କରୋନାଠାରୁ ବି ଅଧିକ ମାରାତ୍ମକ ଇବୋଲା ଭାଇରସ! ଦେଖାଯାଏ ଏହି ୧୨ ଲକ୍ଷଣ; ଜାଣନ୍ତୁ କେମିତି ବ୍ୟାପେ ଓ ରକ୍ଷା ପାଇବାର ଉପାୟ

ଓଡ଼ିଆ ଗସିପ ବ୍ୟୁରୋ (ସ୍ୱତନ୍ତ୍ର ପ୍ରତିନିଧି, ଭୁବନେଶ୍ୱର, ୨୩।୫): ବିଶେଷଜ୍ଞଙ୍କ ଅନୁଯାୟୀ, ଇବୋଲା ଏକ ଅତ୍ୟନ୍ତ ଗମ୍ଭୀର ଏବଂ ଜୀବନହନ୍ତା ଜନିତ ଜ୍ୱର ବା ଭାଇରାଲ ରୋଗ (Viral Disease)। ଏହା କୌଣସି ସଂକ୍ରମିତ ବ୍ୟକ୍ତି କିମ୍ବା ପଶୁଙ୍କ ସଂସ୍ପର୍ଶରେ ଆସିବା ଦ୍ୱାରା ବ୍ୟାପିଥାଏ। ଏହାର ଲକ୍ଷଣ ବହୁତ ଶୀଘ୍ର ବଢ଼ିଥାଏ ଏବଂ ଶରୀର ପାଇଁ ଅତ୍ୟନ୍ତ ମାରାତ୍ମକ ରୂପ ନେଇପାରେ।

ଇବୋଲା ରୋଗର ପ୍ରମୁଖ ଲକ୍ଷଣ: 

ଇବୋଲା ଭାଇରସ ସଂସ୍ପର୍ଶରେ ଆସିବାର ସାଧାରଣତଃ ୨ ରୁ ୨୧ ଦିନ ମଧ୍ୟରେ ଏହାର ଲକ୍ଷଣ ଦେଖାଯାଇଥାଏ। ପ୍ରାରମ୍ଭିକ ପର୍ଯ୍ୟାୟରେ ସାଧାରଣ ଜ୍ୱର ହୋଇଥାଏ, କିନ୍ତୁ ଧୀରେ ଧୀରେ ଏହା ଗମ୍ଭୀର ହୋଇଯାଏ। ଏହାର ମୁଖ୍ୟ ଲକ୍ଷଣଗୁଡ଼ିକ ହେଲା:

-ପ୍ରବଳ ବା ତେଜ ଜ୍ୱର
-ଅତ୍ୟଧିକ ଦୁର୍ବଳତା ଏବଂ କ୍ଲାନ୍ତି ଅନୁଭବ ହେବା
-ମୁଣ୍ଡବିନ୍ଧା ଓ ମାଂସପେଶୀରେ ପ୍ରବଳ ଯନ୍ତ୍ରଣା
-ଗଳାରେ ଖରାଶ ବା କାଶ ହେବା
-ବାନ୍ତି ଏବଂ ଝାଡ଼ା ହେବା ସହ ପେଟରେ ଯନ୍ତ୍ରଣା
ଶରୀରରେ ନାଲି ରଙ୍ଗର ଚକଡ଼ା ବା ଦାଗ (Rashes) ଦେଖାଯିବା
-ଆଖି ନାଲି ପଡ଼ିଯିବା
-ରକ୍ତସ୍ରାବ (Bleeding): ରୋଗ ଜଟିଳ ହେଲେ ଶରୀରର ଭିତର ଏବଂ ବାହାର ଭାଗରୁ ରକ୍ତସ୍ରାବ ହୋଇଥାଏ।
-ଶ୍ୱାସକ୍ରିୟାରେ କଷ୍ଟ 

ଏଠାରେ କ୍ଲିକ କରି ଅଧିକ ନ୍ୟୁଜ ପଢ଼ନ୍ତୁ : ଇବୋଲା ଭାଇରସକୁ ନେଇ କେନ୍ଦ୍ର ସରକାର ଆଲର୍ଟ: ଜାରି ହେଲା ଗାଇଡଲାଇନ, ଲକ୍ଷଣ ଦେଖାଗଲେ...

ଏହା କେମିତି ବ୍ୟାପିଥାଏ? 

ସଂକ୍ରମିତ ବ୍ୟକ୍ତିଙ୍କ ମାଧ୍ୟମରେ: ସଂକ୍ରମିତ ରୋଗୀର ରକ୍ତ, ଅଙ୍ଗ ପ୍ରତ୍ୟଙ୍ଗ କିମ୍ବା ଶରୀରରୁ ବାହାରୁଥିବା ତରଳ ପଦାର୍ଥ (ଲାଳ, ପରିସ୍ରା, ବାନ୍ତି ଇତ୍ୟାଦି) ର ସିଧାସଳଖ ସଂସ୍ପର୍ଶରେ ଆସିଲେ।

ସଂକ୍ରମିତ ପଶୁଙ୍କ ମାଧ୍ୟମରେ: ଆକ୍ରାନ୍ତ ପଶୁମାନଙ୍କ ସଂସ୍ପର୍ଶରେ ଆସିବା ଦ୍ୱାରା।

ସଂକ୍ରମିତ ବସ୍ତୁ ଦ୍ୱାରା: ରୋଗୀ ବ୍ୟବହାର କରିଥିବା କପଡ଼ା, ଶେଯ (ବିଛଣା) ଏବଂ ଇଞ୍ଜେକ୍ସନ ସିରିଞ୍ଜ ଆଦି ସାମଗ୍ରୀକୁ ଛୁଇଁବା ଦ୍ୱାରା।

ରକ୍ଷା ପାଇବାର ଉପାୟ 

ସଂକ୍ରମିତ କିମ୍ବା ସନ୍ଦିଗ୍ଧ ବ୍ୟକ୍ତିଙ୍କଠାରୁ ଉଚିତ୍ ଦୂରତା ବଜାୟ ରଖନ୍ତୁ।
ନିଜ ହାତକୁ ବାରମ୍ବାର ସାବୁନ କିମ୍ବା ସାନିଟାଇଜର ସାହାଯ୍ୟରେ ସଫା କରନ୍ତୁ। ସନ୍ଦିଗ୍ଧ ଅଞ୍ଚଳ କିମ୍ବା ରୋଗୀ ପାଖକୁ ଗଲେ ମାସ୍କ ଏବଂ ଗ୍ଲଭ୍ସ (Gloves) ର ବ୍ୟବହାର ନିଶ୍ଚିତ କରନ୍ତୁ। ଯଦି କୌଣସି ବ୍ୟକ୍ତିଙ୍କୁ ହଠାତ୍‌ ପ୍ରବଳ ଜ୍ୱର ଆସେ, ଲଗାତାର ଦୁର୍ବଳତା ଲାଗେ, ବାନ୍ତି-ଝାଡ଼ା ହୁଏ କିମ୍ବା ଶରୀରରୁ ବ୍ଲିଡିଂ (ରକ୍ତସ୍ରାବ) ହୁଏ, ତେବେ ବିନା ବିଳମ୍ବରେ ତୁରନ୍ତ ଡାକ୍ତରୀ ସହାୟତା ନେବା ଉଚିତ୍‌।  ଇବୋଲା ରୋଗର ସଠିକ ସମୟରେ ଚିକିତ୍ସା ଏବଂ ରୋଗୀକୁ ଆଇସୋଲେସନ (ପୃଥକ) କରି ରଖିବା ଅତ୍ୟନ୍ତ ଜରୁରୀ। ଇବୋଲାକୁ ନେଇ ଭୟଭୀତ କିମ୍ବା ଆତଙ୍କିତ ହେବାର ଆବଶ୍ୟକତା ନାହିଁ, କିନ୍ତୁ ସତର୍କ ଓ ସଜାଗ ରହିବା ନିହାତି ଜରୁରୀ। ସଠିକ ସମୟରେ ଯାଞ୍ଚ ଏବଂ ସାବଧାନତା ଅବଲମ୍ବନ କରି ଏହି ସଂକ୍ରମଣର ବିପଦକୁ ଏଡ଼ାଇ ଦିଆଯାଇପାରିବ।