World Odia Language Conferene

ମନ୍ତ୍ରୀଙ୍କୁ କେମିତି ମାରିଥିଲା ଗୋପାଳ, ସ୍ପଟ୍‌ରେ ପୋଲିସକୁ ଗୋଟି ଗୋଟି କରି ସବୁ ଦେଖାଇଲା...

Police ASI Gopal Das created crime scene in front of Odisha Crime Branch

ଓଡ଼ିଆ ଗସିପ ବ୍ୟୁରୋ: ଗୋପାଳ ବଖାଣିଲା ଗୁଳି ମାଡ଼ ଘଟଣା । ଗୋଟି ଗୋଟି କରି ସବୁ କିଛି ଦେଖାଇଲା ପୋଲିସ ସାମ୍ନାରେ । ପାୱାରଫୁଲ୍ ମନ୍ତ୍ରୀ ନବ ଦାସ ହତ୍ୟା ଘଟଣାରେ କ୍ରାଇମ ସିନ୍ ରିକ୍ରିଏଟ୍ କରିଛି କ୍ରାଇମବ୍ରାଞ୍ଚ ।

ଗତକାଲି ଗୋପାଳକୁ କଡ଼ା ସୁରକ୍ଷାବଳୟ ଭିତରେ ବ୍ରଜରାଜନଗର ଗାନ୍ଧି ଛକ କ୍ରାଇମ୍ ସ୍ପଟକୁ ନିଆଯାଇଥିଲା । କେମିତି ଗୁଳି ମାଡ଼ କରିବାକୁ ମନ୍ତ୍ରୀଙ୍କ ପାଖକୁ ଯାଇଥିଲା, ସବୁ କିଛିର ଖୁଲାସା କରିଛି ।

ଫୁଲ ମାଳ ଦେବା ପରେ କେମିତି ଗୁଳି ଚଲାଇ ସେଠୁ ଆସିଥିଲା, ଗୁଳି ମାଡ଼ ପରେ ଲୋକଙ୍କୁ ଡରାଇଥିଲା ସେସବୁକୁ ଦେଖାଇଛି । ହାତରେ ଏକ ଡେମୋ ବନ୍ଧୁକ ଧରି ତାକୁ ଏସବୁ କରିବାକୁ କହିଥିଲେ କ୍ରାଇମବ୍ରାଞ୍ଚ ଟିମ ।

ଅଧିକ ପଢ଼ନ୍ତୁ : ଦୁଷ୍କର୍ମ ଅଭିଯୋଗରେ ଫସିବେ ତିର୍ତ୍ତୋଲ ବିଧାୟକ! ପ୍ରେମିକା ସୋମାଲିକାଙ୍କ ସହ ଦୁଇଥର ଦୁଷ୍କର୍ମ ପରେ ଗର୍ଭପାତ ଅଭିଯୋଗ; ଭିଡିଓଗ୍ରାଫି ଜରିଆରେ ବୟାନ ରେକର୍ଡ

ମନ୍ତ୍ରୀ ନବ ଦାସଙ୍କୁ ଗୁଳି କରିଥିବା ଗୋପାଳ ଦାସଙ୍କ ପୂରା ନାଁ ଗୋପାଳକୃଷ୍ଣ ଦାସ । ପ୍ରଥମେ ବ୍ରହ୍ମପୁରରେ କନଷ୍ଟେବଳ ଭାବେ ଚାକିରି ଆରମ୍ଭ କରିଥିଲେ । ଚାକିରିରେ ପଦୋନ୍ନତି ପରେ ଏଏସ୍‌ଆଇ ଭାବେ ନିଯୁକ୍ତି ପାଇଥିଲେ ।

ASI ନିଯୁକ୍ତି ପରେ ଝାରସୁଗୁଡ଼ା ରେ ଅବସ୍ଥାପିତ ଥିଲେ । ଝାରସୁଗୁଡ଼ାରେ ସେ ୧୨ ବର୍ଷରୁ ଅଧକ ସମୟ ହେବ କାର୍ଯ୍ୟ କରି ଆସୁଛନ୍ତି । ବ୍ରଜରାଜନଗର ଗାନ୍ଧି ଛକ ଫାଣ୍ଡି ଦାୟିତ୍ୱରେ ଥିଲେ ଗୋପାଳ ।

ତେବେ ନବ ଦାସଙ୍କୁ କାହିଁକି ଗୁଳିକରି ହତ୍ୟା କଲା ଗୋପାଳ ? ୧୦ ଦିନ ପରେ ବି ରହସ୍ୟ ଫିଟୁନଥିବାରୁ ତଦନ୍ତ ପ୍ରକ୍ରିୟାକୁ ନେଇ ସନ୍ଦେହ ପ୍ରକାଶ କରିଛନ୍ତି ନବ ଦାସଙ୍କ ହାଇସ୍କୁଲ ଶିକ୍ଷକ । ହତ୍ୟାକାରୀ ପକେଟରେ ଚିଠି ୨ ଦିନ ରହିବା ଓ ଟଏଲେଟ୍ ଫ୍ଲସକୁ ନେଇ ପ୍ରଶ୍ନ କରିଛନ୍ତି ନବଙ୍କ ଶିକ୍ଷକ ଭକ୍ତ ପ୍ରସାଦ ନନ୍ଦ । କହିଛନ୍ତି, ଚିଠି ପ୍ରସଙ୍ଗ ପରେ ବିଶ୍ବାସ ହେଉନି, ତଦନ୍ତ ଠିକ୍ ସ୍ଥାନରେ ପହଞ୍ଚିବ । ତଦନ୍ତ ସଫଳ ହେଲେ CMଙ୍କ ଗୌରବ ରହିବ, ନହେଲେ ଗାରିମା କମିବ ।

ଅଧିକ ପଢ଼ନ୍ତୁ : ପରୀକ୍ଷା ହଲରେ ଛାତ୍ରଙ୍କ ଉଡ଼ିଗଲା ହୋସ୍, ଜ୍ୱର ବି ଆସିଗଲା !, ଛାତ୍ରଙ୍କର ହୋସ୍ ଉଡ଼ିବା ପଛର କାରଣ ଜାଣିଲେ ଆପଣ ବି ଆମକୁ ଅବିଶ୍ୱାସ କରିବେ...

କାଲି ସରୁଛି ଗୋପାଳର ଦ୍ୱିତୀୟ ପର୍ଯ୍ୟାୟ ୪ ଦିନିଆ ରିମାଣ୍ଡ ଅବଧି । ଏହାପରେ ପୁଣି ତାକୁ ରିମାଣ୍ଡରେ ନିଆଯିବ ନା ନାହିଁ ? କ୍ରାଇମବ୍ରାଞ୍ଚ କେବେ ହତ୍ୟାର ମୋଟିଭ୍ ସମ୍ପର୍କରେ ଖୁଲାସା କରିବ ତାକୁ ଅପେକ୍ଷା ।

Share this story