ନାବାଳିକାକୁ ୧୩ଜଣ ଦୁଷ୍କର୍ମ କଲେ, ପରେ ମନ ନମାନିବାରୁ ନାବାଳିକାଙ୍କ ଦେହସାରା ଜୋର ଜବରଦସ୍ତ ଟାଟୁ କଲେ ଦୁର୍ବୁତ୍ତ
Sep 3, 2018, 02:03 IST


ମରୋକ୍କୋ: ସତରେ ମଣିଷ ଭିତରେ ହଜିଯାଇଛି ମାନବିକତା । ଦିନକୁ ଦିନ ମଣିଷ ଦାନବ ପାଲଟି ଯାଉଛି । ଯାହାର ଏକ ଜ୍ୱଳନ୍ତା ଉଦ୍ଦାହରଣ ମରୋକ୍କୋ ସହରରେ ଦେଖିବାକୁ ମିଳିଛି । ମନର ଲାଳସାକୁ ମେଣ୍ଟେଇବାକୁ ଯାଇ ଜଣେ ୧୭ ବର୍ଷୀୟା ନାବାଳିକାକୁ ୧୩ଜଣ ଦୁର୍ବୁତ୍ତ ଦୁଷ୍କର୍ମ କରିଥିବା ଅଭିଯୋଗ ହୋଇଛି । ଖାଲି ଏତିକି ନୁହେଁ ଏସବୁ କାଣ୍ଡ ଭିଆଇ ଦୁର୍ବୁତ୍ତମାନେ ପୁରା ଘଟଣାକୁ ଫଟୋ ସୁଟ୍ କରି ସୋସିଆଲ ମିଡ଼ିଆରେ ଭାଇରାଲ କରିଛନ୍ତି । କହିବାକୁ ଗଲେ ପୁରାପୁରୀ ଜନ୍ତୁ ପାଲଟି ଯାଇଛନ୍ତି ଏହି ବଦମାସମାନେ ।

ପୁରା ଘଟଣା ଜାଣିଲେ ହୁଏତ ଆପଣଙ୍କ ଲୋମ ଟାଙ୍କୁରୀ ପଡ଼ିବ । ଦୁଷ୍କର୍ମ କଥା ତ ଛାଡ଼ ଦୁର୍ବୁତ୍ତଙ୍କ ଏତିକିରେ ମନ ମାନିଲାନି ଯେ ନାବାଳିକା ଜଣଙ୍କୁ ଜୋର ଜବରଦସ୍ତ କରି ଦେହ ସାରା ଟାଟୁ କରିଥିଲେ । ଏହି ଖବର ଚାରିଆଡ଼େ ଭାଇରାଲ ହେବା ପରେ ବିଶ୍ୱବ୍ୟାପୀ ବ୍ୟାକୁଳତା ଦେଖାଦେଇଛି ।
ସୂଚନା ଅନୁଯାୟୀ, ଜଣେ ୧୭ବର୍ଷର ଝିଅକୁ କିଛି ଦୁର୍ବୁତ୍ତ ଦୁଇ ମାସ ତଳେ ଅପହରଣ କରି ନେଇଥିଲେ । ନାବାଳିକାକୁ ଏକ ଅଜ୍ଞାତ ସ୍ଥାନରେ ରଖି ସେମାନେ ତାକୁ ଅକଥନୀୟ ନିର୍ଯାତନା ଦେବା ସହ ବାରମ୍ବାର ଦୁଷ୍କର୍ମ କରିଥିଲେ ।

ଏତିକିରେ ନାବାଳିକା ପ୍ରତି ଦିଆଯାଉଥିବା ନିର୍ଯାତନା କମି ନଥିଲା । ଦୁର୍ବୁତ୍ତମାନେ ନାବାଳିକା ଦେହ ସାରା ସିଗାରେଟ ଚେଙ୍କ ଦେଇ ତା’ ଦେହ ସାରା ଜବରଦସ୍ତ ଟାଟୁ ଆଙ୍କି ଥିଲେ । ଝିଅଟିର ହାତ, ବେକ ଓ ପୁରା ଶରୀରରେ ସ୍ୱସ୍ତିକ ଚିହ୍ନ ସହ ଗ୍ରାଫିଟି ଚିତ୍ର ଆଙ୍କି ଥିଲେ ଦୁର୍ବୁତ୍ତ । ପୁରା ଘଟଣାର ଫଟୋ ଭାଇରାଲ ହେବା ପରେ ବିଶ୍ୱବ୍ୟାପୀ ଲୋକେ ସ୍ୱର ଉଠାଇଛନ୍ତି । ଝିଅଟିକୁ ନ୍ୟାୟ ଯୋଗାଇବା ପାଇଁ ଆରମ୍ଭ ହୋଇଛି ଆନ୍ଦୋଳନ ।

ପିଡ଼ୀତାଙ୍କର ତୁରନ୍ତ ସ୍ୱାସ୍ଥ୍ୟ ପରୀକ୍ଷା କରିବା ସହ ତାଙ୍କର ମାନସିକ ଅବସ୍ଥା ପରଖିବା ପାଇଁ ଲୋକେ ଦାବି କରିଛନ୍ତି । ପାଖାପାଖି ୧୨ହଜାରରୁ ଅଧିକ ଲୋକେ ଏକ ପିଟିସନ୍ ରାଜା ମହମ୍ମଦଙ୍କ ନିକଟରେ ଦାଖଲ କରିଛନ୍ତି । ପ୍ରତ୍ୟେକ ଦିନ ନାବାଳିକାଙ୍କ ସହ ଗଣଦୁଷ୍କର୍ମ କରାଯାଉଥିବା ସେ ସ୍ଥାନୀୟ ଗଣମାଧ୍ୟମକୁ ଜଣାଇଛନ୍ତି । ଉକ୍ତ ଘଟଣାରେ ମୋଟ ୩ଜଣ ଅଭିଯୁକ୍ତଙ୍କୁ ପୁଲିସ ଗିରଫ କରିବାରେ ସଫଳ ହୋଇଥିବା ସୂଚନା ମିଲିଛି ।
