ସ୍ୱପ୍ନ ମରିଗଲା ଅଧା ବାଟରେ, ବାହାଘର ପୂର୍ବରୁ ଚାଲିଗଲା ଜୀବନ...
ଓଡ଼ିଆ ଗସିପ ବ୍ୟୁରୋ: ସମ୍ବଲପୁର ଜିଲ୍ଲା କୁଚିଣ୍ଡା ଗୋବିନ୍ଦପୁର ଥାନା କର୍ଲାଖମନ ନିକଟରେ ସୋମବାର ରାତି ୧୧ଟାରେ ଏକ ବୋଲେରୋ ଗଛରେ ପିଟି ହୋଇଯିବାରୁ ଜଳିଯାଇଛି । ଫଳରେ ଏଥିରେ ଥିବା ଜଣେ ବ୍ୟକ୍ତି ଜୀବନ୍ତ ଦଗ୍ଧ ହୋଇଯାଇଥିବା ବେଳେ ଅନ୍ୟ ୩ ଜଣ ଗୁରୁତର ଆହତ ହୋଇଛନ୍ତି ।
ଝାରଖଣ୍ଡ ରାଞ୍ଚି ସିମ୍ଡେଗାରୁ ରିଙ୍ଗ୍ ସେରିମନି ସାରି ସମ୍ବଲପୁର ଜିଲ୍ଲା କୁଚିଣ୍ଡା ଗଡ଼ପୋଷ ପରମାଣପୁରକୁ ଫେରୁଥିବା ଏହି ବୋଲେରୋଟି କର୍ଲାଖମନ ନିକଟ ବୁଲାଣିରେ ଦୁର୍ଘଟଣାର ଶିକାର ହୋଇଥିଲା । ଗାଡ଼ି ଚାଳକ ଭାରସାମ୍ୟ ହରାଇ ଏକ ଗଛକୁ ପିଟି ଦେବାରୁ ବୋଲେରୋଟି ଜଳିଯାଇଥିଲା ।
ଫଳରେ ଏଥିରେ ଥିବା ଜଣେ ବ୍ୟକ୍ତି ଜୀବନ୍ତ ଦଗ୍ଧ ହୋଇଯାଇଛନ୍ତି । ଅନ୍ୟ ୩ ଜଣଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯାଇ ରାଉରକେଲା ଆଇଜିଏଚ୍କୁ ପଠାଯାଇଛି । ଏହି ବୋଲେରୋ (ଓଡି୧୪ ଜେଡ୍ ୧୦୬୨)ରେ ୩ ଜଣ ଥିବା ବେଳେ ଗାଡିଚାଳକ ଫେରାର ହୋଇଯାଇଥିବା ପୁଲିସ୍ କହିଛି ।
ମୃତକ ଜଣକ ହେଲେ ପରମାଣପୁର ଗାଁର ସୁରେଶ ଲୁଗୁନ୍ । ଅନ୍ୟ ଗୁରତର ହେଲେ ସେହି ଗାଁର ସୁଲେ ଲୁଗୁନ୍, ନବୀନ ଲୁଗୁନ୍, ପ୍ରମୋଦ ଏକ୍କା ।
ଏକ ନିର୍ବନ୍ଧ ସାରି ଲୋକେ ଫେରୁଥିବା ବେଳେ ଏହି ଦୁର୍ଘଟଣା ଘଟିଛି । ମୃତକ ଯୁବକ ସୁରେଶ ଲୁଗୁନ ପୁରା ଜୀବନ୍ତ ଦଗ୍ଧ ହୋଇଯାଇଛନ୍ତି । ତାଙ୍କ ଘର ପିଣ୍ଡାପଥର ପଞ୍ଚାୟତ ପରମାମପୁର ଡେଟପଡ଼ାରେ ।
ଅନ୍ୟ ପକ୍ଷରେ ଡ୍ରାଇଭର ଫେରାର ହୋଇଥିବା କୁହାଯାଉଛି । ଖବର ପାଇ ଅଗ୍ନିଶମ ବିଭାଗ ଓ ପୋଲିସ ପହଞ୍ଚି ଉଦ୍ଧାର କରିଛି । ସୁଲୋ ଲୁଗୁନ, ନବୀନ ଲୁଗୁନ, ପ୍ରମୋଦ ଏକ୍କା ଗୁରୁତର ଅବସ୍ଥାରେ ରାଉରକେଲା ଆଇଜିଏଚକୁ ସ୍ଥାନାନ୍ତର ହୋଇଛନ୍ତି । ଆସନ୍ତାକାଲି ବାହାଘର ହୋଇଥାନ୍ତା । ତା ପୂର୍ବରୁ ଏହି ମର୍ମନ୍ତୁଦ ଦୁର୍ଘଟଣା ଘଟିଛି । ମୃତକ ସୁରେଶ ଲୁଗୁନଙ୍କ ଭଉଣୀଙ୍କ ବାହାଘର ଥିଲା ।
ସୂଚନାଯୋଗ୍ୟ, ପରମାଣପୁର ଗାଁର ଜନୈକା ବ୍ୟକ୍ତିଙ୍କ ପୁଅ ବାହାଘର ପାଇଁ ଏମାନେ ରାଞ୍ଚି ସିମଡେଗାକୁ ଏକ ରିଙ୍ଗ୍ ସେରିମନି କାର୍ଯ୍ୟରେ ଯାଇଥିଲେ । ସେଠାରେ ଝିଅକୁ ମୁଦି ପିନ୍ଧାଇ ପରିବାର ସଦସ୍ୟସହ ୪ଟି ଗାଡ଼ିରେ ଫେରୁଥିଲେ ।
ପୁଅ ସହିତ ପରିବାରର ଅନ୍ୟ ସଦସ୍ୟମାନେ ଥିବା ୨ଟି ଗାଡି ପୂର୍ବରୁ ଅତିକ୍ରମ କରିଯାଇଥିବା ବେଳେ ୩ୟ ଗାଡ଼ିରେ ଚାଳକ ସମେତ ୫ ଜଣ ସଦସ୍ୟ ଥିଲେ । ସେହି ଗାଡ଼ି ଦୁର୍ଘଟଣାଗ୍ରସ୍ତ ହୋଇ ଜଳିଯାଇଥିଲା । ପୁଲିସ୍ ଘଟଣାସ୍ଥଳରେ ପହଞ୍ଚି ଗୁରୁତରମାନଙ୍କୁ ଉଦ୍ଧାର କରି ଡାକ୍ତରଖାନା ପଠାଇ ଘଟଣାର ତଦନ୍ତ ଆରମ୍ଭ କରିଛି ।
