଇଁ ଝିଅକୁ କହିଥିଲେ । ହେଲେ ଝିଅ ବିଳମ୍ବରେ କରିବା କହିବାରୁ ସେ ଯୁକ୍ତିତର୍କ କରିଥିଲେ । ଫଳରେ ଏଥିରେ ରାଗିଯାଇ ସେ ଦଉଡ଼ି ଲଗାଇ ଝୁଲିପଡ଼ିଥିବା ତାଙ୍କ ମା’ କହିଛନ୍ତି ।

ସେପଟେ ଓଲିଉଡ ଜଗତକୁ ଦେଖିଲେ ନିକଟରେ ବଡ଼ ବଡ଼ ଅଭିନେତା ଓ ଅଭିନେତ୍ରୀଙ୍କ ପରଲୋକ ହୋଇଛି । ଯାହାର ସ୍ଥାନ କେବେବି ପୂରଣ ହୋଇପାରିବ ନାହିଁ । ନିକଟରେ ଅଭିନେତା ପିଣ୍ଟୁ ନନ୍ଦଙ୍କ ପରଲୋକ ହୋଇଥିଲା । ମାର୍ଚ୍ଚ ୧ ତାରିଖରେ ଓଡ଼ିଆ ଅଭିନେତା ପିଣ୍ଟୁ ନନ୍ଦ ସବୁଦିନ ପାଇଁ ସମସ୍ତଙ୍କୁ ଛାଡ଼ି ଚାଲିଯାଇଥିଲେ ।

ଆହୁରି ପଢନ୍ତୁ : ପ୍ରେମିକକୁ ଘରକୁ ଡାକି କୋଲ୍ଡ ଡ୍ରିଙ୍କ୍ସରେ ବିଷ ମିଶାଇ ଦେଲା ପେମିକା, ଆଉ କଲ୍ କରି କହିଲା ମରିନୁ ଯଦି ରଶି ଲାଗେଇଦେ.. ଗୁଡ୍ ବାଏ

ଲିଭର୍ ସିରୋସିସ୍‌ରେ ପୀଡ଼ିତ ହେବା ପରେ ଗୁରୁତର ଅବସ୍ଥାରେ ଭୁବନେଶ୍ୱରର ଏକ ଘରୋଇ ହସ୍ପିଟାଲରେ ପିଣ୍ଟୁ ଚିକିତ୍ସିତ ହେଉଥିଲେ । ତେବେ ଅଧିକ ଚିକିତ୍ସା ପାଇଁ ତାଙ୍କୁ ଦିଲ୍ଲୀ ନେଇଯିବାକୁ ଡାକ୍ତର ପରାମର୍ଶ ଦେଇଥିଲେ ।

ତେଣୁ ସେ ଦିଲ୍ଲୀ ଗସ୍ତ କରିଥିଲେ। ସେଠାରେ ତାଙ୍କର ଲିଭର୍ ଟ୍ରାନ୍ସପ୍ଲାଣ୍ଟ ହେବାର ଥିଲା । ହେଲେ ସେଠାରେ ଡୋନର ନମିଳିବାରୁ ତାଙ୍କୁ ହାଇଦ୍ରାବାଦ ସ୍ଥିତ ଯଶୋଦା ହସ୍ପିଟାଲକୁ ସ୍ଥାନାନ୍ତର କରାଯାଇଥିଲା । ହେଲେ ସେଠାରେ ପିଣ୍ଟୁ ଶେଷ ନିଃଶ୍ୱାସ ତ୍ୟାଗ କରିଥିଲେ ।