କେତେ ଶୁଦ୍ଧତା ଡାବର ହନୀ ? ଲ୍ୟାବ୍ ରିପୋର୍ଟରେ ବଡ଼ ଖୁଲାସା, ରହିଛି କର୍କଟ ସୃଷ୍ଟିକାରୀ ରାସାୟନିକ ପଦାର୍ଥ
ଓଡ଼ିଆ ଗସିପ୍ ବ୍ୟୁରୋ: ସ୍ୱାସ୍ଥ୍ୟ ପାଇଁ ମହୁ ବହୁତ ଭଲ ଏବଂ ଶରୀରର ଅନେକ ପ୍ରକାରର ସମସ୍ୟାରୁ ମୁକ୍ତି ଦେଉଥିବା ମହୁ ସମ୍ପର୍କରେ ବଡ଼ ଖବର ଆସିଛି। ଶୁଦ୍ଧତା ପରୀକ୍ଷାେର ବିଫଳ ହୋଇଛି ‘ଡାବର ହନୀ’ ବ୍ରାଣ୍ଡ୍ର ମହୁ। ଡାବର ହନିରେ ରହିଛି କର୍କଟ ସୃଷ୍ଟିକାରୀ ରାସାୟନିକ ପଦାର୍ଥ।
ଏକ ଲ୍ୟାବ୍ ରିପୋର୍ଟରେ ଏ ସମ୍ପର୍କରେ ବଡ ଖୁଲାସା କରାଯାଇଛି। ଏହି ରିପୋର୍ଟ ପ୍ରକାଶ ପାଇବା ପରେ କମ୍ପାନୀର ସେୟାର ମୂଲ୍ୟରେ ବଡ଼ ଧରଣର ହ୍ରାସ ଘଟିଛି। ପରୀକ୍ଷାରେ ‘ଡାବର ହନୀ’ର ମହୁରେ ଏକ ନିର୍ଦ୍ଦିଷ୍ଟ ଯୌଗିକର ପରିମାଣ ନିର୍ଦ୍ଧାରିତ ସୀମାଠାରୁ ଦୁଇଗୁଣ ରହିଥିବା ଜଣାପଡିଛି। ଏହି ଯୌଗିକର ନାମ ହେଉଛି ହାଇଡ୍ରୋକ୍ସି ମିଥାଇଲ୍ ଫର୍ଫୁରାଲ୍ ଅର୍ଥାତ୍ ଏଚ୍ଏମ୍ଏଫ୍।
ଅଧିକ ପଢନ୍ତୁ :- ଭେଣ୍ଡିଆ ପୁଅର ସ୍ତନବୃଦ୍ଧି ସମସ୍ୟା! କାହିଁକି ଏମିତି ହେଉଛି, କଣ କଲେ କମିବ ସ୍ତନର ଆକାର ଜାଣନ୍ତୁ
ଡାବରର ମହୁରେ ଏଚ୍ଏମ୍ଏଫ୍ର ପରିମାଣ ୧୭୬.୫୭ ମିଲିଗ୍ରାମ୍ ରହିଥିବା ଜଣାପଡିଛି, ଯାହା ଏହାର ନିର୍ଦ୍ଧାରିତ ମାନକ ୮୦ ମିଲିଗ୍ରାମ୍ ଠାରୁ ଅଧିକ ହେବା ଠିକ୍ ନୁହେଁ। ଏଚ୍ଏମ୍ଏଫ୍ ହେଉଛି ମିଠା ଜିନିଷରେ ମିଳୁଥିବା ଏହା ଏକ ପ୍ରକାର ଯୌଗିକ। ସାଧାରଣତଃ ଶୁଦ୍ଧ ମହୁରେ ଏହାର ପରିମାଣ ୧୫ ମିଲିଗ୍ରାମ୍ ପର୍ଯ୍ୟନ୍ତ ହୋଇଥାଏ। ଏହା ବ୍ୟତୀତ ହାଇଡ୍ରୋକ୍ସି ମିଥାଇଲ୍ ଫର୍ଫୁରାଲ୍ ବ୍ରେଡ୍, ବେକେରୀ ଏବଂ ଅନ୍ୟାନ୍ୟ ଦ୍ରବ୍ୟରେ ମଧ୍ୟ ମିଳିଥାଏ।
ଅଧିକ ପଢନ୍ତୁ :- ଜୀବନରେ ସେକ୍ସ ନିହାତି ଆବଶ୍ୟକ କାହିଁକି ? ଜାଣନ୍ତୁ ସୁସ୍ଥ ଯୌନ ସମ୍ପର୍କର ୭ଟି ଉପକାରିତା ବିଷୟରେ
ଆନ୍ତର୍ଜାତୀୟ ମାନକ ଅନୁଯାୟୀ, ପ୍ରତି କିଲୋଗ୍ରାମ ମହୁରେ ଏହାର ପରିମାଣ ୪୦ ମିଲିଗ୍ରାମ୍ରୁ ଅଧିକ ହେବା ଉଚିତ୍ ନୁହେଁ। ଆମେରିକାର ନ୍ୟାସନାଲ ସେଣ୍ଟର ଫର ବାୟୋଟେକ୍ନୋଲୋଜିର ସୂଚନା ଅନୁଯାୟୀ, ମହୁ ପୁରୁଣା ହେଲେ ସେଥିରେ ଏଚ୍ଏମ୍ଏଫ୍ର ପରିମାଣ ବଢ଼ିଯାଇଥାଏ। ଏହାସହିତ, ପ୍ରକ୍ରିୟାକରଣ ସମୟରେ ଉତ୍ତାପ, ଆର୍ଦ୍ରତା, ଚିନି ସିରପ୍ର ଅପମିଶ୍ରଣ ଏବଂ ଷ୍ଟୋରେଜ୍ ପାଇଁ ଧାତୁ ପାତ୍ରର ବ୍ୟବହାର ମହୁରେ ହାଇଡ୍ରୋକ୍ସି ମିଥାଇଲ୍ ଫର୍ଫୁରାଲ୍ ପରିମାଣ ବଢ଼ାଇଥାଏ।
ରିପୋର୍ଟ ଅନୁଯାୟୀ, ଜଣେ ବ୍ୟକ୍ତି ଦିନକୁ ମାତ୍ର ୩୦ ରୁ ୧୫୦ ମିଲିଗ୍ରାମ୍ ଏଚ୍ଏମ୍ଏଫ୍ ହଜମ କରିପାରିବ। ଏହାକୁ ଅଧିକ ପରିମାଣରେ ଖାଇବା ଦ୍ୱାରା କର୍କଟ ରୋଗ ହୋଇପାରେ। ଏହା ସୁସ୍ଥ କୋଷଗୁଡ଼ିକୁ ଟ୍ୟୁମର କୋଷରେ ପରିଣତ କରେ। ଏହାସହିତ ଏହା ଯକୃତ, କିଡନୀ ଏବଂ ଅନ୍ତନଳୀକୁ କ୍ଷତି ପହଞ୍ଚାଇଥାଏ।
