ପ୍ରିୟ ଓଡ଼ିଆ ସହ ‘ନବୀନ ଓଡ଼ିଶା’ର ବିକଳ୍ପ ବିହୀନ ସମ୍ରାଟ
ଓଡ଼ିଆ ଗସିପ ବ୍ୟୁରୋ: ଦୀର୍ଘ ୨୧ ବର୍ଷ ସୁଶାସନ । କେତେ ବିପର୍ଯ୍ୟୟ କେତେ ଦୁର୍ବିପାକ ଆଉ ଝଡ଼ଝଞ୍ଜା । ତଥାପି ସେ ହାରିନାହାନ୍ତି, ଥକି ନାହାନ୍ତି । ଆଗକୁ ବଢ଼ିଛନ୍ତି ରାଜ୍ୟକୁ ଆଗକୁ ବଢ଼ାଇ ନେବାକୁ ଅହରହ ସଂଗ୍ରାମ କରୁଛନ୍ତି । ସେ ସାଢ଼େ 4କୋଟି ଓଡ଼ିଆଙ୍କ ପ୍ରିୟ ଓଡ଼ିଆ, ପ୍ରିୟ ମୁଖ୍ୟମନ୍ତ୍ରୀ ଆଉ କହିବାକୁ ଗଲେ ନୂତନ ଓଡ଼ିଶାର ସେ ହେଉଛନ୍ତି ବିକଳ୍ପ ବିହୀନ ସମ୍ରାଟ । ଯାହାଙ୍କ ପଥକୁ ରୋକିପାରନି ଚକ୍ରାନ୍ତକାରୀଙ୍କ ହିନ ଚକ୍ରାନ୍ତ ।
ବିରୋଧୀଙ୍କ ତିରସ୍କାର କିମ୍ବା ଅଟକାଇ ପାରନି ମିଥ୍ୟା କପୋଳକଳ୍ପିତ ଆଧାରକୁ ନେଇ ନିନ୍ଦୁକଙ୍କ ନିନ୍ଦା । ସେ ସବୁଠାରୁ ଲୋକପ୍ରିୟ, ଦେଶରେ ଯିଏ ରାଜ୍ୟର ଯଶ ବଢ଼ାଇଛି ସେ ଆଉ କେହି ନୁହଁନ୍ତି ଓଡ଼ିଶାର ସବୁଠାରୁ ଲୋକପ୍ରିୟ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଯାହା କେବଳ ଏକ ନା ନୁହେଁ ଏକ ସଂଗଠନ ଓ ଆଶା ଓ ବିଶ୍ୱାସର ଠିକଣା ।
ଏବେ ଆସନ୍ତୁ ଜାଣିବା କାହିଁକି ଏତେ ଲୋକପ୍ରିୟ ଓଡ଼ିଶାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ :
ପଞ୍ଚମ ପାଳିର ଦ୍ୱିତୀୟ ବର୍ଷରେ ପାଦ ରଖିଛି ନବୀନ ସକରାର । ବିପର୍ଯ୍ୟୟ ମଧ୍ୟରେ ପୁଣିଥରେ ଓଡ଼ିଶାକୁ ଆଗେଇ ନେବାର ସଂକଳ୍ପ ନେବେ ରାଜ୍ୟ ସରକାର । ଚ୍ୟାଲେଞ୍ଚର ବର୍ଷକୁ ସଫଳତାର ସହ ସୁପରିଚାଳନା କରିଥିବା ରାଜ୍ୟ ସରକାରଙ୍କ ପାଇଁ ଆଗକୁ ରହିଛି ଅନେକ ଆହ୍ଵାନ । ଆର୍ଥିକ ସ୍ଥିତିକୁ ସଜାଡ଼ିବା, କରୋନ ସହ ଜୀବନଜୀବିକାକୁ ସ୍ୱାଭାବିକ କରିବା ଓ ବିକାଶମୂଳକ କାର୍ଯ୍ୟକ୍ରମକୁ ପୁଣିଥରେ ଆଗେଇ ନେବା ରାଜ୍ୟ ସରକାରଙ୍କ ପାଇଁ ବଡ଼ ଆହ୍ଵାନ ଭାବେ ଉଭା ହୋଇଛି । ପଂଚମ ପାଳିର ବର୍ଷର ହିସାବନିକାଶ ସହ ଭବିଷ୍ୟତ ପାଇଁ ବ୍ଳୁ ପ୍ରିଣ୍ଟ ପ୍ରସ୍ତୁତ କରିବାକୁ ଯାଉଛନ୍ତି ଦଳର ସୁପ୍ରିମୋ ନବୀନ ପଟ୍ଟନାୟକ ।
ପଞ୍ଚମ ପାଳିର ପ୍ରଥମ ବର୍ଷ । ନବୀନଙ୍କ ୨୧ବର୍ଷ ଶାସନର ସବୁଠାରୁ ବଡ଼ ଅଗ୍ନିପରୀକ୍ଷା । ଶପଥ ନେବା ପୂର୍ବରୁ ଫନି ଓ ସରକାର ଗଢ଼ିବା ପରେ ବୁଲ୍ବୁଲ୍ । ଆଉ ଏବେ ମହାମାରୀ କରୋନା । କେତେବେଳେ ବିପର୍ଯ୍ୟୟ ତ ପୁଣି କେତେବେଳେ ମହାବିପର୍ଯ୍ୟୟ । ସୁପରମ୍ୟାନ୍ ନବୀନ କିନ୍ତୁ ଅବିଚଳିତ । ପ୍ରତିଥର ପରି ଏଥର ମଧ୍ୟ ଫୁଙ୍କିଥିଲେ ମୁକାବିଲାର ମନ୍ତ୍ର ।
ନବୀନଙ୍କ ସଶକ୍ତ ରଣନୀତି ପୁଣି ବଞ୍ଚାଇଥିଲା ରାଜ୍ୟବାସୀଙ୍କ ଜୀବନ । ପ୍ରଶଂସା କଲେ ପ୍ରଧାନମନ୍ତ୍ରୀ । ଜାତୀୟ ସ୍ତରରେ ପୁଣି ଉଦାହରଣ ସାଜିଲା ଓଡ଼ିଶା । ଏସବୁ ଭିତରେ ଲୋକଙ୍କ ଘରେ ପହଞ୍ଚିଲା ସରକାର । ଆରମ୍ଭ ହେଲା 5-ଟି ଓ ମୋ ସରକାର କାର୍ଯ୍ୟକ୍ରମ । ପଞ୍ଚମ ପାଳିର ପ୍ରଥମ ବର୍ଷରେ ମୁଖ୍ୟମନ୍ତ୍ରୀଙ୍କ କାର୍ଯ୍ୟଳୟ ସହ ସିଧା କଥା ହେଲେ ଜନତା । ଆଉ ରାଜ୍ୟରେ କରୋନା ପଶୁ ପଶୁ ମାଳ ମାଳ କୋଭିଡ୍ ହସପିଟାଲ୍ ପ୍ରତିଷ୍ଠା କରି ଦେଶ ପାଇଁ ଉଦାହାରଣ ସାଜିଲେ ନବୀନ ।
ସଫଳତାର ସହ ପ୍ରଥମ ବର୍ଷ ଅତିକ୍ରମ କରିବା ପରେ ଏବେ ଆରମ୍ଭ ହୋଇଛି ଆଗାମୀ ପ୍ରସ୍ତୁତି । ଆସନ୍ତାକାଲି ଠାରୁ ଶ୍ରୀକ୍ଷେତ୍ର ଓ ଏକାମ୍ରକ୍ଷେତ୍ରର ସୌନ୍ଦର୍ଯ୍ୟକରଣ ବିକାଶମୂଳକ କାମ ଆରମ୍ଭ କରିବାକୁ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଛନ୍ତି ।
