୭ ଦିନରେ କମାନ୍ତୁ ପେଟର ଚର୍ବି: ଆପଣାନ୍ତୁ ଏହି ସହଜ ଘରୋଇ ଟିପ୍ସ

ଓଡ଼ିଆ ଗସିପ ବ୍ୟୁରୋ (ସ୍ୱତନ୍ତ୍ର ପ୍ରତିନିଧି, ଭୁବନେଶ୍ୱର): ଆଜିର ଆଧୁନିକ ଓ ବ୍ୟସ୍ତବହୁଳ ଜୀବନଶୈଳୀ, ଅନିୟମିତ ଖାଦ୍ୟପେୟ ଏବଂ ଶାରୀରିକ ପରିଶ୍ରମର ଅଭାବ ଯୋଗୁଁ ପେଟରେ ଅତ୍ୟଧିକ ଚର୍ବି ଜମିବା ଏକ ସାଧାରଣ ସମସ୍ୟା ହୋଇଗଲାଣି। ଏହା କେବଳ ଆପଣଙ୍କ ଚେହେରାର ସୌନ୍ଦର୍ଯ୍ୟ ଖରାପ କରେ ନାହିଁ, ବରଂ ମଧୁମେହ (Diabetes), ହୃଦରୋଗ ଓ ହାଇ ବ୍ଲଡ ପ୍ରେସର ଭଳି ଗମ୍ଭୀର ରୋଗର ଆଶଙ୍କା ମଧ୍ୟ ବଢ଼ାଇଥାଏ।

ଯଦି ଆପଣ ନିଜ ପେଟର ଚର୍ବିକୁ ନେଇ ଚିନ୍ତିତ, ତେବେ ମାତ୍ର ୭ ଦିନ ଧରି ନିଜ ଦିନଚର୍ଯ୍ୟାରେ କିଛି ସହଜ ପରିବର୍ତ୍ତନ ଆଣି ଆପଣ ଏହି ସମସ୍ୟାରୁ ମୁକ୍ତି ପାଇପାରିବେ। ଆସନ୍ତୁ ଜାଣିବା ସ୍ବାସ୍ଥ୍ୟ ବିଶେଷଜ୍ଞଙ୍କ ଅନୁଯାୟୀ କେଉଁ ସବୁ ଟିପ୍ସ ଆପଣାଇବା ଜରୁରୀ:

ସକାଳର ସ୍ପେଶାଲ ଡ୍ରିଙ୍କ: ସକାଳୁ ଉଠି ଖାଲି ପେଟରେ ଚା’ କିମ୍ବା କଫି ପିଇବା ବଦଳରେ ଓଜନ କମାଉଥିବା ପାନୀୟ ବ୍ୟବହାର କରନ୍ତୁ।

ଲେମ୍ବୁ ଓ ମହୁ ପାଣି: ଗୋଟିଏ ଗ୍ଲାସ ଉଷୁମ ପାଣିରେ ଅଧା ଲେମ୍ବୁ ରସ ଏବଂ ଏକ ଚାମଚ ମହୁ ମିଶାଇ ପିଅନ୍ତୁ। ଏହା ଶରୀରର ମେଟାବୋଲିଜିମ (Metabolism - ଖାଦ୍ୟକୁ ଶକ୍ତିରେ ପରିଣତ କରିବା ପ୍ରକ୍ରିୟା) କୁ ବଢ଼ାଇଥାଏ ଏବଂ ଚର୍ବି ତରଳାଇବାରେ ସାହାଯ୍ୟ କରେ। (ସୂଚନା: ମଧୁମେହ ରୋଗୀମାନେ ମହୁ ବ୍ୟବହାର କରନ୍ତୁ ନାହିଁ)।

ଜିରା କିମ୍ବା ମେଥି ପାଣି: ରାତିରେ ଏକ ଚାମଚ ଜିରା ବା ମେଥିକୁ ପାଣିରେ ଭିଜାଇ ସକାଳେ ସେହି ପାଣିକୁ ଫୁଟାଇ ଛାଣି ପିଇଲେ ପେଟ ସଫା ରହେ ଓ ଚର୍ବି କମିଥାଏ।

ଅଧିକ ନ୍ୟୁଜ ପଢ଼ନ୍ତୁ : କରୋନା ଭାଇରସ ଭଳି ଭାରତରେ ମୁଣ୍ଡ ନବ କି ଆତଙ୍କ ଖେଳାଇଥିବା ଇବୋଲା ଭାଇରସ! ଆଫ୍ରିକାରୁ ଫେରିଥିବା ମହିଳା ହସ୍ପିଟାଲରେ ଭର୍ତ୍ତି

ଚିନି ଓ କାର୍ବୋହାଇଡ୍ରେଟ ଉପରେ ରୋକ: ଯଦି ୭ ଦିନରେ ଫରକ ଦେଖିବାକୁ ଚାହାଁନ୍ତି, ତେବେ ମିଠା ଏବଂ ବାହାର ଜଙ୍କ ଫୁଡ୍‌କୁ ସମ୍ପୂର୍ଣ୍ଣ ବନ୍ଦ କରନ୍ତୁ।ୟ ମେଦବହୁଳତା ବଢ଼ାଇବାରେ ଚିନି ସବୁଠାରୁ ବଡ଼ ଶତ୍ରୁ। ତେଣୁ ଚକୋଲେଟ, କୋଲ୍ଡ ଡ୍ରିଙ୍କସ ଏବଂ ମିଠା ଠାରୁ ଦୂରେଇ ରୁହନ୍ତୁ। ଭାତ ଓ ମଇଦା ଜାତୀୟ ଖାଦ୍ୟ (କାର୍ବୋହାଇଡ୍ରେଟ) ପରିମାଣ କମାଇ ଦିଅନ୍ତୁ। 

ଖାଦ୍ୟରେ ଫାଇବର ଓ ପ୍ରୋଟିନ ବଢ଼ାନ୍ତୁ:  ଖାଦ୍ୟରେ ପୋଷଣଭରା ଜିନିଷ ସାମିଲ କଲେ ଶରୀରକୁ ଶକ୍ତି ମିଳେ ଏବଂ ବାରମ୍ବାର ଭୋକ ଲାଗେ ନାହିଁ। ନିଜ ଡାଏଟ୍‌ରେ ଅଣ୍ଡା, ମାଛ, ଡାଲି ଏବଂ ପନୀର ସାମିଲ କରନ୍ତୁ। ପ୍ରୋଟିନ ଦ୍ୱାରା ଶରୀରରେ ମାଂସପେଶୀ ମଜବୁତ ହୁଏ ଓ ଫ୍ୟାଟ କମିଥାଏ।

ଫାଇବର: ସବୁଜ ପନିପରିବା, ତାଜା ଫଳ ଏବଂ ଗଜା ମୁଗ ଖାଆନ୍ତୁ। ଏହା ହଜମ ପ୍ରକ୍ରିୟାକୁ ସୁଧାରିଥାଏ।

ଅଧିକ ନ୍ୟୁଜ ପଢ଼ନ୍ତୁ : ସାବଧାନ: ମଟନ୍ ଖାଇବା ପରେ ଭୁଲ୍‌ରେ ବି ଖାଆନ୍ତୁ ନାହିଁ ଏହି ସବୁ ଜିନିଷ, ଶରୀର ପାଇଁ ସାଜିପାରେ ବିଷ!

ଦହିର ସେବନ: ପ୍ରତିଦିନ ମଧ୍ୟାହ୍ନ ଭୋଜନରେ ଏକ କପ ଦହି ନିଶ୍ଚୟ ଖାଆନ୍ତୁ। ଦହିରେ ଥିବା ପ୍ରୋବାୟୋଟିକ୍ସ (Healthy Bacteria) ଆମ ପେଟ ଓ ଅନ୍ତନଳୀକୁ ସୁସ୍ଥ ରଖେ। ଏହା ଗ୍ୟାସ ସମସ୍ୟା ଦୂର କରିବା ସହ ପେଟର ଘେର କମାଇବାରେ ଲାଭଦାୟକ ହୋଇଥାଏ।

ପ୍ରଚୁର ପାଣି ପିଅନ୍ତୁ: ଦିନସାରା ଅତିକମରେ ୩ ରୁ ୪ ଲିଟର ପାଣି ପିଇବା ଆବଶ୍ୟକ। ଶରୀର ହାଇଡ୍ରେଟେଡ ରହିଲେ ବିଷାକ୍ତ ପଦାର୍ଥ (Toxins) ବାହାରିଯାଏ ଏବଂ ମେଟାବୋଲିଜିମ ଶକ୍ତ ହୁଏ, ଯାହା ଓଜନ କମାଇବାରେ ସହଯୋଗ କରେ।

ଶାରୀରିକ କାର୍ଯ୍ୟକଳାପ ଓ ଯୋଗ: କେବଳ ଖାଇବା ନିୟନ୍ତ୍ରଣ କଲେ ହେବନାହିଁ, ଚର୍ବି ବର୍ଣ୍ଣ (Burn) କରିବା ପାଇଁ ଶରୀରକୁ ସକ୍ରିୟ ରଖିବାକୁ ହେବ।