ପୋପ୍ ଫ୍ରାନ୍ସିସ୍ଙ୍କ ଚାଞ୍ଚଲ୍ୟକର ବୟାନ, କହିଲେ ନନ୍, ଫାଦର ବି ଦେଖନ୍ତି ପର୍ଣ୍ଣ ଫିଲ୍ମ, ତା'ପରେ ଯାହା କହିଲେ ଆପଣ ଆଚମ୍ବିତ ହେବେ...
ଓଡ଼ିଆ ଗସିପ ବ୍ୟୁରୋ: ଖ୍ରୀଷ୍ଟ ସଂପ୍ରଦାୟର ସର୍ବୋଚ୍ଚ ଧର୍ମଗୁରୁ ପୋପ ଫ୍ରାନ୍ସିସ୍ଙ୍କ ଗୋଟିଏ ବୟାନ ସାରା ବିଶ୍ବରେ ଚାଞ୍ଚଲ୍ୟ ସୃଷ୍ଟି କରିଛି । ଖ୍ରୀଷ୍ଟ ଧର୍ମ ଏବଂ ସେବାରେ ନିୟୋଜିତ ରହିଥିବା ନନ୍ ଏବଂ ଫାଦରଙ୍କ ସମ୍ପର୍କରେ ସେ ଯେଉଁ ବୟାନ ଜାରି କରିଛନ୍ତି ତାହା ଅନେକଙ୍କ ପାଇଁ ମଧ୍ୟ ଅବିଶ୍ବସନୀୟ ହୋଇପଡ଼ିଛି ।
ହେଲେ ସେମାନଙ୍କ ସମ୍ପର୍କରେ ଏକ ନିରାଟ ସତ୍ୟକୁ ପଦାରେ ପକାଇଛନ୍ତି ପୋପ୍ ଫ୍ରାନ୍ସିସ୍ । ଅନେକ ନନ୍ ଏବଂ ଫାଦର ପର୍ଣ୍ଣ (ନଗ୍ନ) ଚଳଚିତ୍ର ଦେଖିବାରୁ ବର୍ତ୍ତିପାରି ନାହାନ୍ତି ବୋଲି ସେ ସ୍ୱୀକାର କରିଛନ୍ତି । ପର୍ଣ୍ଣୋଗ୍ରାଫିର ପ୍ରଭାବ ଏତେ ଅଧିକ ହୋଇଛି ଯେ ବଡ଼ ସଂଖ୍ୟାରେ ଫାଦର ଏବଂ ନନ୍ ମଧ୍ୟ ଏହାକୁ ଦେଖୁଛନ୍ତି ।
ବିବିସିର ଏକ ରିପୋର୍ଟରେ ଏହାର ଖୁଲାସା କରାଯାଇଛି । ଡିଜିଟାଲ ଏବଂ ସୋସିଆଲ ମିଡିଆର ସର୍ବୋତ୍ତମ ବ୍ୟବହାର ଉପରେ ଭାଟିକାନ ସିଟିରେ ଆୟୋଜିତ ଏକ କାର୍ଯ୍ୟକ୍ରମରେ ବିବିସିର ପ୍ରଶ୍ନରେ ୮୬ ବର୍ଷୀୟ ପୋପ ଫ୍ରାନ୍ସିସ ସ୍ୱୀକାର କରିଛନ୍ତି ଯେ, ଏବେ ସୋସିଆଲ ମିଡିଆରେ ପୋର୍ଣ୍ଣୋଗ୍ରାଫିର ପ୍ରଭାବ ଅଧିକ ରହିଛି । କିନ୍ତୁ ଫାଦର ଏବଂ ନନ୍ ମଧ୍ୟ ଏହାର ଫାଶରେ ପଡିଛନ୍ତି ।
ଅନେକ ନନ୍ ମଧ୍ୟ ପର୍ଣ୍ଣ ଦେଖନ୍ତି । କିନ୍ତୁ ଏଭଳି ମାନସିକତା ଖୀଷ୍ଟ୍ର ଧର୍ମାଚରଣର ବିପରୀତ । ତେଣୁ ଧାର୍ମିକ କ୍ଷେତ୍ର ସହ ଜଡିତ ରହିଥିବା ବ୍ୟକ୍ତି ବିଶେଷ ଏହା ଠାରୁ ଦୂରେଇବା ଉଚିତ ବୋଲି ସେ ଚେତାବନୀ ଦେଇ କହିଛନ୍ତି ।
ଏହି ସମୟରେ ଉପସ୍ଥିତ ଫାଦର ଏବଂ ଧର୍ମ କ୍ଷେତ୍ର ସହ ଜଡିତ ଅନ୍ୟମାନଙ୍କୁ କହିଛନ୍ତି, ‘ପର୍ଣ୍ଣୋଗ୍ରାଫି ଏକ ରୋଗ ଯାହାକି ଫାଦର ଏବଂ ନନମାନଙ୍କୁ ନିଜ ଜାଲରେ ଫଶାଇ ସାରିଛି । ଏହି ମାଧ୍ୟମ ଦେଇ ଆମ ଶରୀରକୁ ସୈତାନ ପ୍ରବେଶ କରୁଛନ୍ତି।
ସୋସିଆଲ ଏବଂ ଡିଜିଟାଲ ମିଡିଆକୁ ନେଇ ପୋପ କହିଛନ୍ତି ଯେ, ଅତ୍ୟାଧୁନିକ ଯୁଗର ଏହିସବୁ ପ୍ଲାଟଫର୍ମକୁ ଯେତେ କମ୍ ସମ୍ଭବ ବ୍ୟବହାର କରିବା ଉଚିତ । ଯଦି ଏଥିରେ ସମୟ ବିତାଇବାକୁ ଚାହାନ୍ତି ତେବେ କମରୁ କମ ସମୟ ବିତାନ୍ତୁ ।
ଯେଉଁମାନେ ସାରା ଦିନ ଯୀଶୁଙ୍କ ଶରଣରେ ଥିବା କଥା କୁହନ୍ତି ସେମାନେ ଏଭଳି କାର୍ଯ୍ୟ କରିପାରିବେ ନାହିଁ । ଆବଶ୍ୟକ ପଡ଼ିଲେ ଫୋନରୁ ଏହିସବୁ ଜିନିଷ ବାହାର କରିବାକୁ ପଡ଼ିବ ବୋଲି ଫ୍ରାନ୍ସିସ କହିଛନ୍ତି । ପର୍ଣ୍ଣୋଗ୍ରାଫି ଦେଖିବା ଖ୍ରୀଷ୍ଟ ଧର୍ମର ସମ୍ପୂର୍ଣ୍ଣ ବିରୋଧୀ ।
ଉଲ୍ଲେଖଯୋଗ୍ୟ ଯେ, ବର୍ତ୍ତମାନ ବିଶ୍ବର ବିଭିନ୍ନ ସ୍ଥାନରେ ଫାଦର ଏବଂ ନନଙ୍କ ବିରୋଧରେ ଯୌନ ନିର୍ଯାତନା ଅଭିଯୋଗ ସଂଖ୍ୟା ବଢିବାରେ ଲାଗିଛି । ପର୍ଣ୍ଣୋଗ୍ରାଫି ଏହାର ମୁଖ୍ୟ କାରଣ ବୋଲି କୁହାଯାଉଛି ।