ଫୁଟ୍ବଲ୍ ତାରକା ରୋନାଲ୍ଡୋ କିଣିଲେ ୮୩ କୋଟି ଟଙ୍କାର କାର୍, ଜାଣନ୍ତୁ ଏହି କାରରେ କ’ଣ ସବୁ ସୁବିଧା ରହିଛି?
ଓଡ଼ିଆ ଗସିପ୍ ବ୍ୟୁରୋ: ଆମେ ଜାଣିଛୁ ମଣିଷ ଘର ଭଳି ଗାଡ଼ି ମଟରରେ ମଧ୍ୟ ସୌକ ରଖେ । ସେହିଭଳି ପର୍ତ୍ତୁଗାଲ ତଥା ଜୁଭେଣ୍ଟସ୍ ଫୁଟ୍ବଲ୍ ତାରକା କ୍ରିଷ୍ଟିଆନୋ ରୋନାଲ୍ଡୋ ବୁଗାଟ୍ଟି ସେଣ୍ଟୋଡାଏସି ଲିମିଟେଡ୍ ଏଡିସନ୍ କାର୍ କିଣିଛନ୍ତି ।
ଏହି କାର୍ର ମୂଲ୍ୟ ୮୫ ପାଉଣ୍ଡ ବା ଭାରତୀୟ ମୁଦ୍ରାରେ ପାଖାପାଖି ୮୩ କୋଟି ଟଙ୍କା । ସ୍କୁଡେଟୋ ବିପକ୍ଷ ମ୍ୟାଚ୍ ଜିତାଇ ରୋନାଲ୍ଡୋ ଜୁଭେଣ୍ଟସ୍କୁ ୩୬ତମ ସିରିଜ-ଏ ମୁକୁଟ ଉପହାର ଦେଇଥିଲେ ।
ଜୁଭେଣ୍ଟସ୍ ଲଗାତାର ନବମ ଥର ଏହି ଟ୍ରଫି ଜିତିବାର ସ୍ମୃତିକୁ ଆହୁରି ସ୍ମରଣୀୟ କରିବାକୁ ରୋନାଲ୍ଡୋ ନିଜ ଗ୍ୟାରେଜ୍କୁ ଏହି ବିଳାଶପୂଣ୍ଣ କାର୍କୁ ଆଣିବାକୁ ସ୍ଥିତ କରିଥିଲେ ।
ବୁଗାଟ୍ଟି ପ୍ରତି ରୋନାଲ୍ଡୋଙ୍କ ଏହା ନୂଆ ପ୍ରେମ ନୁହେଁ । ପୂର୍ବରୁ ତାଙ୍କ ପାଖରେ ଏହି କମ୍ପାନିର ଚିରୋନ, ଭେରନ୍ ଓ ଲା ଭଇଚୁର ନୋଇରେ ଗାଡ଼ି ରହିଛି ।
କମ୍ପାନି ଚିରୋନ ଉପରେ ଆଧାରିତ ଏହି ବିଳାଶପୂର୍ଣ୍ଣ କାର୍ର ୧୦ଟି ମଡେଲ ବାହାର କରିଛି । ବୁଗାଟ୍ଟିର ଏହି ନୂଆ ସୁପରକାର୍ରେ ୧୬୦୦ ହର୍ସପାୱାର ବିଶିଷ୍ଟ ୮ ଲିଟର ଡବ୍ଲୁ-୧୬ ଇଞ୍ଜିନ ରହିଛି ।
ମାତ୍ର ୨.୪ ସେକେଣ୍ଡ୍ରେ ଗାଡ଼ିର ବେଗ ଘଣ୍ଟା ପ୍ରତି ୦-୧୦୦ କିଲୋମିଟରରେ ପହଞ୍ôଚଯାଏ । ଗାଡ଼ିର ସର୍ବାଧିକ ବେଗ ଘଣ୍ଟାପ୍ରତି ୩୫୦ କିଲୋମିଟର ରହିଛି । ଆସନ୍ତା ବର୍ଷ ସେଣ୍ଟୋଡାଏସି ମାଲିକଙ୍କୁ ହସ୍ତାନ୍ତର କରାଯିବ ବୋଲି କମ୍ପାନି ପକ୍ଷରୁ କୁହାଯାଇଛି ।
Share this story
