ରିୟାଙ୍କ ସହ ସମ୍ପର୍କ ପରେ ସୁଶାନ୍ତ ନେଉଥିଲେ କିଛି ଅଜଣା ଔଷଧ, ଗୁମର ଖୋଲିଲେ ଜିମ୍ ଟ୍ରେନର, ସେପଟେ ବିହାର ପୁଲିସକୁ ସହଯୋଗ କରୁନି ମୁମ୍ବାଇ ପୁଲିସ…

ଓଡ଼ିଆ ଗସିପ୍ ବ୍ୟୁରୋ: ଏବେ ବଲିଉଡ଼ ଅଭିନେତା ସୁଶାନ୍ତ ସିଂ ରାଜପୁତଙ୍କ ଆତ୍ମହତ୍ୟା ଘଟଣାରେ ଦିନକୁ ଦିନ ନୁଆ ନୁଆ ତଥ୍ୟ ସାମ୍ନାକୁ ଆସୁଛି । ଯେମିତି ପୁରା ରହସ୍ୟମୟ ଆଡକୁ ଗତି କରୁଛି ଏହି ମାମଲା । ସୁଶାନ୍ତଙ୍କ ଜିମ୍ ଟ୍ରେନର ଏବେ ଏକ ବଡ଼ ଖୁଲାସା କରିଛନ୍ତି । ଯାହା ସୁଶାନ୍ତଙ୍କ ଫ୍ୟାନ୍‌ଙ୍କୁ ଚକିତ କରିଦେଇଛି ।

ସୁଶାନ୍ତଙ୍କ ବ୍ୟକ୍ତିଗତ ଜିମ୍ ଟ୍ରେନର ସମି ଅହମ୍ମଦଙ୍କ କହିବା ଅନୁସାରେ ସୁଶାନ୍ତ ଗତ ଡିସେମ୍ବର ମାସରୁ କିଛି ଅଜଣା ଔଷଧ ସେବନ କରୁଥିଲେ । ଏଥିପାଇଁ ମଧ୍ୟ ସୁଶାନ୍ତଙ୍କ ସ୍ୱାସ୍ଥ୍ୟବସ୍ଥା ବିଗିଡ଼ିବାରେ ଲାଗିଥିଲା । ଖାଲି ଏମିତି ନୁହେଁ ସୁଶାନ୍ତ ଠିକ୍ ଭାବେ ଛିଡା ହୋଇପାରୁନଥିଲେ । ତାଙ୍କ ପାଦ ଥରୁଥିଲା ବୋଲି ଦାବି କରିଛନ୍ତି ଜିମ୍ ଟ୍ରେନର । କାରଣ ଜିମ୍ ଟ୍ରେନର ସମି ଗତ ୫ବର୍ଷ ଧରି ସୁଶାନ୍ତଙ୍କ ଟ୍ରେନର ଥିଲେ ।

ଏକ ଗଣମାଧ୍ୟମ ଚ୍ୟାନେଲକୁ ସାକ୍ଷାତକାରରେ ସମି କହିଥିଲେ ଯେ, ସୁଶାନ୍ତଙ୍କ ମେଡିକାଲ କଣ୍ଡିସନ ରିପୋର୍ଟ ତାଙ୍କୁ ଜଣାନାହିଁ । କାରଣ ରିୟା ଏସବୁ ଭିତରକୁ ଯିବାକୁ ଦେଉନଥିଲେ । କିନ୍ତୁ ଏତିକି ଜାଣିଛି ଯେ, ଯେବେଠାରୁ ସୁଶାନ୍ତ ରିୟାଙ୍କୁ ଡେଟ୍ କରିବା ଆରମ୍ଭ କରିଥିଲେ, ସେବେଠାରୁ ସୁଶାନ୍ତ କିଛି ଅଜଣା ଔଷଧ ଖାଉଥିଲେ । ଯାହା ସେ ପୂର୍ବରୁ ଏମିତି କିଛି ଔଷଧ ସେବନ କରୁନଥିବା ସେ କହିଛନ୍ତି ।

ଅନ୍ୟପଟରେ ଜଣାପଡିଛି କି, ସୁଶାନ୍ତଙ୍କ ଏହି ରହସ୍ୟମୟ ମୃତ୍ୟୁ ପଛରେ ମୁମ୍ବାଇ ପୁଲିସ କିଛି ତଥ୍ୟ ଲୁଚାଉଛି । କାରଣ ଏହି ମାମଲାର ତଦନ୍ତ କରିବାକୁ ବିହାର ପୁଲିସ ମୁମ୍ବାଇରେ ପଂହଚିଥିଲେ । ହେଲେ ମୁମ୍ବାଇ ପୁଲିସ ତାଙ୍କୁ ସହଯୋଗ କରିନଥିଲେ । ତଦନ୍ତ ପାଇଁ ବିହାର ପୁଲିସକୁ ମୁମ୍ବାଇ ପୁଲିସ ଗାଡି ଯୋଗାଇନଥିବା ସୂଚନା ମିଳିଛି । ଆଉ ଏଥିପାଇଁ ୩ କିଲୋମିଟର ପାଦରେ ଚାଲି ଚାଲି ଯିବାକୁ ପଡିଥିଲା ବିହାର ପୁଲିସକୁ ।

ବିହାର ସରକାରଙ୍କ ଆଡଭୋକେଟ୍ ଜେନରାଲ ଲଲିତ କିଶୋର ଏକ ବୟାନ ଜାରି କରି କହିଛନ୍ତି ଯେ, ଗୋଟିଏ ରାଜ୍ୟର ପୋଲିସ ଯେତେବେଳେ ଅନ୍ୟ ଗୋଟିଏ ରାଜ୍ୟକୁ କୌଣସି ତଦନ୍ତ କରିବାକୁ ଯାଏ ସେତେବେଳ ସଂପୃକ୍ତ ରାଜ୍ୟ ସରକାର ସହଯୋଗ କରନ୍ତି ।

କିନ୍ତୁ ମୁମ୍ବାଇ ପୋଲିସ ତରଫରୁ ବିହାର ପୋଲିସକୁ ସହଯୋଗ ମିଳୁନାହିଁ । ବିହାର ସରକାରଙ୍କ ଏହି ଅଭିଯୋଗକୁ ସେତେବେଳେ ବଳ ମିଳିଲା ଯେତେବେଳେ ମୁମ୍ବାଇ ପୋଲିସ ବିହାର ପୋଲିସକୁ ଅଭିନେତ୍ରୀ ଅଙ୍କିତା ଲୋଖଣ୍ଡେଙ୍କୁ ପଚରା ଉଚରା କରିବାକୁ ତାଙ୍କ ଘରକୁ ଯିବା ପାଇଁ ୩ କିଲୋମିଟର ରାସ୍ତା ପାଦରେ ଚାଲିବାକୁ ପଡିଥିଲା ।

ଅଭିଯୋଗ ହେଉଛି ଯେ, ମୁମ୍ବାଇ ପୋଲିସ ସହଯୋଗ ନ କରିବାରୁ ପାଟନା ପୋଲିସ ଟିମକୁ ଅତ୍ୟନ୍ତ ଅସୁବିଧାର ସମ୍ମୁଖୀନ ହେବାକୁ ପଡୁଛି । କରୋନା ଭାଇରସ କାରଣରୁ ମୁମ୍ବାଇ ସଡକରେ ଅଟୋ,ଟ୍ୟାକ୍ସିର ଅଭାବ ରହିଛି । ଏମିତିରେ ଗୁରୁବାର ଦିନ ପାଟନା ପୋଲିସ ଟିମ ମଲାଡ ସ୍ଥିତ ଅଙ୍କିତାଙ୍କ ଘରକୁ ଯିବାକୁ ତିନି କିଲୋମଟିର ଚାଲିବାକୁ ପଡିଥିଲା ।

କାରଣ ମୁମ୍ବାଇ ପୋଲିସ ସେମାନଙ୍କ ପାଇଁ ଗାଡି ବ୍ୟବସ୍ଥା କରିନଥିଲା । ତିନି କିଲୋମିଟର ଚାଲିବା ପରେ ଟିମ ଅଟୋରେ ଅଙ୍କିତାଙ୍କ ଘରେ ପହଂଚିଥିଲା । ସେଠାରେ ସେମାନେ ଅଙ୍କିତାଙ୍କୁ ପ୍ରଶ୍ନ ପଚାରିଥିଲେ । ଫେରିବା ବେଳେ ଅଙ୍କିତା ସେମାନଙ୍କୁ ଯିବା ପାଇ ନିଜ ଜାଗୁଆର କାର ଦେଇଥିଲେ । ମିଡିଆଠାରୁ ପୋଲିସ ଟିମକୁ ଦୁରେଇ ରଖିବା ପାଇଁ ଅଙ୍କିତା ନିଜ ଗାଡି ଦେଇଥିଲେ ।