ଭାରତର ପରାଜୟ ପାଇଁ ମୋଦୀଙ୍କୁ ଦାୟୀ କଲେ ରାହୁଲ, କହିଲେ ଅମଙ୍ଗଳିଆ ପାଇଁ ହାରିଲା ଭାରତ!
ଓଡ଼ିଆ ଗସିପ୍ ବ୍ୟୁରୋ:ରବିବାର ଅହମଦାବାଦର ନରେନ୍ଦ୍ର ମୋଦୀ ଷ୍ଟାଡିୟମରେ ଖେଳାଯାଉଥିବା ବିଶ୍ୱକପ ଫାଇନାଲ ମ୍ୟାଚରେ ଭାରତ ଅଷ୍ଟ୍ରେଲିଆଠାରୁ ୬ ୱିକେଟ୍ରେ ହାରିଯାଇଥିଲା ଓ ଷଷ୍ଠ ଥର ପାଇଁ ବିଶ୍ୱକପ ହାତେଇଥିଲା ଅଷ୍ଟ୍ରେଲିଆ। ତେବେ ଘରୋଇ ମାଟିରେ ପୁରା ଟୁର୍ନାମେଣ୍ଟରେ ଅପରାଜୟ ଥିବା ଭାରତ ଫାଇନାଲରେ ହାରିବା ପରେ କ୍ରୀଡା ପ୍ରଶଂସକ ଏହାକୁ ସହଜରେ ଗ୍ରହଣ କରିପାରୁନାହନ୍ତି।
ଏହାରି ମଧ୍ୟରେ କିଛି ଲୋକ ଭାରତର ଖରାପ ପଦର୍ଶନକୁ ଦାୟୀ କରୁଥିବା ବେଳେ କଂଗ୍ରେସ ନେତା ରହୁଲ ଗାନ୍ଧୀ ଭାରତର ପରାଜୟ ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଦାୟୀ କରିଛନ୍ତି। ଆଜି ରାଜସ୍ଥାନ ଜାଲୋରରେ ରାହୁଲ ଏକ ନିର୍ବାଚନୀ ରାଲିରେ ରାହୁଲ କହିଛନ୍ତି ଯେ, ଆମ ଟିମ୍ ସହଜରେ ଫାଇନାଲ ମ୍ୟାଚ୍ ଜିତିଯାଇଥାନ୍ତେ, ହେଲେ ପନୌତି ସେଠାକୁ ଯାଇ ଆମକୁ ହରାଇଦେଲେ।
ଅଧିକ ପଢନ୍ତୁ:ଜଗା ଦର୍ଶନ ପାଇଁ ପୁରୀ ଆସୁଥିବାବେଳେ ବାଟରେ ଜଗିଥିଲା ଯମ, ଅକାଳରେ ଚାଲିଗଲା ୨ ଜଣଙ୍କ ଜୀବନ
ରାଜସ୍ଥାନର ଜାଲୋରେ ଠାରେ ଆୟୋଜିତ ଏକ ନିର୍ବାଚନ ରାଲିରେ ରାହୁଲ ଗାନ୍ଧି ଯୋଗ ଦେଇଥିଲେ। ଏହି ସମୟରେ ଫାଇନାଲ ମ୍ୟାଚ୍ କଥା ଉଠିଥିଲା। ଏତିକି ବେଳେ ଭିଡ଼ ଭିତରୁ ଜଣେ କେହି ପନୌତି, ପନୌତି କହି ଚିତ୍କାର କରିଥିଲେ। ପନୌତିମାନେ ଅଶୁଭ। ଏହା ଶୁଣି ରାହୁଲ ଗାନ୍ଧି ସ୍ମିଥ ହାସ୍ୟ ଦେଇଥିଲେ ଓ କହିଥିଲେ, “ହଁ, ପନୌତି, ପନୌତି। ଆମ ପିଲାମାନେ ବେଶ ଆରାମରେ ବିଶ୍ୱକପ ଜିତି ଯାଇଥାଆନ୍ତେ, କିନ୍ତୁ ସେଠାରେ ପନୌତି ହରାଇ ଦେଲା।
ଅଧିକ ପଢନ୍ତୁ: ରାଜି ନ ହେବାରୁ ଗଛରେ ଝୁଲି ପଡ଼ିଲେ ପ୍ରେମିଯୁଗଳ, ପ୍ରେମିକ ମୃତ, ପ୍ରେମିକା ଗୁରୁତର
ସେହିପରି ଆଉ ଏକ ରାଲିରେ ରାହୁଲ କହିଛନ୍ତି ଯେ, ପ୍ରଧାନମନ୍ତ୍ରୀ ମୋଦୀଙ୍କ କାମ ହେଲା ଲୋକଙ୍କ ଧ୍ୟାନ ହଟାଇବା ଓ ତାଙ୍କ ବନ୍ଧୁ ଆଦାନିଙ୍କ କାମ ହେଲା ଲୋକଙ୍କ ପକେଟରୁ ଲୁଟ କରିବା । ପ୍ରଧାନମନ୍ତ୍ରୀ ଲୋକଙ୍କ ଧ୍ୟାନ ହଟାଇବାକୁ କେତେବେଳେ ଟିଭିରେ ହିନ୍ଦୁ ମୁସଲିମ କରନ୍ତି ତ କେତେବେଳେ କ୍ରିକେଟ ମ୍ୟାଚ ଦେଖିବାକୁ ଚାଲି ଯାଆନ୍ତି। ଏଭଳି ସେ ଆମକୁ ବିଶ୍ୱକପ ମଧ୍ୟ ହରାଇ ଦେଇଛନ୍ତି । ଏହାସହିତ ମୋଦୀଙ୍କୁ ରାହୁଲ ପନୌତି ବୋଲି କହିବା ସହିତ ଚଗ ର ଅର୍ଥ ପନୌତି ମୋଦୀ ବୋଲି କହି ଟାର୍ଗେଟ କରିଛନ୍ତି।
ଅଧିକ ପଢନ୍ତୁ: ଏହି ରାଶିରେ ଲୋକଙ୍କ ସ୍ୱାସ୍ଥ୍ୟ ସମସ୍ୟା ଦେଖା ଦେବା ସହ ହେବ ଅକସ୍ମାତ ଧନ ଲାଭ! ପଢନ୍ତୁ ଆଜିର ରାଶିଫଳ
ସେପଟେ ରାହୁଲଙ୍କ ଏପରି ସମାଲୋଚନାକୁ ବିଜେପି ସହଜରେ ଗ୍ରହଣ କରିନାହିଁ। ଏଥିସହ ଦଳ ରାହୁଲ ଗାନ୍ଧି କ୍ଷମା ମାଗନ୍ତୁ ବୋଲି କହିଛି। ବିଜେପି ନେତା ରବି ଶଙ୍କର ପ୍ରସାଦ କହିଛନ୍ତି, “ଆପଣଙ୍କୁ କ’ଣ ହେଇଛି ରାହୁଲ ଗାନ୍ଧି? ଆପଣ ଦେଶର ପ୍ରଧାନମନ୍ତ୍ରୀଙ୍କ ବିରୋଧରେ ଏପରି ଶବ୍ଦ ପ୍ରୟୋଗ କରୁଛନ୍ତି।
पनौती 😉 pic.twitter.com/kVTgt0ZCTs
— Congress (@INCIndia) November 21, 2023
ଆମ ପ୍ରଧାନମନ୍ତ୍ରୀ ମ୍ୟାଚ ପରେ ଖେଳାଳିଙ୍କୁ ଭେଟିଥିଲେ ଓ ସେମାନଙ୍କ ମନୋବଳ ବଢ଼ାଇଥିଲେ। ଜିତିବା ଓ ହାରିବା ଖେଳର ଗୋଟିଏ ଅଂଶ। ରାହୁଲ ଗାନ୍ଧି ନିଜର ଶବ୍ଦ ପାଇଁ କ୍ଷମା ମାଗନ୍ତୁ ବୋଲି ରବି ଶଙ୍କର ପ୍ରସାଦ କହିଛନ୍ତି।
ଅଧିକ ପଢନ୍ତୁ : ଶାରୀରିକ ଅସୁସ୍ଥତା ପାଇଁ ଖର୍ଚ୍ଚାନ୍ତରେ ପଡ଼ିବା ସହ ପରିବାରରେ ଅଶାନ୍ତି ଲାଗି ରହିବ, ପଢନ୍ତୁ ଏ ସପ୍ତାହର ରାଶିଫଳ
Share this story
