.png)
ସୂର୍ଯ୍ୟଙ୍କ ଗୋଚର: ଆଜି ଦ୍ୱିପ୍ରହରରୁ ବଦଳିବ ଏହି ୪ ରାଶିଙ୍କ ଭାଗ୍ୟ, ମିଳିବ ପ୍ରଚୁର ଲାଭ
ଓଡ଼ିଆ ଗସିପ ବ୍ୟୁରୋ (ସ୍ୱତନ୍ତ୍ର ପ୍ରତିନିଧି, ଭୁବନେଶ୍ୱର): ଭାରତୀୟ ଜ୍ୟୋତିଷ ଶାସ୍ତ୍ର ଅନୁସାରେ ଆଜିଠାରୁ ଅର୍ଥାତ ମେ’ ୨୫ ତାରିଖରୁ ଆରମ୍ଭ ହେବାକୁ ଯାଉଛି ବର୍ଷର ସବୁଠାରୁ ଉତ୍ତପ୍ତ ୯ ଦିନ ‘ନୌତପା’। ସୂର୍ଯ୍ୟ ଦେବ ରୋହିଣୀ ନକ୍ଷତ୍ରରେ ପ୍ରବେଶ କରିବା ମାତ୍ରେ ହିଁ ନୌତପା ଆରମ୍ଭ ହୋଇଥାଏ। ଏହି ସମୟରେ ପ୍ରବଳ ଗ୍ରୀଷ୍ମ ପ୍ରବାହ ସାଙ୍ଗକୁ ଅସହ୍ୟ ଗୁଳୁଗୁଳି ଓ ଲୁ’ର ପ୍ରକୋପ ଜାରି ରହେ। ଆଜି (୨୫ ମେ) ଅପରାହ୍ନ ୩ଟା ୪୪ ମିନିଟ୍ରେ ସୂର୍ଯ୍ୟ ଦେବ କୃତ୍ତିକା ନକ୍ଷତ୍ର ଛାଡ଼ି ରୋହିଣୀ ନକ୍ଷତ୍ରରେ ଗୋଚର କରିବେ ଏବଂ ଆଗାମୀ ଜୁନ୍ ୨ ତାରିଖ ପର୍ଯ୍ୟନ୍ତ ଏହି ନୌତପା ଚାଲିବ। ତେବେ ସୂର୍ଯ୍ୟଙ୍କର ଏହି ନକ୍ଷତ୍ର ପରିବର୍ତ୍ତନ ଫଳରେ କିଛି ନିର୍ଦ୍ଦିଷ୍ଟ ରାଶିର ବ୍ୟକ୍ତିବିଶେଷଙ୍କ ପାଇଁ ଶୁଭ ସମୟ ଆରମ୍ଭ ହେବାକୁ ଯାଉଛି।
ଆସନ୍ତୁ ଜାଣିବା ଏହି ସୂର୍ଯ୍ୟ ଗୋଚର ଫଳରେ କେଉଁ କେଉଁ ରାଶି ଲାଭବାନ ହେବେ:
ମେଷ ରାଶି: ଯେଉଁମାନେ ଦୀର୍ଘ ଦିନ ଧରି ଅସୁସ୍ଥ ଥିଲେ, ସେମାନଙ୍କ ସ୍ୱାସ୍ଥ୍ୟରେ ଏବେ ଉନ୍ନତି ଦେଖାଦେବ। ନିଜର ପ୍ରିୟଜନ ବା ସ୍ପେଶାଲ୍ ଲୋକଙ୍କ ସହ ଭଲ ସମୟ ଅତିବାହିତ କରିବେ। ଯଦି ଆପଣ ନିବେଶ କରିବାକୁ ଚାହୁଁଛନ୍ତି, ତେବେ ଜମିବାଡ଼ି ସମ୍ପର୍କିତ କୌଣସି ଡିଲ୍ରୁ ବଡ଼ ଧରଣର ଆର୍ଥିକ ଲାଭ ମିଳିପାରେ।
ଅଧିକ ପଢ଼ନ୍ତୁ: ଭାଗ୍ୟ ଚମକାଇବାକୁ ଚାହୁଁଛନ୍ତି କି? ଜାଣନ୍ତୁ ଶନିଦେବଙ୍କ ଏହି ୫ଟି ଗୁପ୍ତ ଶିକ୍ଷା
ସିଂହ ରାଶି: ସମାଜର କୌଣସି ପ୍ରଭାବଶାଳୀ ବ୍ୟକ୍ତିଙ୍କ ମାର୍ଗଦର୍ଶନରେ ଆପଣ କାର୍ଯ୍ୟକ୍ଷେତ୍ରରେ ଉତ୍ତମ ପ୍ରଦର୍ଶନ କରିବେ। ଏହାଦ୍ୱାରା ସମାଜରେ ଆପଣଙ୍କର ଏକ ନୂଆ ପରିଚୟ ସୃଷ୍ଟି ହେବ। କୌଣସି ସଠିକ୍ ସ୍ଥାନରେ ପୁଞ୍ଜି ନିବେଶ କରିବା ଦ୍ୱାରା ଆପଣଙ୍କର ଚାଲିଥିବା ଆର୍ଥିକ ସମସ୍ୟା ଦୂର ହେବ।
ଧନୁ ରାଶି: ଯେଉଁମାନେ ନିଜ ଘରଠାରୁ ଦୂରରେ ରହୁଛନ୍ତି, ସେମାନଙ୍କର କୌଣସି ଜଣେ ବିଶେଷ ବ୍ୟକ୍ତିଙ୍କ ସହ ସାକ୍ଷାତ ହେବାର ସମ୍ଭାବନା ରହିଛି। ବହୁ ସମୟ ପରେ ଆପଣ ନିଜର କୌଣସି ଆପଣାର ଲୋକଙ୍କ ସହ ସୁଖଦ ସମୟ ବିତାଇବେ। ଏହା ସହିତ ଆର୍ଥିକ ଦୃଷ୍ଟିକୋଣରୁ ମଧ୍ୟ ଆପଣ ବେଶ୍ ସନ୍ତୁଷ୍ଟ ରହିବେ।
ମୀନ ରାଶି: ସ୍ୱାସ୍ଥ୍ୟଗତ ସମସ୍ୟା ଦେଇ ଗତି କରୁଥିବା ବ୍ୟକ୍ତିଙ୍କ ଶରୀରରେ ସୁଧାର ଆସିବ। ଆପଣ ପୂର୍ବ ଅପେକ୍ଷା ଅଧିକ ସକ୍ରିୟ (Active) ଅନୁଭବ କରିବେ ଏବଂ ପ୍ରତ୍ୟେକ କାର୍ଯ୍ୟକୁ ସଠିକ୍ ସମୟରେ ଶେଷ କରିବାକୁ ଚେଷ୍ଟା କରିବେ। ଏହାଛଡ଼ା ଋଣ ବା ସୁଧ ଭାରରୁ ଆପଣଙ୍କୁ ମୁକ୍ତି ମିଳିପାରେ।
ସୂଚନାଯୋଗ୍ୟ ଯେ, ସୂର୍ଯ୍ୟ ଦେବ ଜୁନ୍ ୮ ତାରିଖ ଅପରାହ୍ନ ୧ଟା ୩୯ ମିନିଟ୍ ପର୍ଯ୍ୟନ୍ତ ରୋହିଣୀ ନକ୍ଷତ୍ରରେ ଅବସ୍ଥାନ କରିବେ, ଯାହାଫଳରେ ଏହି ରାଶିଗୁଡ଼ିକ ପାଇଁ ଆଗାମୀ ଦିନ ବେଶ୍ ଅନୁକୂଳ ରହିବ।
