କରୋନା ଟିକା ନେଇ କୋଟିପତି ହେଲେ ଏହି ବ୍ୟକ୍ତି; ପଢନ୍ତୁ ପୁରା ଖବର

Vaccination

ଓଡ଼ିଆ ଗସିପ୍ ବ୍ୟୁରୋ: ଆମେରିକାର ଟେକ୍ସାସରେ ଏଭଳି ଏକ ମାମଲା ସାମ୍ନାକୁ ଆସିଛି, ଯାହାକୁ ଜାଣିବା ପରେ ଆପଣ ଆଶ୍ଚର୍ଯ୍ୟ ଚକିତ ହୋଇଯିବେ। ଆର୍କାସସରେ ଚାଲିଥିବା କୋଭିଡ ଟିକାକରଣ କାର୍ଯ୍ୟକ୍ରମରେ ଜଣେ ବ୍ୟକ୍ତି ମାଗଣା ସ୍କ୍ରାଚ୍ ଲଟେରୀ ଟିକଟ ପାଇଥିଲେ। ସେହି ବ୍ୟକ୍ତିଙ୍କ ଭାଗ୍ୟ ଏତେ ଭଲ ଥିଲା ଯେ ସେ ଲଟେରୀ ଟିକଟରୁ ଏକ ମିଲିୟନ୍ ଡଲାର୍ (ପ୍ରାୟ 7.4 କୋଟି ଟଙ୍କା)ର ଜ୍ୟାକପଟ୍ ପାଇଥିଲେ।

UPI.com ଅନୁଯାୟୀ, ଆର୍ଲିଙ୍ଗଟନ୍‌ର ଗ୍ୟାରି ସ୍ମିଥ, Arkansas Scholarship Lottery ଅଧିକାରୀଙ୍କୁ କହିଛନ୍ତି ଯେ, ସେ ଗତ ସପ୍ତାହରେ ସ୍ଥାନୀୟ ସ୍ୱାସ୍ଥ୍ୟ ବିଭାଗ କାର୍ଯ୍ୟାଳୟରେ କୋଭିଡ ଟିକା ନେଇଥିଲେ। ସେଠାରେ ଟିକାକରଣକୁ ଉତ୍ସାହିତ କରିବା ପାଇଁ ଆରକାନାସ୍ ଗେମ୍ ଆଣ୍ଡ ଫିସ୍ କମିଶନଙ୍କ ଦ୍ୱାରା ୨୦ ଡଲାର ସ୍କ୍ରାଚ୍ ଅଫ୍ ମାଗଣା ଲଟେରୀ ଟିକଟ୍ ଦିଆଯାଉଥିଲା।

ଏହି କାରଣରୁ, ଗ୍ୟାରି କୋଭିଡର ଦ୍ୱିତୀୟ ଡୋଜ ନେଇଥିଲେ। ଯେତେବେଳେ ସ୍ମିଥ୍ ଲଟେରୀ ଟିକେଟ୍ ସ୍କ୍ରାଚ୍ କରି ଦେଖିଲେ, ସେ ଏକ ମିଲିୟନ୍ ଡଲାରର ଲଟେରୀ ଜିତିଛନ୍ତି। ଆଉ ସେତେବେଳେ ସେ ଏହାକୁ ବିଶ୍ୱାସ କରିପାରିଲେ ନାହିଁ।

ସ୍ମିଥ ଆହୁରି କହିଛନ୍ତି, 'ମୁଁ ପ୍ରଥମେ ବିଶ୍ୱାସ କରି ନାହିଁ ଏବଂ ପରେ ଅନୁଭବ କଲି ଯେ ଏହା ଏକ ମିଥ୍ୟା ଅଟେ।' ଲଟେରୀ ଜିତିବା ପରେ ତାଙ୍କ ପରିବାର ସଦସ୍ୟ ମଧ୍ୟ ତାଙ୍କୁ ବିଶ୍ୱାସ କରିପାରିନଥିଲେ। ସେ କହିଥିଲେ ଯେ, ମୋର ଜେଜେ ହେଉଛନ୍ତି ପ୍ରଥମ ବ୍ୟକ୍ତି ଯାହାଙ୍କୁ ମୁଁ ମୋର ବିଜୟ ବିଷୟରେ କହିଥିଲି। ଆମେ ଦୁହେଁ ସଂପୂର୍ଣ୍ଣ ଚକିତ ହୋଇଗଲୁ। ସେ ତୁରନ୍ତ ଅନ୍ୟ ଟିକଟ ନେବାକୁ କହିଲେ।

Share this story

World Odia Language Conferene