ବାପ୍ ରେ ବାପ୍! ଷ୍ଟେଜ ଉପରେ ନେହା କକଡ୍ ଙ୍କୁ କିସ୍ କରିବାକୁ ଯାଇ କାମୁଡି ଦେଲେ ଯୁବକ
ମୁମ୍ବାଇ: ଚୁଲବୁଲି ଗାୟିକା ନେହା କକର୍ ଙ୍କୁ ସର୍ବସମ୍ମୁଖରେ କିସ୍ ! ବାପ୍ ରେ ବାପ୍ , ତାହା ପୁଣି ଲାଇଭ ଟିଭି ସୋ ରେ । ହଁ ଏମିତି କିଛି ଅଡ଼ୁଆ ପରିସ୍ଥିତି ଉପୁଜିଛି ନେହାଙ୍କ କ୍ଷେତ୍ରରେ ବାରଣ ସତ୍ତ୍ୱେ ନେହା କକ୍କରଙ୍କୁ କିସ୍ କଲେ ପ୍ରତିଯୋଗୀ । ଆଉ ଏହା ଖୁବ୍ ଚର୍ଚ୍ଚାର ବିଷୟ ହୋଇଛି । ଏଭଳି କିଛି ଅଘଟଣ ଘଟିଛି ‘ଇଣ୍ଡିଆନ୍ ଆଇଡଲ୍ ସିଜିନ୍ ୧୧’ର ଅଡିସନ୍ ମଞ୍ଚରେ ।
ଭାଇରାଲ ହୋଇଥିବା ଏହି ଭିଡିଓ ସୋନି ଟିଭି ତା’ର ଅଫିସିଆଲ୍ ଇନ୍ଷ୍ଟାଗ୍ରାମ୍ ଆକାଉଣ୍ଟରେ ଶେଆର କରିଛି । ଏଥିରେ ଦେଖିବାକୁ ମିଳିଛି, ଅଡିସନ୍ ଦେବାକୁ ଆସିଥିବା ଜଣେ ପ୍ରତିଯୋଗୀ ଅନେକ ଉପହାର ଧରି ମଞ୍ଚରେ ପହଞ୍ଚିଛନ୍ତି ।
ପ୍ରଥମେ ସେ ନେହାଙ୍କୁ ସବୁ ଉପହାର ଦେଇଛନ୍ତି ଓ ତା’ପରେ ତାଙ୍କୁ ଆଲିଙ୍ଗନ କରି ହଠାତ୍ ଚୁମ୍ୱନ ଦେଇଛନ୍ତି । ହୋଷ୍ଟ୍ ଆଦିତ୍ୟ ନାରାୟଣ ତାଙ୍କୁ ଅଟକାଇବାକୁ ପ୍ରୟାସ କରିଛନ୍ତି, କିନ୍ତୁ ପ୍ରତିଯୋଗୀ ଜଣଙ୍କ ତାଙ୍କ କଥା ଶୁଣି ନାହାନ୍ତି ଓ ନେହାଙ୍କୁ ଚୁମ୍ବନ ଦେଇଛନ୍ତି । ଏହାପରେ ନେହା ଲାଜରେ ନିଜ ମୁହଁ ଲୁଚାଇ ଦେଇଛନ୍ତି ।
ସୂଚନାଯୋଗ୍ୟ, ଛୋଟ ପରଦାରେ ବେଶ୍ ଲୋକପ୍ରିୟତା ଅର୍ଜନ କରିଥିବା ଗୀତ ଭିତ୍ତିକ ରିଆଲିଟି ଶୋ’ ‘ଇଣ୍ଡିଆନ୍ ଆଇଡଲ୍’ର ସିଜିନ୍ ୧୧ ଖୁବ୍ଶୀଘ୍ର ଆରମ୍ଭ ହେବ । ଏବେ ଏହାର ଅଡିସନ୍ ଚାଲିଛି । ଏଥର ବି ଜଜ୍ ଚୌକିରେ ନେହା କକ୍କର, ବିଶାଲ ଦଦଲାନୀ ଓ ଅନୁ ମଲିକ ରହିଛନ୍ତି। ଗତ ସିଜିନ୍ରେ ବି ଏମାନେ ଜଜ୍ ଥିଲେ ।
