ସିପିଆଇ(ଏମ୍) ଆଞ୍ଚଳିକ କମିଟି ପକ୍ଷରୁ କାର୍ଲମାର୍ସ୍କ ଜୟନ୍ତୀ ପାଳନ 

ଓଡ଼ିଆ ଗସିପ ବ୍ୟୁରୋ: ସିପିଆଇ(ଏମ୍) ଆଞ୍ଚଳିକ କମିଟି ଟାଙ୍ଗି, ଖୋର୍ଦ୍ଧା କାର୍ଯ୍ୟାଳୟରେ କାର୍ଲମାର୍ସ୍କଙ୍କ ଜୟନ୍ତୀ ପାଳନ କରାଯାଇଥିଲା । ସିପିଆଇ(ଏମ୍) ଆଞ୍ଚଳିକ କମିଟି ଟାଙ୍ଗି ସଂମ୍ପାଦକ ବିଧୁଭୂଷଣ ମହାରଣାଙ୍କ ସଭାପତିତ୍ୱରେ କାର୍ଲମାର୍ସ୍କଙ୍କୁ ଶ୍ରଦ୍ଧାଞ୍ଜଳୀ ଅର୍ପଣ କରାଯାଇଥିଲା । ସିପିଆଇ(ଏମ୍) ଖୋର୍ଦ୍ଧା ଜିଲ୍ଲା ସମ୍ପାଦକ ଗିରିଶ ଚନ୍ଦ୍ର ମହାରଣା, ଲକ୍ଷ୍ମଣ ବେହେରା, ପୁରୁଷୋତ୍ତମ ଦଳେଇ, ଅଶୋକ ମାନ୍ଧ।ତା, ପିତାମ୍ବର ରଣା ଉଦଵୋଧନ ଦେଇଥିଲେ ।

“ପୁଞ୍ଜି”ର ଲାଭ ଲୋଭ ଏହାକୁ ସବୁଠାରୁ ଗମ୍ଭୀର ପରିଣାମକୁ ମଧ୍ୟ ଅଣଦେଖା କରିପାରେ । ଏପରି କୌଣସି ଅପରାଧ ନାହିଁ ଯାହା କରିବା ପାଇଁ ପୁଞ୍ଜି ପଛେଇ ଯିବ । ଅଶାନ୍ତି ଓ କଳହ ଯଦି ଲାଭ ଆଣିବ, ତେବେ ‘ପୁଞ୍ଜି’ ଉଭୟଙ୍କୁ ମୁକ୍ତ ଭାବେ ଉତ୍ସାହିତ କରିବ । ଏଠାରେ ମାର୍କ୍ସ୍ ବିଭିନ୍ନ ରୂପକ ମାଧ୍ୟମରେ ଅନିୟନ୍ତ୍ରିତ ପୁଞ୍ଜିବାଦର ବିପଦ ଉପରେ ଆଲୋକପାତ କରିଛନ୍ତି, ଯେଉଁଠାରେ ପୁଞ୍ଜିପତିଙ୍କ ନିରନ୍ତର ଲାଭ ହାସଲ କରିବା ଦ୍ୱାରା ଶୋଷଣ ଓ ଦୁର୍ନୀତି ବଢିପାରେ ଏବଂ ବ୍ୟକ୍ତି ଏବଂ ସମାଜକୁ କ୍ଷତି ପହଞ୍ଚାଇପାରେ । ଲଢେଇ ମାଧ୍ୟମରେ ଶୋଷଣ ମୁକ୍ତ ସମାଜ ପାଇଁ ଦେଶ ବଦଳାଇ ଯାଇପାରେ ବୋଲି ସଭାରେ ଥିବା ଅତିଥି ମତବ୍ୟକ୍ତ କରିଥିଲେ । ଶେଷରେ ନୃସିଂହ ଦଳେଇ ଧନ୍ୟବାଦ ଦେଇଥିଲେ ।