ମାଆ ହେଲେ ଦଙ୍ଗଲ ଗାର୍ଲ ଗୀତା, ସୋସିଆଲ ମିଡିଆରେ ଫଟୋ ଭାଇରାଲ

ସେଲିବ୍ରିଟି ମହିଳା ରେସଲର ଏବଂ କମନୱେଲଥ ଗେମ୍ସ 2010ର ସ୍ୱର୍ଣ୍ଣ ବିଜେତା ଗୀତା ଫୋଗାଟ ମାଆ ହୋଇଛନ୍ତି । ମଙ୍ଗଳବାର ଏକ ଶିଶୁ ପୁତ୍ରକୁ ଜନ୍ମ ଦେଇଛନ୍ତି ଗୀତା । ନବଜାତକ ଶିଶୁର ଫଟୋ ସେ ନିଜ ଟ୍ୱିଟରରେ ପୋଷ୍ଟ କରିବା ପରେ ଏହା ଖୁବ୍ ଭାଇରାଲ ହୋଇଛି । ଗୀତାଙ୍କ ଶହ ଶହ ଫଲୋର୍ସ ତାଙ୍କ ଶିଶୁଙ୍କ ଫଟୋରେ ଶୁଭେଚ୍ଛା ବାର୍ତ୍ତା ଦେବା ସହ ବହୁ ସଂଖ୍ୟାରେ ସେୟାର କରିଛନ୍ତି ।

ନିଜ ଟ୍ୱିଟର ପେଜ୍ ରେ ପୋଷ୍ଟ କରି ଗୀତା ଲେଖିଛନ୍ତି ଯେ, ‘ତୁମର ଏହି ଦୁନିଆକୁ ସ୍ୱାଗତ’, ହମ୍ ଅବ ପ୍ୟାରେ ମେଁ ହେ ବୋଲି ମଧ୍ୟ ଉଲ୍ଲେଖ କରିଛନ୍ତି ଗୀତା । ଏହା ସହ ସେ ଆହୁରି ଉଲ୍ଲେଖ କରିଛନ୍ତି ଯେ, ଶିଶୁ ପୁତ୍ରକୁ ଜନ୍ମ ଦେଇ ସେ ଖୁବ୍ ଖୁସି ଅନୁଭବ କରୁଛନ୍ତି । ଏତେ ଖୁସି ଯେ, ସେ ଏହି ଖୁସି କୁ ପ୍ରକାଶ କରିପାରିବେ ନାହିଁ ।

ଗୀତାଙ୍କ ଉଭଣୀ ତଥା ଅନ୍ୟତମ ଷ୍ଟାର ରେସଲର ବବିତା ଫୋଗଟ ମଧ୍ୟ ନିଜ ଭଉଣୀକୁ ଶୁଭେଚ୍ଛା ଜଣାଇଛନ୍ତି । ବବିତା ମଧ୍ୟ ଟ୍ୱିଟ କରି ଉଲ୍ଲେଖ କରିଛନ୍ତି ଯେ, ‘ତୁମେ ମାଆ ହୋଇଛ ତୁମକୁ ଶୁଭେଚ୍ଛା’ ଶିଶୁର ଦୀର୍ଘାୟୁ କାମନା କରୁଛି । ଶିଶୁକୁ ସାରା ଦୁନିଆ ସ୍ନେହ ଦେଉ ଆଶୀର୍ବାଦ ଦେଉ ।

20 ନଭେମ୍ବର 2016ରେ ରେସଲର ପୱନ କୁମାରଙ୍କୁ ବିବାହ କରିଥିଲେ । 2010 ମସିହାରେ କମନୱେଲ୍ଥ ଗେମସରେ ଭାରତର ପ୍ରଥମ ମହିଳା ରେସଲର ଭାବେ ସେ ସ୍ୱର୍ଣ୍ଣ ପଦକ ହାସଲ କରିଥିଲେ । ଆମୀର ଖାନ୍ ଙ୍କ ବ୍ଲକବଷ୍ଟର ଫିଲ୍ମ ଦଙ୍ଗଲ ଗୀତା ଏବଂ ତାଙ୍କ ଭଉଣୀ ବବିତା ଫୋଗଟଙ୍କ ସଂଘର୍ଷମୟ ଜୀବନକୁ ନେଇ ନିର୍ମାଣ କରାଯାଇଥିଲା । ପୂର୍ବରୁ ଗୀତା ଖତୋରେ କେଁ ଖିଲାଡ଼ି ସୋ’ରେ ମଧ୍ୟ ଅଂଶଗ୍ରହଣ କରିସାରିଛନ୍ତି ।