ଦିନକ ପୂର୍ବରୁ ଗୋପାଳଙ୍କୁ ଦିଆଯାଇଥିଲା ରିଭଲଭର, ସ୍ୱାସ୍ଥ୍ୟ ମନ୍ତ୍ରୀ ନବ ଦାସଙ୍କୁ କାହିଁକି ଗୁଳି କଲା ASI? କାରଣ କହିଲା ନିଜେ ଗୋପାଳ ଦାସ
ଓଡ଼ିଆ ଗସିପ୍ ବ୍ୟୁରୋ: ନବ ଦାସଙ୍କୁ ଗୁଳିମାଡ ଘଟଣାରେ ଏଏସଆଇ ଗୋପାଳ ଦାସଙ୍କ ସମ୍ପର୍କରେ ଆଉ ଏକ କଥା ସାମ୍ନାକୁ ଆସିଛି । ୨୦୧୩ରୁ ଅଭିଯୁକ୍ତ ଗୋପାଳ ଦାସଙ୍କୁ ବନ୍ଧୁକ ଇସ୍ୟୁ ହୋଇଥିଲା । ୯ ଏମଏମ ପିସ୍ତଲ ସହ ୨୪ ରାଉଣ୍ଡ ଗୁଳି ଇସ୍ୟୁ ହୋଇଥିଲା ।
୨୦୨୦ରେ ପୁରୁଣା ଗୁଳିକୁ ବଦଳାଇ ନୂଆ ଗୁଳି ଦିଆଯାଇଥିଲା । ୨୦୨୨ ଡିସେମ୍ବରରେ ରେଞ୍ଜ କୋର୍ସ ଫାଇରିଂରେ ଯୋଗ ଦେଇଥିଲେ । ତଦନ୍ତକାରୀ ଟିମ୍ ଅଭିଯୁକ୍ତ ବ୍ୟବହାର କରିଥିବା ଗୋଟିଏ ୯ ଏମଏମ୍ ପିସ୍ତଲ ଓ ୩ ରାଉଣ୍ଡ ଅଫୁଟା ଗୁଳି, ଗୋଟିଏ ମୋବାଇଲ୍ ହ୍ୟାଣ୍ଡସେଟ୍ ଜବତ କରାଯାଇଛି ।
ଓଡ଼ିଶା ସ୍ୱାସ୍ଥ୍ୟ ମନ୍ତ୍ରୀ ନବ କିଶୋର ଦାସଙ୍କୁ ରବିବାର ଦିନ ଏକ କାର୍ଯ୍ୟକ୍ରମ ସମୟରେ ଗୁଳି କରି ହତ୍ୟା କରାଯାଇଥିଲା । ନବ ଦାସଙ୍କ ଉପରେ ଏଏସଆଇ ଗୋପାଳକୃଷ୍ଣ ଦାସ ଗୁଳି ଚଳାଇଥିଲା । ବର୍ତ୍ତମାନ ଅଭିଯୁକ୍ତ ଏଏସଆଇ ଗୋପାଳ ଦାସ ଶେଷରେ ପୋଲିସ ପଚରାଉଚୁରାରେ ନିଜର ଅପରାଧ ସ୍ୱୀକାର କରିଛି, ଯାହା ଅତ୍ୟନ୍ତ ଚକିତକର ଥିଲା ।
ଅଧିକ ପଢ଼ନ୍ତୁ : ଓଲିଉଡର ଅଭିନେତା ପିଣ୍ଟୁ ନନ୍ଦଙ୍କ ସ୍ୱାସ୍ଥ୍ୟବସ୍ଥା ସଙ୍କଟାପନ୍ନ, ଅର୍ଥ ସାଜିଛି ବାଧକ...
ଅଭିଯୁକ୍ତ ଆସିଷ୍ଟାଣ୍ଟ ସବ୍-ଇନ୍ସପେକ୍ଟର (ASI) ଗୋପାଳ ଦାସ ଅଧିକାରୀମାନଙ୍କୁ କହିଛି ଯେ, ସେ ନବ ଦାସଙ୍କ ଛାତିରେ ଗୁଳି ମାରିଥିଲା । ଏହା ପରେ ତାଙ୍କୁ ଟାର୍ଗେଟ କରି ଆଉ ଦୁଇଟି ଗୁଳି ଚଳାଇଥିଲା । ଅଭିଯୁକ୍ତ ଗୋପାଳ ଦାସ ଆଗକୁ କହିଛି ଯେ, "ମୁଁ କିଛି ବଡ଼ କରିବାକୁ ଚିନ୍ତା କରିଥିଲି, ଯାହାଫଳରେ ମୋର ନାମ ସବୁଆଡେ ହେବ ।"
ଗୋପାଳ ଦାସଙ୍କୁ ପଚରାଉଚରା ବେଳେ ଏଭଳି କିଛି ତଥ୍ୟ ସାମ୍ନାକୁ ଆସିଛି, ଯାହା ଶୁଣି ଅଧିକାରୀମାନେ ଆଶ୍ଚର୍ଯ୍ୟ ହୋଇଯାଇଛନ୍ତି । ଏଥିସହିତ ଗୋପାଳ ଦାସଙ୍କ ଏହି ବୟାନରେ ସତ୍ୟତା ଥିବା ଜଣାପଡିଛି, କାରଣ ତାଙ୍କ ପାଖରେ ଏକ ଲୋଡେଡ୍ ପିସ୍ତଲ ଥିଲା ଏବଂ ତାଙ୍କର ଗୋଟିଏ ପକେଟରେ ମଧ୍ୟ ଗୁଳି ରଖାଯାଇଥିଲା ।
ଘଟଣାସ୍ଥଳରେ ଉପସ୍ଥିତ ଥିବା ଲୋକମାନେ ଗୋପାଳ ଦାସଙ୍କୁ ଧରିଥିଲେ । ଅନ୍ୟଥା ସେ ଲୋକମାନଙ୍କ ଉପରେ ଗୁଳି ମଧ୍ୟ କରିଥାନ୍ତା । ଆପଣଙ୍କୁ କହି ରଖୁଛୁ ଯେ, ଜାନୁଆରୀ ୨୯ ଅପରାହ୍ନରେ ସ୍ୱାସ୍ଥ୍ୟମନ୍ତ୍ରୀ ନବ କିଶୋର ଦାସ ଜିଲ୍ଲାର ବ୍ରଜରାଜନଗରର ଗାନ୍ଧୀ ଚକରେ ଏକ ସରକାରୀ ଗସ୍ତରେ ଥିଲେ । ସେପଟେ ଟ୍ରାଫିକ୍ କ୍ଲିୟରାନ୍ସ ଦାୟିତ୍ୱରେ ଗାନ୍ଧୀ ଚକ୍ ପୋଲିସ୍ ଥାନାର ଅଭିଯୁକ୍ତ ଏଏସ୍ଆଇ ଗୋପାଳ କୃଷ୍ଣ ଦାସ ଥିଲା ।
ଅଧିକ ପଢ଼ନ୍ତୁ : ପୁଣି ଇଜ୍ଜତ ଲୁଟି ଖାଇଲେ ମାନବ ରୂପି ରାକ୍ଷସ, ନାବାଳିକାଙ୍କୁ ୧୦ ମାସ ଧରି ଦୁଷ୍କର୍ମ କଲେ ଦୁର୍ବୃତ୍ତ
ଯେତେବେଳେ ମନ୍ତ୍ରୀଙ୍କ କାର ବିଜେଡି କର୍ମୀଙ୍କ ମଧ୍ୟରେ ପହଞ୍ଚିଲା ସେତେବେଳେ ଅଭିଯୁକ୍ତ ମଧ୍ୟ ମନ୍ତ୍ରୀଙ୍କ ନିକଟରେ ପହଞ୍ଚିଥିଲା । ଏହି ସମୟରେ ମନ୍ତ୍ରୀ ନବ ଦାସ କାରରୁ ଓହ୍ଲାଇବା ମାତ୍ରେ ଏଏସଆଇ ତାଙ୍କ ଉପରକୁ ଗୁଳି ଚଳାଇଥିଲା । ଏହା ପରେ ସେ ଆଉ ଦୁଇଟି ଗୁଳି ଚଳାଇଥିଲେ ମଧ୍ୟ ମଝିରେ ତାଙ୍କୁ କାବୁରେ ନେଇ ଗିରଫ କରାଯାଇଥିଲା ।
ଏହା ପରେ ସୋମବାର ରାତିରେ କୋର୍ଟରେ ଅଭଯୁକ୍ତ ଏଏସଆଇଙ୍କୁ କୋର୍ଟ ଚାଲାଣ କରାଯାଇଥିଲା ଓ କୋର୍ଟରେ ସାତ ଦିନ ରିମାଣ୍ଡରେ ନେବାକୁ ମଧ୍ୟ ଦାବି କରାଯାଇଛି । ମନ୍ତ୍ରୀଙ୍କୁ ହତ୍ୟା କରିବା ପରେ ଅଭିଯୁକ୍ତ ଏଠାରେ ତାଣ୍ଡବ କରିବାକୁ ଚାହୁଁଥିଲା । ଗୋପାଳ ଜାଣିଥିଲେ ଯେ ଗୁଳି ଚଳାଇବାରେ ତାଙ୍କର କୌଣସି ଅସୁବିଧା ହେବ ନାହିଁ, ତେଣୁ ସେ ମନ୍ତ୍ରୀଙ୍କ ନିକଟକୁ ଯାଇ ବାମ ଛାତିରେ ଲକ୍ଷ୍ୟ ରଖି ଗୁଳି ଚଳାଇଲେ । ତାଙ୍କ ନିକଟରୁ ଜବତ ପିସ୍ତଲରେ ତିନୋଟି ଗୁଳି ଆହୁରି ଥିଲା ।
