ବଡ ଖବର: ଭୁବନେଶ୍ୱର ରାଜ୍ୟପାଳଙ୍କ ରାଜଭବନରୁ ୩ ଚନ୍ଦନ ଗଛ ଚୋରି, ସୁରକ୍ଷାକୁ ନେଇ ଉଠିଲା ପ୍ରଶ୍ନ
Thu, 3 Nov 2022
ଓଡ଼ିଆ ଗସିପ ବ୍ୟୁରୋ: ପୁଣି ଅସୁରକ୍ଷିତ ରାଜଧାନୀ । କାରଣ ଏଠି ସାଧାରଣ ଲୋକଙ୍କ କଥା ତ ଛାଡ ନିଜେ ମହାମହିମ ରାଜ୍ୟପାଳଙ୍କ ବାସଭବନ ବି ସୁରକ୍ଷିତ ନାହିଁ । ଯେଉଁଠି ମାଳମାଳ ସୁରକ୍ଷା କର୍ମୀ 24 ଘଣ୍ଟା ପହରା ଦେଉଛନ୍ତି ।
ଆମେ ଏଠି କହିବାର ମାନେ ହେଉଛି ଯେ ଆଜି ରାଜ୍ୟପାଳଙ୍କ ବାସଭବନ ପରିସରରୁ ବହୁମୂଲ୍ୟ ଚନ୍ଦନ ଗଛ ଚୋରି ହୋଇଥିବା ସୂଚନା ମିଳିଛି ।
ଚନ୍ଦନ ଗଛ ଚୋରି ହେବା ନେଇ କ୍ୟାପିଟାଲ ଥାନାରେ ମାମଲା ରୁଜୁ ହୋଇଛି । କମିଶନରେଟ ପୋଲିସ ଘଟଣାର ତଦନ୍ତ କରୁଛି ।
କିଏ କେବେ ଓ କାହିଁକି ଏଭଳି ଅପରାଧ ଘଟାଇଲା ସେନେଇ ପୋଲିସ ତନାଘନା ଚଳାଇଛି । ଖୁବଶୀଘ୍ର ଅଭିଯୁକ୍ତକୁ ପୋଲିସ କାବୁ କରିବ ବୋଲି ସୂଚନା ଦେଇଛନ୍ତି ଭୁବନେଶ୍ୱର ଡିସିପି ।