ସାଂସଦ ହେବା ପରେ ପ୍ରଥମ ଫିଲ୍ମରେ ସାଇନ କଲେ ଏହି ଅଭିନେତ୍ରୀ, ଜାଣନ୍ତୁ କିଏ?

ଅଭିନୟରୁ ରାଜନୀତି ମୈଦାନରେ ପାଦ ଥାପିଥିବା ନୁସରତ ଜହାଁ ଏ​‌ବେ ଫିଲ୍ମରେ ଅଭିନୟ କରିବେ । ସାଂସଦ ହେବା ପରେ ନୁସରତ ପ୍ରଥମ ଫିଲ୍ମ ପାଇଁ ସାଇନ କରିଛନ୍ତି । ସାଂସଦ ହେବା ପୂର୍ବରୁ ତାଙ୍କ ଅଭିନୟ ମାଧ୍ୟରେ ଦର୍ଶକଙ୍କ ପାଖରେ ସେ ବେଶ ଲୋକପ୍ରିୟ ହୋଇ ପାରିଥିଲେ ।

ଏହି ଫିଲ୍ମର ସୁଟିଂ ବିଳମ୍ବରେ ଆରମ୍ଭ ହେବ ବୋଲି ପ୍ରଯୋଜକ ସଂସ୍ଥା ପକ୍ଷରୁ କୁହାଯାଇଛି । ଏହି ସମୟ ଭିତରେ ନୁସରତଙ୍କ ଜୀବନ ଶୈଳୀ ବଦଳିଯାଇଛି । ବିବାହ ପରେ ନୁସରତଙ୍କୁ ପ୍ରଥମ ଥର ପାଇଁ ରୂପେଲି ପରଦାରେ ଦର୍ଶକ ଦେଖିବେ । ସେଥିଲାଗି ତାଙ୍କ ପ୍ରଶଂସକ ତାଙ୍କୁ ଉତ୍ସାହିତ କରିଛନ୍ତି ।

ସୋସିଆଲ ମିଡିଆରେ ନୁସରତଙ୍କ ଆଗାମୀ ଫିଲ୍ମ ସଂପର୍କରେ ସେ ସୂଚନା ଦେଇଛନ୍ତି । ଏହାସହ ଫିଲ୍ମର ନିର୍ଦେଶକ ପାବେଲ କହିଛନ୍ତି ଯେ, ଅସୁର ନାମକ ଏକ ନୂଆ ଫିଲ୍ମ ସୁଟିଂ ହେବାକୁ ଯାଉଛି । ଏହି ଫିଲ୍ମର ମୁଖ୍ୟ ଭୂମିକାରେ ତୃଣମୂଳ କଂଗ୍ରେସର ନବ ନିର୍ବାଚିତ ସାଂସଦ ନୁସରତ ଜହାଁ ଅଭିନୟ କରିବେ ।

ଏହା ବ୍ୟତୀତ ଅବିର ଚାଟାର୍ଜିଙ୍କୁ ମଧ୍ୟ ଏହି ଫିଲ୍ମରେ ଦେଖିବାକୁ ମିଳିବ ବୋଲି ନିର୍ଦେଶକ କହିଛନ୍ତି । ନୁସରତ ଜଣେ ସାଂସଦ ତାଙ୍କ ବ୍ୟସ୍ତ ବହୁଳ ଜୀବନ ଭିତରେ ଫିଲ୍ମ କିପରି କରିବେ ବୋଲି ନିର୍ଦେଶକ ପାବେଲଙ୍କୁ ପ୍ରଶ୍ନ ପଚରା ଯାଇଥିଲା । ସେ କହିଥିଲେ, ନୁସରତ ସାଂସଦ ସହ ଜଣେ ଅଭିନେତ୍ରୀ । ତାଙ୍କ ବ୍ୟସ୍ତ ଜୀବନରୁ ସମୟ ଦେବେ ବୋଲି ନୁସରତ ନିଜେ କହିଛନ୍ତି ।