ରାୟଗଡ଼ାରେ ନବୀନଙ୍କ ସୋ’, କେନ୍ଦ୍ର ଉପରେ ବର୍ଷିଲେ, କହିଲେ ଓଡ଼ିଶାବାସୀଙ୍କୁ ବିଜେଡି ସାହା
![ରାୟଗଡ଼ାରେ ନବୀନଙ୍କ ସୋ’, କେନ୍ଦ୍ର ଉପରେ ବର୍ଷିଲେ, କହିଲେ ଓଡ଼ିଶାବାସୀଙ୍କୁ ବିଜେଡି ସାହା](https://odiagossip.com/static/c1e/client/83534/migrated/9f77a5efdd47530d11d1fc6f86b27d3d.jpg)
![ରାୟଗଡ଼ାରେ ନବୀନଙ୍କ ସୋ’, କେନ୍ଦ୍ର ଉପରେ ବର୍ଷିଲେ, କହିଲେ ଓଡ଼ିଶାବାସୀଙ୍କୁ ବିଜେଡି ସାହା](https://odiagossip.com/static/c1e/client/83534/migrated/9f77a5efdd47530d11d1fc6f86b27d3d.jpg)
ରାୟଗଡ଼ା: “ଆମେ ଆହାର ଯୋଜନା କଲୁ ଗରିବଙ୍କ ପାଇଁ, କେନ୍ଦ୍ରର ବିଜେପି ସରକାର ସହଯୋଗ କରିବାକୁ ମନା କଲେ । ଆମ ସରକାର ନିଜ ଉଦ୍ୟମରୁ ଏହା ଜାରି ରଖିଛି । କେନ୍ଦ୍ର ସରକାର ଓଡ଼ିଶାର ୩୦ ଲକ୍ଷ ଗରିବଙ୍କୁ ଚାଉଳ ଦେବାକୁ ମନା କଲେ, ଏହା ଠିକ କି ? ହେଲେ ଆମ ସରକାର ସବୁ ଗରିବ ଲୋକଙ୍କୁ ଚାଉଳ ଦେଉଛି । ଏହା ଥିଲା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ରାୟଗଡ଼ା ସୋ’। ପୁଣି ଶ୍ରୀ ପଟ୍ଟନାୟକ କେନ୍ଦ୍ର ଅବହେଳା ଉପରେ ବର୍ଷିଛନ୍ତି ।
![ରାୟଗଡ଼ାରେ ନବୀନଙ୍କ ସୋ’, କେନ୍ଦ୍ର ଉପରେ ବର୍ଷିଲେ, କହିଲେ ଓଡ଼ିଶାବାସୀଙ୍କୁ ବିଜେଡି ସାହା](https://odiagossip.com/static/c1e/client/83534/migrated/d0cedaa2d2983675407063d55f504662.jpg)
ସେ କହିଛନ୍ତି, “ସରକାରଙ୍କ ତିତିଲିରେ ଆପଣମାନଙ୍କର ଆମର ବହୁତ କ୍ଷତି ହେଲା । ହେଲେ କେନ୍ଦ୍ର ସରକାର ଆନ୍ଧ୍ରକୁ ଆଗ ସାହାଯ୍ୟ ଦେଲେ । ଆମମାନଙ୍କ କଥା କେନ୍ଦ୍ରର ମନେ ପଡିଲା ବହୁ ପଛରେ । ଓଡ଼ିଶା ପ୍ରତି ମହିଳା ଓ ଗରିବ ଲୋକଙ୍କ ପ୍ରତି ଏମାନଙ୍କ ଦରଦ ଏମିତି । ଏମାନେ ସବୁ ବିରାଡ଼ି ବୈଷ୍ଣବ । ବର୍ତ୍ତମାନ ରାଜ୍ୟର ଘର ଘରକୁ ବିଶୁଦ୍ଧ ପିଇବା ପାଣି ପହଞ୍ଚୁଛି । ଆପଣମାନଙ୍କର ବିଜୁ ଜନତା ଦଳ ସରକାର ଏଥିପାଇଁ ୧୨ ହଜାର କୋଟି ଖର୍ଚ୍ଚ କରୁଥିବା ବେଳେ କେନ୍ଦ୍ର ଦେଉଛି ମାତ୍ର ୧ ହଜାର କୋଟି ଟଙ୍କା ।” ଏହା କଣ ଠିକ ।
![ରାୟଗଡ଼ାରେ ନବୀନଙ୍କ ସୋ’, କେନ୍ଦ୍ର ଉପରେ ବର୍ଷିଲେ, କହିଲେ ଓଡ଼ିଶାବାସୀଙ୍କୁ ବିଜେଡି ସାହା](https://odiagossip.com/static/c1e/client/83534/migrated/e536c76053526b145fcdbabd13083b34.jpg)
“ସେହିପରି ଚାଷ ଜମିକୁ ଜଳସେଚନ ପାଇଁ ଆମେ ୨୦ ହଜାର ଟଙ୍କା ଖର୍ଚ୍ଚ କରୁଥିବା ବେଳେ କେନ୍ଦ୍ର ଦେଉଛି ମାତ୍ର ୨୫୦ କୋଟି ଟଙ୍କା । ମହିଳାମାନେ ହିଁ ରାଜ୍ୟର ଶକ୍ତି ଏବଂ ଏହି ଶକ୍ତି ହିଁ ଆମର ଭବିଷ୍ୟତ ବିକାଶକୁ ଆଗେଇ ନେବ । କେନ୍ଦ୍ର ସରକାର ଯୋଜନାରେ ୫ଲକ୍ଷ ମିଳୁଥିବା ବେଳେ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନାରେ ରାଜ୍ୟର ମା’ମାନଙ୍କ ସ୍ୱାସ୍ଥ୍ୟ ସୁରକ୍ଷା ପାଇଁ ଆମ ସରକାର ୭ ଲକ୍ଷ ଟଙ୍କା ଦେଉଛି । ଜେକେ ପୁରରୁ ରାୟଗଡ଼ା ପର୍ଯ୍ୟନ୍ତ ନିର୍ବାଚନୀ ଶୋଭାଯାତ୍ରାରେ ଆପଣମାନଙ୍କ ସମର୍ଥନ ଓ ଉତ୍ସାହ ଦେଖି ମୁଁ ଅବିଭୁତ । ଆପଣମାନଙ୍କ ଭଲପାଇବା ନିକଟରେ ମୁଁ କୃତଜ୍ଞ । ଆସନ୍ତୁ, ଆମ ହକ୍ ଓ ସ୍ଵାଭିମାନର ଲଢେଇକୁ ଆହୁରି ଜୋରଦାର କରିବା । ଚଳିତ ନିର୍ବାଚନରେ ଓଡ଼ିଶା ପ୍ରତି ହେଇଥିବା ପ୍ରତାରଣାର ଉଚିତ ଜବାବ ଦେବା,” ଏପରି କହି ଜନସାଧାରଣଙ୍କୁ ବିଜେଡିକୁ ଭୋଟ ଦେବା ପାଇଁ ଶ୍ରୀ ପଟ୍ଟନାୟକ କହିଥିଲେ ।
![ରାୟଗଡ଼ାରେ ନବୀନଙ୍କ ସୋ’, କେନ୍ଦ୍ର ଉପରେ ବର୍ଷିଲେ, କହିଲେ ଓଡ଼ିଶାବାସୀଙ୍କୁ ବିଜେଡି ସାହା](https://odiagossip.com/static/c1e/client/83534/migrated/bf72f149b838c86514403e5280bc40e2.jpg)