ପଞ୍ଜାବୀ ପରିବାରର ଝିଅ ଶୀଲା କିପରି ପାଲଟିଲେ ଦୀକ୍ଷିତ ପରିବାରର ବୋହୂ, ଜାଣନ୍ତୁ ତାଙ୍କର ନିଆରା ପ୍ରେମକାହାଣୀ

ଦିଲ୍ଲୀର ୩ ଥର ମୁଖ୍ୟମନ୍ତ୍ରୀ ଏବଂ କେରଳର ରାଜ୍ୟପାଳ ରହିସାରିଥିବା ରାଜନୀତି ଜଗତର ଆଇରନ ଲେଡି ଶୀଲା ଦୀକ୍ଷିତଙ୍କର ଗତକାଲି ୮୧ ବର୍ଷରେ ପରଲୋକ ହୋଇଛି । ଶୀଲାଙ୍କ ରାଜନୈତିକ କ୍ୟାରିୟ ଏବଂ ଜୀବନର କାହାଣୀ ଖୁବ୍ ରୋଚକ ରହିଛି । ଦିଲ୍ଲୀର କାୟାକଳ୍ପ ବଦଳାଇ ମର୍ଡନ କରିଥିବା ଶୀଲା ତାଙ୍କର କାର୍ଯ୍ୟକାଳରେ ଏଭଳି ଅନେକ କାମ କରିଛନ୍ତି ଯେଉଁଥିପାଇଁ ନିଜ ଦଳ କଂଗ୍ରେସ ସହିତ ବିରୋଧୀ ଦଳ ମଧ୍ୟ ଖୁବ୍ ପ୍ରଶଂସା କରୁଥିଲେ ।

୧୫ ବର୍ଷ ଧରି ଦିଲ୍ଲୀର ମୁଖ୍ୟମନ୍ତ୍ରୀ ଥିବା ଶୀଲା ଦୀକ୍ଷିତ ୨୦୧୪ରେ କେରଳର ରାଜ୍ୟପାଳ ଭାବରେ ନିଯୁକ୍ତ ହୋଇଥିଲେ । ୨୦୧୯ରେ ଲୋକସଭା ନିର୍ବାଚନରେ ସେ ପରାଜିତ ହୋଇଥିଲେ । ତାଙ୍କର ମୃତ୍ୟୁ କଂଗ୍ରେସ ପାଇଁ ବଡ କ୍ଷତି । କେବଳ କଂଗ୍ରେସ ନୁହେଁ ଅନ୍ୟ ଦଳରେ ଶୋକ ଖେଳାଇ ଦେଇଛି । ତେବେ ଶୀଲାଙ୍କ ରାଜନୈତିକ ଜୀବନ ତ ଆମେ ଜାଣୁ । କିନ୍ତୁ ତାଙ୍କ ପ୍ରେମ କାହାଣୀ ମଧ୍ୟ ଥିଲା ବେଶ୍ ନିଆରା l

ଗତବର୍ଷ ଫେବୃଆରୀରେ ଶୀଲା ଦୀକ୍ଷିତଙ୍କ ପୁସ୍ତକ ‘ସିଟିଜେନ୍ ଦିଲ୍ଲୀ: ମାଇଁ ଟାଇମ୍ସ, ମାଇଁ ଲାଇଫ୍’ ରିଲିଜ ହୋଇଥିଲା । ଯେଉଁଥିରେ ସେ ତାଙ୍କ ଜୀବନର ବହୁ ଅଜଣା କଥା ସମ୍ପର୍କରେ ଉଲ୍ଲେଖ କରିଥିଲେ । ଏକ ପଞ୍ଜବୀ ପରିବାରରେ ଜନ୍ମିତ ଶୀଲା କିଭଳି ଦୀକ୍ଷିତ ପରିବାରର ବୋହୁ ପାଲଟିଥିଲେ ତାହା ଏହି ବହିଲେ ଲେଖା ଅଛି । ଏହାସହ ତାଙ୍କର ଜୀବନର ପ୍ରଥମ ଓ ଶେଷ ପ୍ରେମକାହାଣୀର ରୋମାଞ୍ଚଭରା ଅନୁଭୂତି ସେ ଏଥିରେ ଉଲ୍ଲେଖ କରିଛନ୍ତି ।

ଶୀଲା ଦୀକ୍ଷିତଙ୍କ ଜନ୍ମ ପଞ୍ଜାବର କପୁରଥଲାରେ ହୋଇଥିଲ, କିନ୍ତୁ ସେ ନିଜର ଶିକ୍ଷାଗ୍ରହଣ ଦିଲ୍ଲୀରୁ କରିଥିଲେ । ପଞ୍ଜାବୀ ପରିବାରରେ ଜନ୍ମିତ ଶିଲା ଦିଲ୍ଲୀ ୟୁନିଭର୍ସିଟିର ମିରାଣ୍ଡା ହାଉସ କଲେଜରେ ଗ୍ରାଜୁଏସନ୍ ପାଇଁ ଆଡମିଶନ୍ କରିଥିଲେ । ଯେଉଁଠି ତାଙ୍କର ସାକ୍ଷାତ ଉତ୍ତରପ୍ରଦେଶର ଉନ୍ନାଓରେ ରହୁଥିବା ବିନୋଦ ଦୀକ୍ଷିତଙ୍କ ସହିତ ହୋଇଥିଲା । ବିନୋଦ କଂଗ୍ରେସର ଲୋକପ୍ରିୟ ନେତା ଉମାଶଙ୍କର ଦୀକ୍ଷିତଙ୍କ ଏକମାତ୍ର ପୁଅ ଥିଲେ । ଦୁହିଁଙ୍କ ଭିତରେ ବନ୍ଧୁତ୍ବ ହୋଇଥିଲା ଓ ୪ ବର୍ଷର ବନ୍ଧୁତ୍ବ ପରେ ଦୁହେଁ ବିବାହ କରିବାର ନିଷ୍ପତ୍ତି ନେଇଥିଲେ । ତେବେ ତାଙ୍କ ଏହି ପ୍ରେମକାହାଣୀର ଏକ ସୁନ୍ଦର ଘଟଣା ଶୀଲା ତାଙ୍କ ବହିରେ ଉଲ୍ଳେଖ କରିଛନ୍ତି ।

ତାହା ହେଲା ଦିନେ ଏକାଠି ବସରେ ଏକାଠି ଯାଉଥିବା ବେଳେ ଶୀଲାଙ୍କୁ ବିନୋଦ ଡିଟିସିର ବସରେ କରିଥିଲେ ପ୍ରଥମ ଥର ପାଇଁ ପ୍ରେମ ନିବେଦନ । ଯାହାକୁ ଶୀଲା ମଧ୍ୟ କାଳ ବିଳମ୍ବ ନକରି ସ୍ବୀକାର କରିନେଇଥିଲେ । ତେବେ ଦୁହିଁଙ୍କୁ ବିବାହ କରିବାକୁ ୨ ବର୍ଷ ଅପେକ୍ଷା କରିବାକୁ ପଡିଥିଲା । ଶୀଲା ତାଙ୍କର ଲଭ ଷ୍ଟୋରୀ ସମ୍ପର୍କରେ ଆହୁରି ବର୍ଣ୍ଣନା କରି ଲେଖିଥିଲେ ଯେ, ଇତିହାସ ପଢିବା ବେଳେ ମୋର ସାକ୍ଷାତ ବିନୋଦଙ୍କ ସହ ହୁଏ । ମୋ କ୍ଲାସରେ ୨୦ ଜଣ ଛାତ୍ରଙ୍କ ଠାରୁ ବିନୋଦ ବେଶ୍ ଅଲଗା ଥିଲେ । ପ୍ରାୟ ୬ ଫୁଟ୍ ଉଚ୍ଚତାର ବିନୋଦ କଲେଜରେ ଜଣେ ଭଲ କ୍ରିକେଟର ଥିବା ସହ ସାଙ୍ଗମାନଙ୍କ ଭିତରେ ମଧ୍ୟ ଖୁବ୍ ଲୋକପ୍ରିୟ ଥିଲେ ।

ତେବେ ଏହି ପ୍ରେମକାହାଣୀର ଆରମ୍ଭ ହୋଇଥିଲା ଏକ ବିବାଦରୁ । ନିଜ ନିଜ ବନ୍ଧୁଙ୍କର ପ୍ରେମ ସମ୍ପର୍କରୁ ଝଗଡା ଦୁରାଇବାକୁ ମଧ୍ୟସ୍ଥି ସାଜିଥିଲେ । କିନ୍ତୁ ପରେ ବିନୋଦ ଏବଂ ଶୀଲା ପରସ୍ପରକୁ ଭଲ ପାଇ ବସିଥିଲେ । ଶୀଲାଙ୍କ ସ୍ବାମୀ ବିନୋଦ ଭାରତୀୟ ପ୍ରଶାସନିକ ସେବା (ଆଇଏଏସ) ଅଫିସର ଥିଲେ । ୧୯୮୨ରେ ଟ୍ରେନରେ ଯାତ୍ରା କରିବା ସମୟରେ ହୃଦଘାତରେ ତାଙ୍କର ପରଲୋକ ହୋଇଥିଲା ।