ଗେମିଂ ଜୋନରେ ଭୀଷଣ ଅଗ୍ନିକାଣ୍ଡ, ୨୪ ଛୁଇଁଲା ମୃତ୍ୟୁ ସଂଖ୍ୟା, ବଢ଼ିପାରେ ମୃତ୍ୟୁ ସଂଖ୍ୟା
ଓଡ଼ିଆ ଗସିପ୍ ବ୍ୟୁରୋ: ଶନିବାର ସନ୍ଧ୍ୟାରେ ଗୁଜୁରାଟର ରାଜକୋଟର ଗେମିଂ ଜୋନରେ ଅଗ୍ନିକାଣ୍ଡ ଘଟି ୨୪ ଜଣଙ୍କର ମୃତ୍ୟୁ ଘଟିଛି। ଅଗ୍ନିକାଣ୍ଡର କାରଣ କ’ଣ ତାହା ତଦନ୍ତ କରୁଛି ପୋଲିସ। ଏହା ସହିତ ସହରର ସମସ୍ତ ଗେମିଂ ଜୋନ୍ ବନ୍ଦ କରିବାକୁ ଏକ ବାର୍ତ୍ତା ଜାରି କରାଯାଇଛି ବୋଲି ପୋଲିସ କହିଛନ୍ତି।
ଏହି ଦୁର୍ଘଟଣାରେ ୨୪ ରୁ ଅଧିକ ଲୋକ ଉଦ୍ଧାର ହୋଇଛନ୍ତି। କିଛି ଲୋକମାନେ ଗେମ୍ ଜୋନରେ ଫସି ରହିବାର ସମ୍ଭାବନା ଅଛି। ନିଆଁରେ ପୂରା ଗେମ୍ ଜୋନ୍ ନଷ୍ଟ ହୋଇଯାଇଥିଲା। ମୃତ୍ୟୁ ସଂଖ୍ୟା ଆହୁରି ବଢ଼ିପାରେ। ଏହି ଘଟଣା କାଲାଭାଡ ରୋଡର ଟିଆରପି ଗେମ ଜୋନରେ ଘଟିଛି।
ଅଧିକ ପଢନ୍ତୁ : ବ୍ଲଡ୍ ପ୍ରେସର ଭଳି ଗମ୍ଭୀର ରୋଗ ଥିବା ଲୋକମାନେ ଭୁଲରେ ବି ଖାଆନ୍ତୁନି ଏହି ସବୁ ଖାଦ୍ୟ, ନଚେତ୍...
ନିଆଁ ଲାଗିବା ପରେ ୫ କିଲୋମିଟର ଦୂର ଯାଏଁ ଏକ ଧୂଆଁ ଦେଖାଯାଉଥିଲା। ନିଆଁ ଲାଗିବା ପରେ ଅଗ୍ନିଶମ ବାହିନୀ ଟିମ୍ ଘଟଣାସ୍ଥଳରେ ପହଞ୍ଚି ନିଆଁକୁ ନିୟନ୍ତ୍ରଣ କରିବାକୁ ଚେଷ୍ଟା କରିଥିଲେ। ଗୁଜୁରାଟର ସିଏମ୍ ଭୁପେନ୍ଦ୍ର ପଟେଲ 'ଏକ୍ସ'ରେ କହିଛନ୍ତି, "ରାଜକୋଟରେ ଗେମ୍ ଜୋନରେ ଅଗ୍ନିକାଣ୍ଡ ଘଟଣାରେ ତୁରନ୍ତ ଉଦ୍ଧାର ଓ ରିଲିଫ୍ କାର୍ଯ୍ୟ ପାଇଁ ମ୍ୟୁନିସିପାଲିଟି କର୍ପୋରେସନ୍ ଏବଂ ପ୍ରଶାସନକୁ ନିର୍ଦ୍ଦେଶ ଦିଆଯାଇଛି। ଆହତଙ୍କ ଚିକିତ୍ସା ଚାଲିଯାଇଛି। "
ଅଧିକ ପଢନ୍ତୁ : ମାରାତ୍ମକ ରୋଗ ଲୋ’ ବ୍ଲଡପ୍ରେସର ରୁ ରକ୍ଷା ପାଇଁ ଖାଆନ୍ତୁ ଏହି ସବୁ ଖାଦ୍ୟ...
ଫାୟାର ଷ୍ଟେସନ ଅଧିକାରୀ ଆର ଜୋବନ କହିଛନ୍ତି, "ଆମେ ସଠିକ ସଂଖ୍ୟା ବିଷୟରେ କିଛି କହି ପାରିବୁ ନାହିଁ। ଆମେ ଉଭୟ ପାର୍ଶ୍ୱରୁ ମୃତ ଦେହକୁ ଓହ୍ଲାଉଛୁ। ସର୍ଚ୍ଚ ଅପରେସନ ଚାଲିଛି।"
ମୃତ୍ୟୁ ସଂଖ୍ୟା ଆହୁରି ବୃଦ୍ଧି ପାଇବ ବୋଲି ଆଶା କରାଯାଉଛି। ଅନେକ ଶିଶୁ ମଧ୍ୟ ମୃତମାନଙ୍କ ମଧ୍ୟରେ ଅନ୍ତର୍ଭୁକ୍ତ। ଘଟଣାସ୍ଥଳକୁ ଅନେକ ଅଗ୍ନିଶମ ବାହିନୀ ପଠାଯାଇଥିଲା ଓ ଅନେକ ଘଣ୍ଟା ପରେ ନିଆଁକୁ ଆୟତ୍ତ କରାଯାଇଥିଲା। ଏହି ଘଟଣା ସମ୍ପର୍କରେ ମୁଖ୍ୟମନ୍ତ୍ରୀ ଭୁପେନ୍ଦ୍ର ପଟେଲ ଉଦ୍ଧାର ଓ ରିଲିଫ କାର୍ଯ୍ୟ କରିବା ସହ ଆହତଙ୍କ ଚିକିତ୍ସା ପାଇଁ ବ୍ୟବସ୍ଥା କରିବାକୁ ନିର୍ଦ୍ଦେଶ ଦେଇଛନ୍ତି।
ଅଧିକ ପଢନ୍ତୁ : କର୍ମକ୍ଷେତ୍ରରେ ହତୋତ୍ସାହ ହେବା ସହ ଆର୍ଥିକ କ୍ଷେତ୍ରରେ ଚିନ୍ତିତ ରହିବେ ଏହି ରାଶି ଲୋକ! ପଢନ୍ତୁ ଏ ସପ୍ତାହର ରାଶିଫଳ
