ସମଗ୍ର ଭାରତରେ 18 ଟି ଅମ୍ଳଜାନ କାରଖାନା ସ୍ଥାପନ କରିବାକୁ ଯାଉଛନ୍ତି ସୋନୁ ସୁଦ, ଗୋଟିଏ ଲକ୍ଷ 'ଅମ୍ଳଜାନ ସମସ୍ୟାକୁ ମୂଳରୁ ହଟାଇବା'

actor sonu sood to install oxygen plant

ଓଡ଼ିଆ ଗସିପ ବ୍ୟୁରୋ: କେତେବେଳେ ଲକଡାଉନ ରେ ଫସିଥିବା ଲୋକଙ୍କୁ ଦେବଦୂତ ସାଜି ସେମାନଙ୍କୁ ମୁକାଳିଛନ୍ତି ତ କେତେବେଳେ ସହ ସହ ଲୋକଙ୍କୁ କରୋନା ଦାଉ ରୁ ବଞ୍ଚେଇଛନ୍ତି । ସେ ମେଡ଼ିସିନ ହଉ କି ଅମ୍ଳଜାନ ସିଲିଣ୍ଡର ଯୋଗାଇବା । ବହୁ ଲୋକଙ୍କ ବ୍ୟକ୍ତିଗତ ସମସ୍ୟାରେ ମଧ୍ୟ ସେ ସହାୟତା ର ହାତ ବଢାଇବାକୁ ପଛେଇନାହାନ୍ତି ।

ତାଙ୍କର ଏହି ମହତ କାର୍ଯ୍ୟ ପାଇଁ ସାରା ଦେଶବାସୀ ତାଙ୍କୁ ଭଗବାନ ତୁଲ୍ୟ ମଣିଷ ବୋଲି ମାନିଛନ୍ତି । ଏତେ ସବୁ କାମ କଲା ପରେ ମଧ୍ୟ ଦେଶରେ କରୋନା ରୋଗୀ ଙ୍କୁ ଅମ୍ଳଜାନ ଅଭାବ ସମସ୍ୟା ଦୂର କରିବା ପାଇଁ ବଲିଉଡ ଅଭିନେତା ସୋନୁ ସୁଦ ଏବେ ଭାରତର ବିଭିନ୍ନ ରାଜ୍ୟରେ 18 ଟି ଅମ୍ଳଜାନ କାରଖାନା ପ୍ରତିଷ୍ଠା କରିବାକୁ ପ୍ରତିଶୃତି ଦେଇଛନ୍ତି ।

47 ବର୍ଷୀୟ ଅଭିନେତା ସୋନୁ ସୁଦ ପ୍ରଥମ ଫେଜ ରେ ଆନ୍ଧ୍ରପ୍ରଦେଶର କୁର୍ନୁଲ ଏବଂ ନେଲୋର ଏବଂ କର୍ଣ୍ଣାଟକର ମାଙ୍ଗାଲୋରରୁ ଏହି ଉତ୍ତମ କାର୍ଯ୍ୟ ଆରମ୍ଭ କରୁଛନ୍ତି ।

ସେ ଖୁବ ଶୀଘ୍ର ତାମିଲନାଡୁ, କର୍ଣ୍ଣାଟକ, ପଞ୍ଜାବ, ଉତ୍ତରପ୍ରଦେଶ, ତେଲେଙ୍ଗାନା, ମହାରାଷ୍ଟ୍ର, ରାଜସ୍ଥାନ, ଉତ୍ତରପ୍ରଦେଶ, ବିହାର, ମଧ୍ୟପ୍ରଦେଶ ଏବଂ ଅନ୍ୟାନ୍ୟ ରାଜ୍ୟରେ ଅନ୍ୟ ଅମ୍ଳଜାନ କାରଖାନା ସ୍ଥାପନ କରିବେ ବୋଲି ପ୍ରତିଶୃତି ଦେଇଛନ୍ତି । ଏହି 18 ଅମ୍ଳଜାନ ପ୍ଲାଣ୍ଟ ପ୍ରାୟ 5,500 ଶଯ୍ୟା ପୂରଣ କରିବେ ।

ଏହି ପଦକ୍ଷେପ ବିଷୟରେ ସୋନୁ କହିଛନ୍ତି, "ଗତ କିଛି ମାସ ମଧ୍ୟରେ ଆମେ ଦେଖିଛୁ ଯେ ଏହି ମହାମାରୀ କରୋନା ବେଳେ ସବୁଠୁ ବଡ ସମସ୍ୟା ହେଉଛି ଅମ୍ଳଜାନ ଯାହା ସହଜରେ ମିଳୁ ନାହିଁ । ଏହି ଅମ୍ଳଜାନ ସମସ୍ୟାକୁ ଦୂର କରିବା ପାଇଁ ଆମେ କିପରି ନିଜ ଦେଶରେ ତିଆରି କରିହେବ ତାହାକୁ ନେଇ ଚିନ୍ତା ପ୍ରକଟ କରିଛୁ । ତେଣୁ, ଆମେ ସ୍ଥିର କଲୁ ଯେ ଯଥାସମ୍ଭବ ସମ୍ପୂର୍ଣ୍ଣ ଅମ୍ଳଜାନ ପ୍ଲାଣ୍ଟ ସ୍ଥାପନ କରିବା ଉଚିତ୍ ।

ସୋନୁ ଆହୁରି ମଧ୍ୟ କହିଛନ୍ତି, "ଏହି ଅମ୍ଳଜାନ ପ୍ଲାଣ୍ଟଗୁଡିକ ଅଧିକାଂଶ ଡାକ୍ତରଖାନାରେ ସ୍ଥାପିତ ହେବ ଯେଉଁଠାରେ ଗରିବ ଲୋକଙ୍କୁ ମାଗଣା ଚିକିତ୍ସା ଦିଆଯାଉଛି । ଏହି ଅମ୍ଳଜାନ କାରଖାନା ସ୍ଥାପନ ହେବା ଦ୍ୱାରା ଆମର ଲକ୍ଷ୍ୟ ହେଉଛି ଯେ ଦେଶରେ କୌଣସି ବ୍ୟକ୍ତି ଯେପରି ମୃତ୍ୟୁ ମୁହଁରେ ନ ପଡୁ । ଆସନ୍ତୁ ସମସ୍ତେ ଏକାଠି ହେବା ଏବଂ ଏହି ଚେଷ୍ଟା ସମୟରେ ଅଭାବୀ ଲୋକଙ୍କୁ ସାହାଯ୍ୟ କରିବା ।"

Share this story

World Odia Language Conferene