ଜିମ୍ବାୱେ ବିପକ୍ଷରେ କୋହଲି ରଚିବେ ଇତିହାସ! ଏହି ମାମଲାରେ ହେବେ ବିଶ୍ୱର ପ୍ରଥମ ଖେଳାଳି...

ଓଡ଼ିଆ ଗସିପ ବ୍ୟୁରୋ: ଉତ୍କୃଷ୍ଟ ଫର୍ମରେ ବର୍ତ୍ତମାନ ଭାରତୀୟ ବ୍ୟାଟ୍ସମ୍ୟାନ୍ ବିରାଟ କୋହଲି ରହିଛନ୍ତି । ତେବେ ରବିବାର ନଭେମ୍ବର 6 ତାରିଖରେ ଜିମ୍ବାୱେ ବିପକ୍ଷରେ ଆଇସିସି ଟି-20 ବିଶ୍ୱକପ 2022 ରେ ଏକ ସ୍ୱତନ୍ତ୍ର ରେକର୍ଡ ସୃଷ୍ଟି କରିବାର ସୁଯୋଗ ପାଇବେ ବିରାଟ ।

ଯଦି କୋହଲି ଏହି ମ୍ୟାଚରେ 68 ରନ୍ ସଂଗ୍ରହ କରନ୍ତି, ତେବେ ସେ ଟି- 20 ଆନ୍ତର୍ଜାତୀୟ କ୍ରିକେଟରେ 4000 ରନ୍ ପୂରଣ କରିବେ । ଏହି ସଂଖ୍ୟାରେ ପହଞ୍ଚିବାରେ କୋହଲି ବିଶ୍ୱର ପ୍ରଥମ କ୍ରିକେଟର ହେବେ ।

କୋହଲି ଏପର୍ଯ୍ୟନ୍ତ 53.13 ହାରାହାରି ଖେଳିଥିବା 113 ମ୍ୟାଚ୍ ର 105 ଇନିଂସରେ 3932 ସ୍କୋର କରିଛନ୍ତି, ଯେଉଁଥିରେ ଗୋଟିଏ ଶତକ ଏବଂ 36 ଟି ଅର୍ଦ୍ଧଶତକ ରହିଛି । ଏହି ତାଲିକାରେ ଭାରତୀୟ ଅଧିନାୟକ ରୋହିତ ଶର୍ମା ଦ୍ୱିତୀୟ ସ୍ଥାନରେ ଅଛନ୍ତି, ଯିଏ 146 ଟି ମ୍ୟାଚର 138 ଇନିଂସରେ 3811 ରନ୍ ସଂଗ୍ରହ କରିଛନ୍ତି ।

ବର୍ତ୍ତମାନର ଟି-20 ବିଶ୍ୱକପ୍‌ରେ କୋହଲି ଭଲ ଫର୍ମରେ ଅଛନ୍ତି । କୋହଲି ଏପର୍ଯ୍ୟନ୍ତ 220 ଷ୍ଟ୍ରାଇକ୍ ରେଟରେ 4 ଟି ମ୍ୟାଚରେ 220 ରନ୍ ସଂଗ୍ରହ କରିଛନ୍ତି, ଯେଉଁଥିରେ ସେ ତିନିଟି ଅର୍ଦ୍ଧଶତକ ହାସଲ କରିଛନ୍ତି ।

ତାଙ୍କର ସର୍ବୋତ୍ତମ ସ୍କୋର ହେଉଛି ଅପରାଜିତ 82, ଯାହା ସେ ପାକିସ୍ତାନ ବିପକ୍ଷ ପ୍ରଥମ ମ୍ୟାଚରେ ସ୍କୋର କରିଥିଲେ । ଆପଣଙ୍କୁ କହିରଖୁଛୁ ଯେ ବର୍ତ୍ତମାନ କୋହଲି ଟି-20 ବିଶ୍ୱକପ ଇତିହାସରେ ସର୍ବାଧିକ ରନ୍ ସ୍କୋର କରିବାର ରେକର୍ଡ କରିଛନ୍ତି ।