ଏହି ଖେଳାଳିଙ୍କୁ ପ୍ରଶଂସାରେ ପୋତି ପକେଇଲେ ଗାଭାସ୍କର, କହିଲେ କେବଳ ତାଙ୍କ କ୍ୟାପଟେନସି ଅଧୀନରେ ହିଁ ଏହା ସମ୍ଭବ
ଓଡ଼ିଆ ଗସିପ ବ୍ୟୁରୋ: ଧୋନୀ ହେଉଛନ୍ତି ସବୁଠୁ୍ ଶ୍ରେଷ୍ଠ ଅଧିନାୟକ । ତାଙ୍କ ପରି ଜଣେ ଦକ୍ଷ ଅଧିନାୟକ ଭାରତ ଏବଂ ଚେନ୍ନାଇ ଦଳ କେବେ ପାଇବ ନାହିଁ । ସେ କଠିନ ପରିସ୍ଥିତିରୁ କିପରି ବାହାରି ହେବ ତାହା ଜାଣିଛନ୍ତି । ଧୋନୀଙ୍କୁ ନେଇ ଏପରି କହିବା ସହ ଭାବପ୍ରବଣ ହୋଇପଡିଛନ୍ତି ପୂର୍ବତନ ଭାରତୀୟ କ୍ରିକେଟ ତାରକା ସୁନୀଲ ଗାଭାସ୍କର ।
ଭାରତୀୟ ଦଳର ଭେଟେରାନ ବ୍ୟାଟ୍ସମ୍ୟାନ୍ ସୁନୀଲ ଗାଭାସ୍କର ଚେନ୍ନାଇ ସୁପର କିଙ୍ଗ୍ସ ଅଧିନାୟକ ଏମଏସ ଧୋନିଙ୍କୁ ଆଇପିଏଲ ଇତିହାସର ଶ୍ରେଷ୍ଠ ଅଧିନାୟକ ବୋଲି କହିଛନ୍ତି । ସେ କହିଛନ୍ତି ଯେ ‘ତାଙ୍କ ଭଳି କ୍ୟାପଟେନ ନା କେବେ କେହି ହୋଇଛନ୍ତି ନା ଭବିଷ୍ୟତରେ କେହି ହେବେ’ ।
ପୂର୍ବତନ ଭାରତୀୟ ଅଧିନାୟକ ଗାଭାସ୍କର ନିଜ ବୟାନରେ କହିଛନ୍ତି ଯେ ‘ଚେନ୍ନାଇ ସୁପର କିଙ୍ଗ୍ସ ଜାଣିଛି ଯେ କଠିନ ପରିସ୍ଥିତିରୁ କିପରି ବାହାରକୁ ଆସିବେ । କେବଳ ମହେନ୍ଦ୍ର ସିଂ ଧୋନିଙ୍କ ଅଧିନାୟକତ୍ୱ ଯୋଗୁଁ ଏହା ସମ୍ଭବ ହୋଇଛି । ୨୦୦ ମ୍ୟାଚରେ କ୍ୟାପଟେନ୍ କରିବା ଅତ୍ୟନ୍ତ କଷ୍ଟକର । ଏତେ ମ୍ୟାଚରେ କ୍ୟାପଟେନ କରିବା ଏକ ବୋଝ ଓ ଏହା ତାଙ୍କ ପ୍ରଦର୍ଶନ ଉପରେ ମଧ୍ୟ ପ୍ରଭାବିତ ହୋଇପାରେ ।’
ଆହୁରି ପଢ଼ନ୍ତୁ: ଦେଖନ୍ତୁ ଭିଡ଼ିଓ: ଦିନେଶ କାର୍ତ୍ତିକଙ୍କ ଏହି ଭୁଲ୍ ପାଇଁ ଶେଷ ବଲ୍ ରେ ହାରିଗଲା RCB, ଏଥିପାଇଁ କାର୍ତ୍ତିକ ହୋଇପାରିବେନି ଧୋନି
ଗାଭାସ୍କର କହିଛନ୍ତି ଯେ ତାଙ୍କ ପରି କ୍ୟାପଟେନ କେହି ନାହାଁନ୍ତି କିମ୍ବା ଭବିଷ୍ୟତରେ ତାଙ୍କ ଭଳି କ୍ୟାପଟେନ ମଧ୍ୟ ରହିବେ ନାହିଁ । ଧୋନୀ ନିକଟରେ ଚେନ୍ନାଇ ସୁପର କିଙ୍ଗ୍ସ ପାଇଁ ଅଧିନାୟକ ଭାବରେ ୨୦୦ ମ୍ୟାଚ୍ ଖେଳିଥିଲେ । ତେବେ ଏହି ମ୍ୟାଚ୍ରେ ଧୋନୀଙ୍କ ଦଳକୁ ତିନି ରନ୍ରେ ପରାଜୟର ସାମ୍ନା କରିବାକୁ ପଡିଥିଲା ।
ଧୋନୀ ଆଇପିଏଲରେ ଗୋଟିଏ ଦଳ ପାଇଁ ୨୦୦ ମ୍ୟାଚ୍ ଅଧିନାୟକ କରିଥିବା ପ୍ରଥମ ଖେଳାଳି । ୪୧ ବର୍ଷୀୟ ଧୋନୀ ଇତିହାସର ପ୍ରଥମ ଖେଳାଳି ଯିଏକି ଏହି ରେକର୍ଡ ସୃଷ୍ଟି କରିଛନ୍ତି । ମହେନ୍ଦ୍ର ସିଂ ଧୋନୀ ଭାରତୀୟ ଦଳ ଓ ଆଇପିଏଲର ସବୁଠାରୁ ସଫଳ ଅଧିନାୟକ । ସେ ଚେନ୍ନାଇ ପାଇଁ ଚାରିଥର ଟ୍ରଫି ଜିତିଛନ୍ତି ।
ଧୋନି ଆଇପିଏଲ୍ ଆରମ୍ଭରୁ CSK ର ଏକ ଅଂଶ । ୨୦୧୬ ଏବଂ ୨୦୧୭ ରେ ଚେନ୍ନାଇ ଉପରେ ପ୍ରତିବନ୍ଧକ ପରେ ଧୋନୀଙ୍କୁ ଏକ ଭିନ୍ନ ଦଳ ସହିତ ଖେଳିବାକୁ ପଡିଲା । ସେ ୨୦୧୬ ସିଜନରେ ୧୪ ଟି ମ୍ୟାଚରେ ରାଇଜିଂ ପୁଣେ ସୁପରଜିଆଣ୍ଟ୍ସର ନେତୃତ୍ୱ ନେଇଥିଲେ ଏବଂ ଅଧିନାୟକ ଭାବରେ ମୋଟ ୨୧୪ ମ୍ୟାଚ ନେତୃତ୍ବ ନେଇଥିଲେ ।
ଆହୁରି ପଢ଼ନ୍ତୁ: ସୁନ୍ଦରୀ ତରୁଣୀଙ୍କ ନିଶାରେ ଭୁବନେଶ୍ୱର, ବର୍ଷକରେ ଅଦୃଶ୍ୟ ସୁନ୍ଦରୀ ନେଲେଣି ଦେଢ଼କୋଟି
ଧୋନିଙ୍କ CSK ଚାରିଥର ଆଇପିଏଲ୍ ଟାଇଟଲ୍ ଜିତିଛି । CSK ଅଧିନାୟକ ଭାବରେ ତାଙ୍କର ରେକର୍ଡ ହେଉଛି ୧୨୦ ବିଜୟ, ୭୯ ପରାଜୟ ଏବଂ ଗୋଟିଏ ଡ୍ର ।
ଏମ୍ଏସ୍ ଧୋନୀ ୨୦୦୭ ଟି-୨୦ ବିଶ୍ୱକପ୍ ଓ ଟିମ୍ ଇଣ୍ଡିଆ ପାଇଁ ୨୦୧୧ ଦିନିକିଆ ବିଶ୍ୱକପ୍ ଜିତାଇଛନ୍ତି । ସେ ୯୦ ଟି ଟେଷ୍ଟରେ ୪୮୭୬ ରନ୍ ସ୍କୋର କରିଛନ୍ତି । ଧୋନି ୩୫୦ ଟି ଦିନିକିଆରେ ୧୦୭୭୩ ରନ୍ ସଂଗ୍ରହ କରିଥିବା ବେଳେ ୯୮ଟି ଟି-୨୦ ରେ ୧୬୧୭ ରନ୍ କରିଛନ୍ତି । ଏହି ସମୟରେ, ଆଇପିଏଲ୍ ର ୨୩୮ ମ୍ୟାଚରେ ୫୦୩୬ ରନ୍ କରିଛନ୍ତି । ଧୋନି ମଧ୍ୟ ଦିନିକିଆରେ ଗୋଟିଏ ୱିକେଟ୍ ନେଇଛନ୍ତି ।
