ନାମାଙ୍କନ ପତ୍ର ଦାଖଲ କଲେ ବିଜେପି ଭୁବନେଶ୍ୱର ଏକାମ୍ର ପ୍ରାର୍ଥୀ ବାବୁ ସିଂ

ଭୁବନେଶ୍ୱର: ନାମାଙ୍କନ ପତ୍ର ଦାଖଲ କରିଛନ୍ତି ବିଜେପି ଭୁବନେଶ୍ୱର ଏକାମ୍ର ବିଧାୟକ ପ୍ରାର୍ଥୀ ବାବୁ ସିଂ । ହଜାର ହଜାର ସମର୍ଥକଙ୍କ ସହ ଏକ ବିଶାଳ ବାଇକ ଶୋଭାଯାତ୍ରା କରି ବାବୁ ସିଂ ଶକ୍ତି ପ୍ରଦର୍ଶନ କରିବା ସହ ଉପ-ଜିଲ୍ଲାପାଳଙ୍କ କାର୍ଯ୍ୟାଳୟରେ ଉପସ୍ଥିତ ରିଟର୍ଣ୍ଣିଂ ଅଫିସରଙ୍କ ପାଖରେ ଆଜି ନାମାଙ୍କନ ପତ୍ର ଦାଖଲ କରିଛନ୍ତି ।

ଶ୍ରୀ ସିଂ ଙ୍କୁ ବିଜେଡି ଟିକେଟ ନ ମିଳିବାରୁ ସେ ବିଜେପିରେ ଯୋଗ ଦେଇଥିଲେ । ଶୋଭା ଯାତ୍ରା ବେଳେ ବାବୁ ସିଂ କହିଥିଲେ ଯେ, ଏତେ ବର୍ଷ ଧରି ବିଜେଡି ଶାସନରେ ରହିବା ସତ୍ତ୍ୱେ ଅଞ୍ଚଳରେ କୌଣସି ମୌଳିକ ଆବଶ୍ୟକତାର ସୁବିଧା କାମ ହୋଇ ନାହିଁ । ଯାହା ସେ ଏହି ଆସନରୁ ଜିତିବା ପରେ ପୂରଣ କରିବେ । ତାଙ୍କ ଲଢେଇ ଏହି ଆସନର ବିଜେଡି ପ୍ରାର୍ଥୀ ଅଶୋକ ପଣ୍ଡା ଓ କଂଗ୍ରେସ ପ୍ରାର୍ଥୀ ରଶ୍ମି ମହାପାତ୍ରଙ୍କ ସହ ହେବ ।