ସେଫ୍ ସିଟି ଡ୍ରାଇଭ୍ ଅଭିଯାନ ଆରମ୍ଭ; ଭୁବନେଶ୍ବରର ବିଭିନ୍ନ ନାଇଟ୍ କ୍ଲବ, ଡ୍ୟାନ୍ସ ବାର୍ରେ ରେଡ୍...
ଓଡ଼ିଆ ଗସିପ୍ ବ୍ୟୁରୋ: ଭୁବନେଶ୍ବରର ବିଭିନ୍ନ ନାଇଟ୍ କ୍ଲବ, ଡ୍ୟାନ୍ସ ବାର୍ରେ କମିଶନରେଟ୍ ପୋଲିସର ରେଡ୍ । ରାଜଧାନୀରେ କମିଶନରେଟ ପୋଲିସର ସେଫ ସିଟି ଡ୍ରାଇଭ । କଟକ ରୋଡ ଓ ରସୁଲଗଡ଼ରେ ଥିବା ଏକାଧିକ ହୋଟେଲରେ ସ୍ପେଶାଲ ଟିମର ଯାଞ୍ଚ ।
ନିୟମ ଓ ସର୍ତ୍ତ ଉଲ୍ଲଙ୍ଘନ ଅଭିଯୋଗରେ ଚଢ଼ାଉ କରିଛି ପୋଲିସ ଓ ପିଓପିଡିର ଅଧିକାରୀ । ଠିକ୍ ସମୟରେ କ୍ଲବ ଓ ଡ୍ୟାନ୍ସ ବାର୍ ଖୋଲିବା ଓ ବନ୍ଦ କରିବାକୁ ତାଗିଦ୍ କରିଥିବା ଜଣାପଡିଛି ।
ଆହୁରି ପଢ଼ନ୍ତୁ : ଲୋକପ୍ରିୟ ଓଡ଼ିଆ DJ AZEXଙ୍କ ଭୁବନେଶ୍ୱର ସ୍ଥିତ ଘରୁ ସନ୍ଦେହଜନକ ଅବସ୍ଥାରେ ମୃତଦେହ ଉଦ୍ଧାର, ତଦନ୍ତ ଜାରି...
ସୂଚନା ଅନୁସାରେ, ଯେଉଁ ବାର୍ ଗୁଡ଼ିକ ନିୟମ ନ ମାନି ବିଳମ୍ବିତ ରାତି ପର୍ଯ୍ୟନ୍ତ ବାର୍ ଚଳାଉଥିଲେ ସେହି ବାର୍ ଗୁଡ଼ିକ ଉପରେ ଏହି ଚଢ଼ାଉ କରାଯାଇଛି । ଏହି ଚଢାଉରେ ମଞ୍ଚେଶ୍ବର ଓ ଲଷ୍ମୀ ସଗାର ଥାନାର ଦୁଇ ପ୍ଲାଟୁନ ପୋଲିସ ଫୋର୍ସ, ଟିମ ୬୦ ସହ ପିଓପିଡି ଅଧିକାରୀମାନେ ସାମିଲ ହୋଇଥିଲେ ।
ସେଫ୍ ସିଟି ଡ୍ରାଇଭ୍ ଅଭିଯାନ ଆଧାରରେ ଏହି ରେଡ କରିଛି ପୋଲିସ୍ । ରେଡ୍ ବେଳେ ବାର ଗୁଡ଼ିକରେ ଯେଉଁ ଗ୍ରାହକମାନେ ଥିଲେ ସେମାନଙ୍କ ଉପରେ ଦୃଢ଼ କାର୍ଯ୍ୟାନୁଷ୍ଠାନ ନିଆଯିବ ବୋଲି ଭୁବନେଶ୍ୱର ଡିସିପି ସୂଚନା ଦେଇଛନ୍ତି ।
Share this story
