ବନ୍ଦ ହେବ ଦର୍ଶକଙ୍କୁ ହସି ହସି ବେଦମ୍ କରାଉଥିବା ‘କପିଲ ଶର୍ମା ଶୋ’!
ଓଡ଼ିଆ ଗସିପ୍ ବ୍ୟୁରୋ: ଦର୍ଶକଙ୍କୁ ହସି ହସି ବେଦମ୍ କରାଏ ସୋନି ଟିଭିରେ ପ୍ରସାରିତ କପିଲ ଶର୍ମା ଶୋ’ । ଚଳିତ ବର୍ଷ ଏହି ଶୋ’ର ନୂତନ ସିଜନ୍ ଆସିଥିବା ବେଳେ ଏହାର ଟିଆରପି ମଧ୍ୟ ଆଗରେ ରହିଛି । ଶୋ’ରେ ବଲିଉଡ୍ର ବରିଷ୍ଠ କଳାକାର ଯୋଗ ଦେଇଥାନ୍ତି ।
ତେବେ ସବୁବେଳେ ଚର୍ଚ୍ଚାରେ ରହୁଥିବା ଏହି କମେଡି ଶୋ’ ଖୁବ୍ଶୀଘ୍ର ବନ୍ଦ ହେବାକୁ ଯାଉଥିବା କୁହାଯାଉଛି । ଏନେଇ ଶୋ’ ପରିଚାଳନା କରୁଥିବା କପିଲ ଶର୍ମା ସୁଟିଂ ସେଟ୍ର ଶେଷ ଫଟୋ ମଧ୍ୟ ସେୟାର କରିସାରିଛନ୍ତି ।
ଅଧିକ ପଢ଼ନ୍ତୁ : ଦେଖନ୍ତୁ ଭିଡ଼ିଓ: କଂଗନା ଆସୁଛନ୍ତି 'ଏମରଜେନ୍ସି'ର କଳା କାହାଣୀ ନେଇ; ଇନ୍ଦିରା ଗାନ୍ଧି ଭୂମିକାରେ ଗ୍ଲାମର କୁଇନକୁ ନେଇ ଏବେ ଚାରିଆଡେ ଚର୍ଚ୍ଚା
ଏଥିରେ କପିଲଙ୍କ ସହ ଅର୍ଚ୍ଚନା ପୁରନ୍ ସିଂହଙ୍କର ଏକ ଦମଦାର ଫଟୋ ରହିଛି । ଜୁଲାଇରେ ଏହି ଶୋ’ ବନ୍ଦ ହେବାକୁ ଥିବା ବେଳେ ଏହି ଟିମ୍ ଶେଷ ସୁଟିଂ ମଧ୍ୟ କରିସାରିଛନ୍ତି ।
ଏହା ପରେ କପିଲ ଶର୍ମା ଏବଂ ତାଙ୍କ ଟିମ୍ ଆମେରିକା ବାହାରିବେ । ଅବଶ୍ୟ ଏଥିରୁ ବାଦ୍ ପଡ଼ିବେ ଅର୍ଚ୍ଚନା । ତେଣୁ କପିଲ ଓ ଅର୍ଚ୍ଚନା ଉଭୟଙ୍କ ଫଟୋ ସେୟାର କରାଯାଇଥିଲା ବେଳେ ଅର୍ଚ୍ଚନାଙ୍କୁ ରାଣୀ ବୋଲି ସମ୍ବୋଧନ କରିଥିଲେ କପିଲ ।
