ବର୍ଷ ବର୍ଷ ଧରି ପ୍ରେମିକ ସହ ରହୁଥିଲେ ମହିଳା, ହଠାତ୍ ରୋଷେଇ ଘରୁ ବିଲେଇ ଆବିଷ୍କାର କଳା ଭୟଙ୍କର ଜିନିଷ

ଓଡ଼ିଆ ଗସିପ ବ୍ୟୁରୋ: ବେଳେବେଳେ ହଠାତ୍ ଏପରି କିଛି ଜିନିଷ ସାମ୍ନାକୁ ଆସିଯାଏ ଯେ, ଯାହା କେହି କେବେ କଳ୍ପନା ମଧ୍ୟ କରିନଥିବେ । ସେମିତି ଏକ ଅଜବ ଘଟଣାର ଭିଡ଼ିଓ ଜଣେ ମହିଳା ସୋସିଆଲ ମିଡିଆ ପ୍ଲାଟଫର୍ମ ଟିକଟକରେ ସେୟାର କରିଛନ୍ତି । ମହିଳା ଜଣଙ୍କ ତାଙ୍କ ଘରର ଏକ ଅଭୁତ ଭିଡିଓ ସେୟାର କରିଛନ୍ତି ।

ଏହି ମହିଳା ବହୁ ବର୍ଷ ଧରି ସେହି ଘରେ ତାଙ୍କ ପ୍ରେମିକଙ୍କ ସହ ରହୁଥିଲେ । ଏହା ସତ୍ତ୍ଵେ ସେ ଘରର ଏହି ଅଂଶ ବିଷୟରେ ଅବଗତ ନଥିଲେ । ଏହି ଭିଡିଓ ଟିକଟକରେ @ anxiousweenie69 ନାମକ ଏକ ଆକାଉଣ୍ଟରେ ଭାଇରାଲ ହୋଇଥିଲା । ତେବେ ଆମ ଦେଶରେ ଟିକଟକ ଉପରେ ନିଷେଧାଦେଶ ହେତୁ ଲୋକମାନେ କେବଳ ଏହି ଭିଡିଓର ସ୍କ୍ରିନସଟ ଦେଖି ଆଶ୍ଚର୍ଯ୍ୟ ହୋଇଛନ୍ତି ।

ମହିଳା ଜଣକ ପୁରା ଘଟଣା ଲୋକଙ୍କ ସହ ବାଣ୍ଟିଥିଲେ । କିଛି ଦିନ ଆଗରୁ ମହିଳା ନିଜ ପ୍ରେମିକଙ୍କ ସହିତ ମିଶି ଏକ ବିଲେଇ କିଣିଥିଲେ । ହଠାତ୍ ସେହି ବିଲେଇଟି କୌଣସି ଏକ ସ୍ଥାନରେ ଲୁଚି ରହିଲା । ଦୁହେଁ ମିଶି ବିଲେଇକୁ ଖୋଜିବା ଆରମ୍ଭ କଲେ । ସବୁଆଡେ ଦେଖିବା ପରେ ମଧ୍ୟ ସେ ବିଲେଇକୁ ପାଇନଥିଲେ । କିନ୍ତୁ ଏହା ପରେ ସେ ରୋଷେଇ ଘରେ ବିଲେଇକୁ ଦେଖିଲେ କିନ୍ତୁ ସେହି ସମୟରେ ସେମାନେ ରୋଷେଇ ଘର ଆଲମିରା ପଛରେ ଆଉ ଏକ ଦୁନିଆ ଦେଖିବାକୁ ପାଇଲେ ।

ସେଠାରେ ଏପରି ଏକ ଛିଦ୍ର ଥିଲା ଯାହା ପୂର୍ବରୁ ଦମ୍ପତି ଦେଖିନଥିଲେ । ଯେତେବେଳେ ଏହି ଦମ୍ପତି ସେହି ଛିଦ୍ର ପଛରେ ହାତ ରଖିଲେ, ସେଠାରୁ ସେମାନେ କିଛି ପେଣ୍ଟିଂ ପାଇଥିଲେ । ସେଗୁଡିକ ଅତ୍ୟନ୍ତ ଅଦ୍ଭୁତ ଥିଲା । ଏହି ଦୁଇଜଣଙ୍କ ମଧ୍ୟରୁ କେହି ମଧ୍ୟ ସେହି ପେଣ୍ଟିଂକୁ ଦେଖି ବୁଝି ପାରିନଥିଲେ ।

ତେବେ ଯେତେବେଳେ ଦମ୍ପତି ଭିଡିଓ ସେୟାର କରିଥିଲେ, ଲୋକମାନେ ଚିତ୍ର ଦେଖି ଆଶ୍ଚର୍ଯ୍ୟ ହୋଇଗଲେ । ଅନେକ ଲୋକ କହିଛନ୍ତି ଯେ ସେମାନେ ଯଥାଶୀଘ୍ର ସେହି ଘର ଛାଡ଼ି ଦେବା ଉଚିତ୍ । ଲୋକମାନେ ଏହି ପେଣ୍ଟିଂଙ୍କୁ କଳା ଯାଦୁ ସହିତ ମଧ୍ୟ ଯୋଡି ଛନ୍ତି । ଭିଡିଓରେ ମହିଳା ଜଣକ କହିଛନ୍ତି ଯେ ବିଲେଇ ଥିବା କାରଣରୁ ତାଙ୍କୁ ବର୍ଷ ବର୍ଷ ଧରି ଘରେ ଲୁଚି ରହିଥିବା ଏହି ରହସ୍ୟ ଦେଖିବାକୁ ମିଳିଥିଲା । ଗର୍ତ୍ତଟି ବହୁତ ଛୋଟ ଥିଲା, ପ୍ରଥମେ ଦୁହେଁ ଏହା ଭିତରେ ହାତ ରଖିବାକୁ ଡରୁଥିଲେ, କିନ୍ତୁ ଯେତେବେଳେ ସେମାନେ ହାତ ରଖିଲେ, ସେହି ସବୁ ପେଣ୍ଟିଂ ଭିତରୁ ବାହାରି ଆସିଲା ।