ଓଡ଼ିଶାକୁ ଆସୁଛି ମହାବିପଦ! ବିଶେଷଜ୍ଞ କଲେ ଆଲର୍ଟ: ଜୁନରୁ ଅକ୍ଟୋବର ଯାଏ...

ଓଡ଼ିଆ ଗସିପ ବ୍ୟୁରୋ (ସ୍ୱତନ୍ତ୍ର ପ୍ରତିନିଧି, ଭୁବନେଶ୍ୱର): ଆସନ୍ତା ଜୁନ ମାସରୁ ବିଶ୍ୱ ଜଳବାୟୁରେ ଏକ ବଡ଼ ଧରଣର ପରିବର୍ତ୍ତନ ହେବାକୁ ଯାଉଛି। ବର୍ତ୍ତମାନ ‘ନ୍ୟୁଟ୍ରାଲ ଫେଜ’ ବା ଶାନ୍ତ ଅବସ୍ଥାରେ ଥିବା ଏଲ-ନିନୋ ଜୁନ ମାସରୁ ଭୟଙ୍କର ‘ସୁପର ଏଲ-ନିନୋ’ର ରୂପ ନେବାକୁ ଯାଉଛି। ପାଣିପାଗ ବିଶେଷଜ୍ଞଙ୍କ ଅନୁସାରେ, ଜୁନ ମାସରେ ଏହା ସକ୍ରିୟ ହେବାର ସମ୍ଭାବନା ପ୍ରାୟ ୮୨ ପ୍ରତିଶତ ରହିଛି। ଏହାର ପ୍ରଭାବରେ ଚଳିତ ବର୍ଷ ମୌସୁମୀ ବର୍ଷାରେ ବ୍ରେକ ଲାଗିବା ସହ ଅକ୍ଟୋବର ମାସ ପର୍ଯ୍ୟନ୍ତ ପ୍ରଚଣ୍ଡ ରୌଦ୍ରତାପ ଜାରି ରହିବ, ଯାହା ମରୁଡ଼ି ଭଳି ଗମ୍ଭୀର ସ୍ଥିତି ସୃଷ୍ଟି କରିପାରେ।

କାହିଁକି ଆସୁଛି ଏହି ସଙ୍କଟ?

ବିଶେଷଜ୍ଞଙ୍କ ମତରେ, ପୂର୍ବ ଏବଂ କେନ୍ଦ୍ରୀୟ ପ୍ରଶାନ୍ତ ମହାସାଗରରେ ସମୁଦ୍ର ପତନର ତାପମାତ୍ରା ଅସ୍ବାଭାବିକ ଭାବେ ବୃଦ୍ଧି ପାଉଛି। ଏହି କାରଣରୁ ଜୁନ ମାସରୁ ସୁପର ଏଲ-ନିନୋ କ୍ରମଶଃ ଶକ୍ତିଶାଳୀ ହୋଇ ପାଣିପାଗରେ ବଡ଼ ଓଲଟପାଲଟ କରିବ। ବିଶ୍ୱ ସ୍ତରରେ ତାପମାତ୍ରା ଅହେତୁକ ଭାବେ ବଢ଼ିବା ସହ ସମଗ୍ର ଜଳବାୟୁ ଉପରେ ଏହାର ଖରାପ ପ୍ରଭାବ ପଡ଼ିବ।

ସୁପର ଏଲ-ନିନୋର ପ୍ରମୁଖ ପ୍ରଭାବ:

ମୌସୁମୀ ବର୍ଷାରେ ହ୍ରାସ: ଏହି ପ୍ରଭାବ ଯୋଗୁଁ ଚଳିତ ବର୍ଷ ସୱାଭାବିକ ମୌସୁମୀ ବର୍ଷା ହେବ ନାହିଁ। ବର୍ଷାର ପରିମାଣ କମିବା ଚାଷ କାର୍ଯ୍ୟକୁ ଗୁରୁତର ଭାବେ ପ୍ରଭାବିତ କରିବ, ଯାହାକୁ ନେଇ ଚାଷୀକୂଳ ଚିନ୍ତାରେ ପଡ଼ିଛନ୍ତି।

ଅକ୍ଟୋବର ଯାଏ ଗ୍ରୀଷ୍ମ ପ୍ରବାହ: ମଝିରେ ମଝିରେ ଲଘୁଚାପ ଜନିତ ବର୍ଷାକୁ ବାଦ ଦେଲେ, ଆସନ୍ତା ଅକ୍ଟୋବର ମାସ ପର୍ଯ୍ୟନ୍ତ ଗ୍ରୀଷ୍ମର ପ୍ରକୋପ ଜାରି ରହିବ।

ବିପତ୍ତିର ଆଶଙ୍କା: ଏହି ଅସ୍ବାଭାବିକ ସ୍ଥିତି ଯୋଗୁଁ ଦେଶରେ ମରୁଡ଼ି, ପ୍ରଚଣ୍ଡ ଅଂଶୁଘାତ (Heatwave) ଏବଂ ଜଙ୍ଗଲରେ ବନାଗ୍ନି (Wildfires) ଭଳି ବଡ଼ ଧରଣର ପ୍ରାକୃତିକ ବିପର୍ଯ୍ୟୟ ମାଡ଼ି ଆସିବାର ଆଶଙ୍କା ଯଥେଷ୍ଟ ଅଧିକ ରହିଛି।

ବିଶେଷଜ୍ଞଙ୍କ ଚେତାବନୀ: ଜୁନ ପରବର୍ତ୍ତୀ ସମୟ ସମସ୍ତଙ୍କ ପାଇଁ ଅତ୍ୟନ୍ତ ସନ୍ତର୍ପଣମୂଳକ ହେବ। ପାଣିପାଗର ଏହି ଅସ୍ବାଭାବିକ ପରିବର୍ତ୍ତନ କୃଷି, ଜଳ ସମ୍ପଦ ଏବଂ ଜନଜୀବନକୁ ବ୍ୟତିବ୍ୟସ୍ତ କରିଦେଇପାରେ। ଏଥିପାଇଁ ଏବେଠାରୁ ସତର୍କତାମୂଳକ ପଦକ୍ଷେପ ନେବା ଜରୁରୀ।