ତରଭୁଜ ଖାଇବା ପରେ ଭୁଲରେ ବି ଖାଆନ୍ତୁନି ଏହି ସବୁ ଜିନିଷ: ଗୋଟିଏ ଭୁଲ ନେଇଯିବ ଜୀବନ!

ଓଡ଼ିଆ ଗସିପ ବ୍ୟୁରୋ (ସ୍ୱତନ୍ତ୍ର ପ୍ରତିନିଧି, ଭୁବନେଶ୍ୱର): ଗ୍ରୀଷ୍ମ ଋତୁରେ ନିଜକୁ ହାଇଡ୍ରେଟ ବା ଶରୀରରେ ଜଳୀୟ ଅଂଶ ବଜାୟ ରଖିବା ପାଇଁ ତରଭୁଜ ଏକ ସ୍ବାସ୍ଥ୍ୟକର ବିକଳ୍ପ। ଏଥିରେ ପ୍ରଚୁର ପରିମାଣରେ ଭିଟାମିନ ଏବଂ ପୋଷକ ତତ୍ତ୍ୱ ଥାଏ। କିନ୍ତୁ ଆପଣ ଜାଣନ୍ତି କି, ତରଭୁଜ ଖାଇବା ପରେ କିଛି ନିର୍ଦ୍ଦିଷ୍ଟ ଜିନିଷ ଖାଇବା ଦ୍ୱାରା ଶରୀର ଉପରେ ଏହାର ଓଲଟା ପ୍ରଭାବ ପଡ଼ିଥାଏ? ବିଶେଷଜ୍ଞ ଏବଂ ଆୟୁର୍ବେଦ ଅନୁସାରେ, ତରଭୁଜ ଖାଇବା ସଙ୍ଗେ ସଙ୍ଗେ କିଛି ଖାଦ୍ୟଠାରୁ ଦୂରେଇ ରହିବା ଉଚିତ୍‌, ନଚେତ୍‌ ପେଟରେ ଗ୍ୟାସ, ଏସିଡିଟି, ପେଟ ଭାରି ଲାଗିବା ଏବଂ ବଦହଜମି ଭଳି ଗମ୍ଭୀର ସମସ୍ୟା ଦେଖାଦେଇପାରେ।

ଆସନ୍ତୁ ଜାଣିବା ତରଭୁଜ ଖାଇବା ପରେ କେଉଁ ସବୁ ଜିନିଷ ଖାଇବା ଅନୁଚିତ୍‌:

୧. ପାଣି ପିଅନ୍ତୁ ନାହିଁ: ତରଭୁଜରେ ପ୍ରାୟ ୯୨% ପାଣି ଥାଏ। ତେଣୁ ଏହାକୁ ଖାଇବା ପରେ ତୁରନ୍ତ ପାଣି ପିଇଲେ ପେଟର ହଜମ ପ୍ରକ୍ରିୟା (Digestion) ଧୀମା ହୋଇଯାଏ। ଫଳରେ ପେଟ ବ୍ୟଥା ଏବଂ ଗ୍ୟାସ ସମସ୍ୟା ସୃଷ୍ଟି ହୁଏ। ତରଭୁଜ ଖାଇବାର କମ୍‌ସେ କମ ୩୦ ରୁ ୪୫ ମିନିଟ ପରେ ହିଁ ପାଣି ପିଇବା ଉଚିତ୍‌। 

୨. କ୍ଷୀର ଓ ଦହି: ଆୟୁର୍ବେଦରେ ତରଭୁଜ ସହ କ୍ଷୀର କିମ୍ବା ଦହିର ମିଶ୍ରଣକୁ ‘ବିରୁଦ୍ଧ ଆହାର’ (Incompatible food) କୁହାଯାଇଛି। ତରଭୁଜ ଖୁବ ଶୀଘ୍ର ହଜମ ହେଉଥିବା ବେଳେ କ୍ଷୀର ବା ଦହି ହଜମ ହେବାକୁ ଅଧିକ ସମୟ ଲାଗିଥାଏ। ଏହି ଦୁଇଟିକୁ ଏକାଠି ଖାଇବା ଦ୍ୱାରା ପେଟରେ ବିଷାକ୍ତ ପଦାର୍ଥ (Toxins) ତିଆରି ହୋଇପାରେ, ଯାହା ଦ୍ୱାରା ବାନ୍ତି ଏବଂ ଡାଇରିଆ ହେବାର ଆଶଙ୍କା ଥାଏ।

ଏଠାରେ କ୍ଲିକ କରି ଅଧିକ ନ୍ୟୁଜ ପଢ଼ନ୍ତୁ : ହୋଟେଲରେ ରହୁଥିବା କପଲ୍ସ ଦିଅନ୍ତୁ ଧ୍ୟାନ! ରୁମ୍‌କୁ ଯିବା ମାତ୍ରେ ହିଁ କରନ୍ତୁ ଏହି ୭ ସେଫ୍ଟି ଚେକ୍‌, ନଚେତ୍‌ ପସ୍ତେଇବେ

୩. ମସଲାଯୁକ୍ତ ଖାଦ୍ୟ (ଯେପରିକି ବିରିୟାନୀ): ଭାରି ମସଲାଯୁକ୍ତ ବା ତେଲିଆ ଖାଦ୍ୟ ଖାଇବାର ତୁରନ୍ତ ପରେ କିମ୍ବା ପୂର୍ବରୁ ତରଭୁଜ ଖାଆନ୍ତୁ ନାହିଁ। ତରଭୁଜ ପେଟରେ ବହୁତ ଶୀଘ୍ର ହଜମ ହୋଇଯାଏ, କିନ୍ତୁ ବିରିୟାନୀ ଭଳି ଗରିଷ୍ଠ ଖାଦ୍ୟ ହଜମ ହେବାକୁ ସମୟ ନିଏ। ଏହି ଦୁଇ ପ୍ରକାର ଖାଦ୍ୟ ପେଟରେ ଏକାଠି ହେଲେ ହଜମ ନହୋଇ ସଢ଼ିବାକୁ ଲାଗେ, ଯାହା ଗମ୍ଭୀର ଫୁଡ ପଏଜନିଂ କିମ୍ବା ପେଟ କାମୁଡ଼ିବା ଭଳି ସମସ୍ୟା ଉପୁଜାଇପାରେ। 

ତରଭୁଜ ଖାଇବାର ସଠିକ ନିୟମ:

- ତରଭୁଜକୁ ସବୁବେଳେ କେବଳ ଏକାକୀ ଫଳ କିମ୍ବା ସ୍ନାକ୍ସ ଭାବରେ ଖାଆନ୍ତୁ।

- ଏହାକୁ ମୁଖ୍ୟ ଭୋଜନ (ଲଞ୍ଚ କିମ୍ବା ଡିନର୍‌) ସହିତ କିମ୍ବା ଖାଇବା ପରେ ତୁରନ୍ତ ଖାଆନ୍ତୁ ନାହିଁ।

- ତରଭୁଜ ଖାଇବା ଏବଂ ଅନ୍ୟ କୌଣସି ଖାଦ୍ୟ ଖାଇବା ମଧ୍ୟରେ କମ୍‌ସେ କମ ୪୫ ରୁ ୬୦ ମିନିଟର ବ୍ୟବଧାନ ନିଶ୍ଚୟ ରଖନ୍ତୁ।