ମୋଗଲ ରାଜବଂଶର ରହିବନି ଚିହ୍ନବର୍ଣ୍ଣ; ତାଜମହଲ ପାଖରେ ଥିବା ଏହି ମ୍ୟୁଜିୟମର ନା ବଦଳାଯିବ, ଏମିତି ଉତ୍ତର ଦେଲେ ୟୁପି ମୁଖ୍ୟମନ୍ତ୍ରୀ

ଓଡ଼ିଆ ଗସିପ୍ ବ୍ୟୁରୋ: ଉତ୍ତରପ୍ରଦେଶରେ ଗୋଲାମୀ ମାନସିକତାର କୌଣସି ଚିହ୍ନ ରଖାଯିବନାହିଁ । ଏଭଳି ଟିପ୍ପଣୀ ସହ ଏକ ବଡ଼ ଘୋଷଣା କରିଛନ୍ତି ଉତ୍ତର ପ୍ରଦେଶ ମୁଖ୍ଯମନ୍ତ୍ରୀ ଯୋଗୀ ଆଦିତ୍ୟନାଥ । ସେ ଘୋଷଣା କରିଛନ୍ତି ଯେ, ଆଗ୍ରା ସହରରେ ଥିବା ମୋଗଲ ମ୍ଯୁଜିୟମର ନାଁ ପରିବର୍ତ୍ତନ ହେବ । ତାଜମହଲ ନିକଟରେ ଥିବା ମୋଗଲ ମ୍ୟୁଜିୟମର ନାଁ ପରିବର୍ତ୍ତନ ହୋଇ ଛତ୍ରପତି ଶିବାଜୀ ମହାରାଜ ରଖାଯିବ । ଏନେଇ ସେ ଟ୍ୱିଟ୍ କରି ସୂଚନା ଦେଇଛନ୍ତି ।

आगरा में निर्माणाधीन म्यूजियम को छत्रपति शिवाजी महाराज के नाम से जाना जाएगा।

आपके नए उत्तर प्रदेश में गुलामी की मानसिकता के प्रतीक चिन्हों का कोई स्थान नहीं।

हम सबके नायक शिवाजी महाराज हैं।

जय हिन्द, जय भारत।

— Yogi Adityanath (@myogiadityanath) September 14, 2020

୨୦୧୫ରେ ତତ୍କାଳୀନ ସମାଜବାଦୀ ପାର୍ଟି ସରକାର ଅଧୀନରେ ଏହି ପ୍ରକଳ୍ପକୁ ମଂଜୁରି ମିଳିଥିଲା । ମୋଗଲ ସାମ୍ରାଜ୍ୟ ଇତିହାସ, ସଂସ୍କୃତି, ବେଶଭୂଷା ସଂପର୍କିତ ତଥ୍ୟ ଦର୍ଶକ ପାଇପାରିବେ । ଏହି ମ୍ଯୁଜିୟମର କାମ ଚାଲିଥିବାବେଳେ ଖୁବ୍ ଶୀଘ୍ର ଏହାର ନବୀକରଣ ରୂପ ଦେଖିବାକୁ ମିଳିବ ।

ଏହା ପ୍ରଥମ ଥର ନୁହେଁ ଯେ, ଉତ୍ତର ପ୍ରଦେଶରେ କୌଣସି ଅନୁଷ୍ଠାନ, ସଂସ୍ଥା କିମ୍ବା କିର୍ତ୍ତୀରାଜିର ନାମ ପରିବର୍ତ୍ତନ ହୋଇଛି । ଯୋଗୀ ସରକାର ଅନେକ ସହର ଓ ରେଳ ଷ୍ଟେସନ, ସଂସ୍ଥା ଓ ସଂଗଠନର ନାମ ପରିବର୍ତ୍ତନ କରିସାରିଛନ୍ତି ।