ବିଜେପିର ଗପ ଅଧିକ ହେଲେ କାମ କମ୍, ଏଭଳି ସଙ୍ଗୀନ ଅଭିଯୋଗ ଅଣିଲା ବିଜେଡି

ଭୁବନେଶ୍ୱର: ଭାରତୀୟ ଜନତା ପାଟି (ବିଜେପି) ବାସ୍ତବରେ ଗପ ଅଧିକ କୁହେ, ହେଲେ ଲୋକଙ୍କ ପାଇଁ କାମ କରିବା ସ୍ୱପ୍ନ ସଦୁର୍ଶ୍ୟ । ଏଭଳି ସଙ୍ଗୀନ ଅଭିଯୋଗ ଆଣିବା ସହ ବିଜେପି ଉପରେ ବହୁ ବର୍ଷିଛନ୍ତି ଖୋଦ୍ ବିଜୁ ଜନତା ଦଳ (ବିଜେଡି)ର ଦୁଇ ନେତା ପ୍ରତାପ ଜେନା ଓ ସଂଜୟ କୁମାର ଦାସବର୍ମା । ସେମାନେ କହିଛନ୍ତି ୨୦୧୪ରେ ବିଜେପି ଦେଇଥିବା ନିର୍ବାଚନ ପ୍ରତିଶୃତି ଲୋକଙ୍କ ପାଇଁ ପ୍ରତାରଣା ଓ ଦୁଃଖ ଦେଇ ଆସିଛି ।

ଶ୍ରୀ ଜେନାଙ୍କ କହିବା ଅନୁଯାୟୀ, ବିଜେପି ସରକାର ୨୦୧୪ ନିର୍ବାଚନ ବେଳେ ଅନେକ ପ୍ରତିଶୃତି ଦେଇଥିଲା । ଯାହା କି ଓଡ଼ିଶାକୁ ସ୍ୱତନ୍ତ୍ର ପାହ୍ୟା ମାନ୍ୟତା, ପ୍ରତିବର୍ଷ ୨ କୋଟି ବେକାର ଯୁବକ ଓ ଯୁବତୀଙ୍କୁ ଚାକିରି, ୧୫ଲକ୍ଷ ଟଙ୍କା ପ୍ରତି ଆକାଉଣ୍ଟକୁ ଦେବା, ଧାନର ସର୍ବନିମ୍ନ ସହାୟକ ମୂଲ୍ୟ ଦେଢ଼ ଗୁଣ ବୃଦ୍ଧି, ବିଜେପିର ପ୍ରତିଶୃତି ସମାବେଶ ପ୍ରତିରଣା ଓ ପ୍ରହେଳିକାର ସମାବେଶ ଭଳି ସବୁ ପ୍ରତିଶୃତି ଖାଲି ଗୁଲିଗପ ପାଲଟିଛି । କୌଣସି ପ୍ରତିଶୃତି ବିଜେପି କାର୍ଯ୍ୟକାରୀ କରିନଥିବା ଶ୍ରୀ ଜେନା ଅଭିଯୋଗ ଆଣିଛନ୍ତି ।

ସେହିଭଳି ମହାନଦୀ, ପୋଲାଭରମ୍, କୋଷ୍ଟାଲ୍ ହାଇୱେ, ୩୩ଟି ଯୋଜନାର ଅର୍ଥକାଟ, ୮ଟି ଯୋଜନାକୁ ସଂପୂର୍ଣ୍ଣ ଭାବେ ବନ୍ଦ କରିଦେବା ବିଜେପିର ପ୍ରତାରଣାର ମୁଖ୍ୟାଂଶ ବୋଲି ଶ୍ରୀ ଦାସବର୍ମା କହିଛନ୍ତି ।

ବିଜେପି ଅଚ୍ଛେଦିନର ଚାଷୀ, ମହିଳା, ଯୁବକ, ଛାତ୍ର, ଶ୍ରମିକ, ବରିଷ୍ଠ ନାଗରୀକ, କୃଶକ ଓ ଶିଶୁଙ୍କ ପାଇଁ ବୁରାଦିନ ସାବ୍ୟସ୍ତ ହୋଇଛି ବୋଲି ଶ୍ରୀ ଦାସବର୍ମା ବର୍ଷିଛନ୍ତି ।