ଉଚ୍ଚ କୋଲେଷ୍ଟ୍ରଲକୁ ଦୂର କରିବ ଏହି ଫଳ, ହୃଦଘାତ ଏବଂ ଷ୍ଟ୍ରୋକ୍ ହେବାର ଆଶଙ୍କା ହେବ କମ୍ !
ଓଡ଼ିଆ ଗସିପ୍ ବ୍ୟୁରୋ: ଯେମିତିକି ଆପଣ ଜାଣିଥିବେ ଯେ ମେଡିସିନ୍ ଖାଇବା ଦ୍ୱାରା କୋଲେଷ୍ଟ୍ରଲ କମ୍ ହୋଇଥାଏ। ହେଲେ ଏହାସହ ଜୀବନଶୈଳୀ ଖାଦ୍ୟପେୟରେ ମଧ୍ୟ ପରିବର୍ତ୍ତନ ଆଣିବାକୁ ହୋଇଥାଏ।। ଶରୀରରେ ଖରାପ କୋଲେଷ୍ଟ୍ରଲ୍ ସୃଷ୍ଟି ହେବା ପୂର୍ବରୁ ହିଁ ଆମକୁ ଆମ ଖାଦ୍ୟପେୟ ଉପରେ ପରିବର୍ତ୍ତନ ଆଣିବାକୁ ପଡ଼ିବ। ଯେତିକି ଆମେ ସଚେତନ ରହିବା, ସେତିକି ରୋଗ ଆମଠାରୁ ଦୂରେଇ ରହିବ। ଆପଣଙ୍କ ଖାଦ୍ୟରେ କିଛି ପରିବର୍ତ୍ତନ କୋଲେଷ୍ଟ୍ରଲ ହ୍ରାସ କରିପାରେ ଓ ହାର୍ଟକୁ ସୁସ୍ଥ ରଖିଥାଏ।
ଯଦି ଆପଣଙ୍କର କୋଲେଷ୍ଟ୍ରଲ ସନ୍ତୁଳନ ବାହାରେ, ତେବେ ଜୀବନଶୈଳୀରେ ପରିବର୍ତ୍ତନ ହିଁ ଏକ ମାତ୍ର ଚିକିତ୍ସା। ଚର୍ବି ନିୟନ୍ତ୍ରିତ, ଦ୍ରବୀଭୂତ ଫାଇବର ଏବଂ ଉଦ୍ଭିଦ ଷ୍ଟେରୋଲ ଏବଂ ଭଲ HDL ବୃଦ୍ଧି କରିପାରିବ ଏବଂ ଖରାପ LDL ହ୍ରାସ କରିପାରିବ।
ଅଧିକ ପଢନ୍ତୁ : ହାର୍ଟ ଷ୍ଟ୍ରୋକ୍ ଭଳି ସମସ୍ୟା ନ ହେବା ପାଇଁ ଏହି ୪ ଟି ଜିନିଷ ପ୍ରତି ଦିଅନ୍ତୁ ଧ୍ୟାନ, ଜାଣନ୍ତୁ ଏବଂ ସତର୍କ ରୁହନ୍ତୁ
ଉଚ୍ଚ LDL କୋଲେଷ୍ଟ୍ରଲ ଅନେକ କାରଣ ହୃଦୟ ସମସ୍ୟା କିମ୍ବା ଷ୍ଟ୍ରୋକ ସହିତ ସଂଯୁକ୍ତ ହୋଇପାରେ। ତେବେ ଆମ ଶରୀରରେ କୋଲେଷ୍ଟ୍ରଲ କେତେ ପରିମାଣରେ ରହିବା ଆବଶ୍ୟକ ସେ ସମ୍ପର୍କରେ ଜାଣିବା। କୋଲେଷ୍ଟ୍ରଲର ପରିମାଣ ଜାଣିବା ପାଇଁ ଆମକୁ ପ୍ରଥମେ ଲିପିଡ ପ୍ରୋଫାଇଲ ଟେଷ୍ଟ କରେଇବାକୁ ପଡ଼ିବ।
ଏହାଛଡା ଅନେକ ଖାଦ୍ୟ ଅଛି ଯାହା ଶରୀରରେ କୋଲେଷ୍ଟ୍ରଲ ସ୍ତର ବଢାଇଥାଏ । ଅନ୍ୟପକ୍ଷରେ, ଅନେକ ଖାଦ୍ୟ ଅଛି ଯାହା ଶରୀରରେ କୋଲେଷ୍ଟ୍ରଲ ସ୍ତରକୁ ହ୍ରାସ କରିପାରେ । ଉଚ୍ଚ କୋଲେଷ୍ଟ୍ରଲ ସମସ୍ୟାରେ ପୀଡିତ ଲୋକମାନେ କେଉଁ ଖାଦ୍ୟ ଖାଇବା ଉଚିତ ଏବଂ କେଉଁ ଖାଦ୍ୟ ଆମେ ଜମା ଖାଇବା ଉଚିତ୍ ନୁହେଁ ତାହା ଜାଣିବା ଆବଶ୍ୟକ । ଯଦି ଆପଣ ଉଚ୍ଚ କୋଲେଷ୍ଟ୍ରଲ୍ର ଶିକାର ହୁଅନ୍ତି, ତେବେ ଏହି ରିପୋର୍ଟରେ ଥିବା ପରାମର୍ଶକୁ ଅନୁସରଣ କରିବା ଜରୁରୀ ।
ଅଧିକ ପଢନ୍ତୁ : ବ୍ରେନ୍ ହାମରେଜ୍ ହେବା ପୂର୍ବରୁ ଶରୀରରେ ଦେଖାଦିଏ ଏସବୁ ସଙ୍କେତ, ଜାଣନ୍ତୁ ସେହି ଲକ୍ଷଣ ବିଷୟରେ
ଏକ ରିପୋର୍ଟ ଅନୁଯାୟୀ, ଇଂଲଣ୍ଡର ରିଡିଂ ୟୁନିଭରସିଟି ଦ୍ୱାରା କରାଯାଇଥିବା ଏକ ଅଧ୍ୟୟନରୁ ଜଣାପଡିଛି ଯେ ପ୍ରତିଦିନ ସକାଳେ ୨ଟି ଆପଲ୍ ଖାଇବା ଦ୍ୱାରା ରକ୍ତ ନଳୀରେ ରକ୍ତ ସଞ୍ଚାଳନରେ ଉନ୍ନତି ହେବା ସହ ଶରୀରର ଶିରା ଏବଂ ଧମନୀରେ ଜମା ହୋଇଥିବା ଖରାପ କୋଲେଷ୍ଟ୍ରଲ ୪୦ ପ୍ରତିଶତ କମିଯାଏ। ସେଓ ରକ୍ତବାହୀକୁ ଆରାମ ଦେଇଥାଏ ଏବଂ ହୃଦୟର ସ୍ୱାସ୍ଥ୍ୟରେ ଉନ୍ନତି ଆଣେ ।
ବାସ୍ତବରେ, ଆପଲ୍ ପଲିଫେନୋଲ୍ ଏବଂ ଫାଇବରରେ ଭରପୂର ଅଟେ । ଏହି ଉଭୟ ଉପାଦାନ ଶରୀରରେ ଜମା ହୋଇଥିବା ଖରାପ କୋଲେଷ୍ଟ୍ରଲକୁ ବାହାର କରିବାରେ ସାହାଯ୍ୟ କରିଥାଏ । ଏହା ମଧ୍ୟ ହୃଦୟକୁ ମଜବୁତ କରେ । ଆପଲ୍ ଖାଇବା ଦ୍ୱାରା ହୃଦଘାତ ଏବଂ ଷ୍ଟ୍ରୋକ୍ ହେବାର ଆଶଙ୍କା ମଧ୍ୟ କମିଯାଏ ।
କିନ୍ତୁ ଯେଉଁମାନଙ୍କର ଉଚ୍ଚ କୋଲେଷ୍ଟ୍ରଲ ଥାଏ ସେମାନେ ଡାକ୍ତରଙ୍କ ପରାମର୍ଶ ଅନୁଯାୟୀ ?ଔଷଧ ସେବନ କରିବା ଉଚିତ ଏବଂ ଏହା ସହିତ ଆପଲ ଖାଇବା ଆରମ୍ଭ କରିପାରିବେ ଏବଂ ଔଷଧ ଏବଂ ଖାଦ୍ୟ ବ୍ୟତୀତ ଦୈନନ୍ଦିନ ବ୍ୟାୟାମ ଏବଂ ଏକ ସୁସ୍ଥ ଜୀବନଶୈଳୀ କୋଲେଷ୍ଟ୍ରଲକୁ ପ୍ରାକୃତିକ ଭାବରେ ନିୟନ୍ତ୍ରଣ କରିବାରେ ସାହାଯ୍ୟ କରିଥାଏ |
ଅଧିକ ପଢନ୍ତୁ : ବ୍ଲଡ୍ ପ୍ରେସର ଭଳି ଗମ୍ଭୀର ରୋଗ ଥିବା ଲୋକମାନେ ଭୁଲରେ ବି ଖାଆନ୍ତୁନି ଏହି ସବୁ ଖାଦ୍ୟ, ନଚେତ୍...
( Disclaimer: ଏଠାରେ ଦିଆଯାଇଥିବା ତଥ୍ୟ ସାଧାରଣ ସୂଚନା ଉପରେ ଆଧାରିତ, ଏହାକୁ ଓଡ଼ିଆ ଗସିପ୍ ନିଶ୍ଚିତ କରେ ନାହିଁ । ଏହାକୁ ଗ୍ରହଣ କରିବା ପୂର୍ବରୁ ଦୟାକରି ବିଶେଷଜ୍ଞଙ୍କ ପରାମର୍ଶ ନିଅନ୍ତୁ ।)