ଓଡ଼ିଶାର ବିକାଶ ବେଳେ ଦେଖାନାହାନ୍ତି ହେଲେ ନିର୍ବାଚନ ପାଇଁ ଭୋଟ ମାଗିବା ପାଇଁ ପର୍ଯ୍ୟଟନସ୍ଥଳ ବୁଲି ଆସିଲେ, ମୋଦିଙ୍କ ଓଡ଼ିଶା ଗସ୍ତ ନେଇ ଏମିତି ପ୍ରତିକ୍ରିୟା ରଖିଛି ବିଜେଡି

ଓଡ଼ିଶାର ବିକାଶ ବେଳେ ଦେଖାନାହାନ୍ତି ହେଲେ ନିର୍ବାଚନ ପାଇଁ ଭୋଟ ମାଗିବା ପାଇଁ ପର୍ଯ୍ୟଟନସ୍ଥଳ ବୁଲି ଆସିଲେ, ମୋଦିଙ୍କ ଓଡ଼ିଶା ଗସ୍ତ ନେଇ ଏମିତି ପ୍ରତିକ୍ରିୟା ରଖିଛି ବିଜେଡି
ଓଡ଼ିଶାର ବିକାଶ ବେଳେ ଦେଖାନାହାନ୍ତି ହେଲେ ନିର୍ବାଚନ ପାଇଁ ଭୋଟ ମାଗିବା ପାଇଁ ପର୍ଯ୍ୟଟନସ୍ଥଳ ବୁଲି ଆସିଲେ, ମୋଦିଙ୍କ ଓଡ଼ିଶା ଗସ୍ତ ନେଇ ଏମିତି ପ୍ରତିକ୍ରିୟା ରଖିଛି ବିଜେଡି

ଭୁବନେଶ୍ୱର: ଓଡ଼ିଶାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନିର୍ବାଚନୀ ଭାଷଣ ପରିପ୍ରେକ୍ଷୀରେ କଡ଼ା ପ୍ରତିକ୍ରିୟା ରଖିଛି ବିଜୁ ଜନତା ଦଳ । ନିର୍ବାଚନ ଆସିଲେ କିଛି ନେତା ଓଡ଼ିଶାକୁ ପର୍ଯ୍ୟଟନ ଭ୍ରମଣରେ ଆସନ୍ତି । ସେହି ଧାରାରେ ବିଜେପିର କିଛି ନେତା ଓଡ଼ିଶାରେ ଏବେ ଭ୍ରମଣ କରୁଛନ୍ତି ।

ଓଡ଼ିଶାର ବିକାଶ ପ୍ରସଙ୍ଗରେ କେବେ ସେମାନଙ୍କର ଦେଖା ମିଳୁ ନ ଥିବା ବେଳେ ଏବେ ଭୋଟ ଓ କ୍ଷମତା ପାଇଁ ସେମାନଙ୍କ ଦେଖା ମିଳୁଛି ବୋଲି କହିଛନ୍ତି ଦଳର ମୁଖପାତ୍ର ଡ. ସସ୍ମିତ୍ ପାତ୍ର । ମୋଦିଙ୍କ ନାଁ ନ ନେଇ ସେ ଏମିତି କଟାକ୍ଷ କରିଛନ୍ତି ।

ଡ. ପାତ୍ର କହିଛନ୍ତି, ନିର୍ବାଚନ ବେଳେ ଓଡ଼ିଶାକୁ ଆସି ବଡ଼ ବଡ଼ କଥା କହୁଥିବା ବିଜେପି ନେତାମାନେ ୫ ବର୍ଷ ଧରି ଶୋଇଥିଲେ କେଉଁଠି ? ଓଡ଼ିଶାକୁ ସ୍ୱତନ୍ତ୍ର ରାଜ୍ୟ ପାହ୍ୟା ମାନ୍ୟତା ପ୍ରସଙ୍ଗ ହେଉ କି ମହାନଦୀ ପାଣିକୁ ଛତିଶଗଡ଼ ଚୋରି କରିବା ପ୍ରସଙ୍ଗ ହେଉ, ଏହି ବିଜେପି ନେତାମାନେ ଥିଲେ କେଉଁଠି ? ଦ୍ୱିତୀୟ ବ୍ରାହ୍ମଣୀ ସେତୁ, ରାଉରକେଲାରେ ଇସ୍ପାତ ମେଡ଼ିକାଲ୍ କଲେଜ ସ୍ଥାପନ ପାଇଁ ସେମାନଙ୍କ ପ୍ରତିଶ୍ରୁତି କୁଆଡେ ଗଲା ତାହାର ଜବାବ ଦିଅନ୍ତୁ ।

ଡ. ପାତ୍ର ଆହୁରି କହିଛନ୍ତି, ନିର୍ବାଚନୀ ପର୍ଯ୍ୟଟନ ଭ୍ରମଣରେ ଆସି ବଡ଼ ବଡ଼ କଥା କହୁଥିବା ବିଜେପି ନେତାଙ୍କର ଓଡ଼ିଶାର ବିକାଶ ପ୍ରତି ସାମାନ୍ୟତମ ଅବଦାନ ନାହିଁ । ଅଥଚ ଶ୍ରୀଯୁକ୍ତ ନବୀନ ପଟ୍ଟନାୟକ କଠୋର ପରିଶ୍ରମ ଓ ଉଦ୍ୟମ ଦେଇ ଓଡ଼ିଶାକୁ ଗତ ୧୯ ବର୍ଷ ଭିତରେ ଏକ ଆଦର୍ଶ ରାଜ୍ୟରେ ପରିଗଣିତ କରିଛନ୍ତି । ଓଡ଼ିଶାବାସୀ ଏହା ବୁଝିସାରିଥିବାରୁ ଏହି ନିର୍ବାଚନରେ ସେମାନେ କାହାରିକୁ ସମର୍ଥନ ଦେବେ ତାହା ସ୍ପଷ୍ଟ ।

ଓଡ଼ିଶାରେ ଗୋଟିଏ ଅପାରଗ ଓ ଦୁର୍ନୀତିଗ୍ରସ୍ତ ସରକାର ଗଢ଼ିବାକୁ ରାଜ୍ୟବାସୀ କେବେ ବି ଚାହିଁବେ ନାହିଁ । ବରଂ ବିଜୁ ଜନତା ଦଳ ଏବଂ ନବୀନ ପଟ୍ଟନାୟକଙ୍କ ନେତୃତ୍ୱରେ ପୁଣି ଏକ ସ୍ଥିର ଏବଂ ସଚ୍ଚୋଟ ସରକାର ଗଠନ ପାଇଁ ଭୋଟ ଦେବେ ବୋଲି ଡ. ପାତ୍ର କହିଛନ୍ତି ।

ଶେଷରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓଡ଼ିଶାବାସୀଙ୍କୁ କେତୋଟି ପ୍ରଶ୍ନର ଉତ୍ତର ଦେବାକୁ ପଡ଼ିବ ବୋଲି ଡ. ପାତ୍ର କହିଛନ୍ତି । ଧାନର ସର୍ବନିମ୍ନ ସହାୟକ ମୂଲ୍ୟ କ୍ୱିଣ୍ଟାଲ୍ ପିଛା ୨୯୩୦ ଟଙ୍କା କ’ଣ ପାଇଁ ହୋଇନାହିଁ ? ‘କାଳିଆ’ ଯୋଜନାକୁ ବିଜେପି କ’ଣ ପାଇଁ ବନ୍ଦ କରିଛି ? ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନାରେ ମହିଳାମାନଙ୍କ ପାଇଁ ୭ ଲକ୍ଷ ଟଙ୍କାର ସହାୟତା ବ୍ୟବସ୍ଥା ଥିବା ବେଳେ ଆୟୁଷ୍ମାନ ଯୋଜନାରେ କମ୍ କାହିଁକି ? ଓଡ଼ିଶାବାସୀ ଏହି ପ୍ରଶ୍ନ ବାରମ୍ବାର ପଚାରୁଥିଲେ ମଧ୍ୟ ବିଜେପି ପାଖରୁ ଏହାର ଉତ୍ତର ମିଳୁନାହିଁ । ନିଜର ବିଫଳତା ପଛରେ ବିଜେପି ଲୁଚିଯିବାକୁ ଚାହୁଁଛି ବୋଲି ଡ. ପାତ୍ର କହିଛନ୍ତି ।

Share this story