ଚାଲିଚାଲି ଯାଉଥିଲେ ହଠାତ ମାଡିଆସିଲା ବୋଲେରୋ, ଚାଲିଗଲା ୨ ସାଙ୍ଗଙ୍କ ଜୀବନ
ଓଡ଼ିଆ ଗସିପ ବ୍ୟୁରୋ : ବ୍ୟାଚଫିଷ୍ଟ ହେଲା କାଳ। ଅଧାରେ ରହିଗଲା କଲେଜ ଯିବାର ଆଶା । ଦୁର୍ଘଟଣାରେ ଚାଲିଗଲା ୨ସାଙ୍ଗଙ୍କ ଜୀବନ । ସାଙ୍ଗମାନଙ୍କ ସହ ମିଶି ବ୍ୟାଚଫିଷ୍ଟ କରି ଖାଇସାରି ଘରକୁ ଫେରୁଥିବା ବେଳେ ବୋଲେରୋ ଧକ୍କାରେ ୨ଜଣ ସାଙ୍ଗଙ୍କ ମୃତ୍ୟୁ ଘଟିଛି ।
ମୃତକ ଦ୍ବୟ ହେଲେ ଭୂବନ ଥାନା ସୂରପ୍ରତାପପୂର ଗ୍ରାମର ସୈାମ୍ୟରଞ୍ଜନ କାଣ୍ଡି ଓ ପୃଥିରାଜ ସାହୁ । ସୂଚନା ଅନୁଯାୟୀ, ଦଶମ ପରିକ୍ଷା ରେଜଲ୍ଟ ପ୍ରକାଶ ପାଇବା ପରେ ଖୁସିରେ ସାଙ୍ଗମାନେ ମିଶି କାଲୁଣି ଠାକୁରାଣିଙ୍କ ପିଠ ନିକଟରେ ବ୍ୟାଚ ଫିଷ୍ଟ କରୁଥିଲେ ।
ସମସ୍ତେ ଏକାଠି ଖାଇସାରିବା ପରେ ସାଙ୍ଗ ୨ଜଣ ଚାଲିଚାଲି ନିଜ ଘରକୁ ଫେରୁଥିବା ବେଳେ ଏକ ଅଜଣା ବୋଲେରୋ ଦୃତଗତିରେରେ ଆସି ସାମ୍ନାପଟୁ ଧକ୍କା ଦେଇଥିଲା ।
ସ୍ଥାନୀୟଲୋକେ ଓ ୧୦୮ ଆମ୍ବୁଲାନସ ଯୋଗେ ଚିକିତ୍ସା ପାଇଁ ଭୂବନ ଗୋଷ୍ଠିସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିବା ବେଳେ ସେଠାରେ ୨ଜଣଙ୍କ ମୃତ୍ୟୁ ହୋଇଛି । ଏହାକୁ ନେଇ ସମଗ୍ର ଅଞ୍ଚଳରେ ଶୋକର ଛାୟା ଖେଳି ଯାଇଛି । ପୁଲିସ ପହଞ୍ଚି ଅଧିକ ତଦନ୍ତ ଯାରି ରଖିଛି ।
