ସୁଶାନ୍ତଙ୍କ ବିବାହକୁ ନେଇ କିଛି ଏମିତି କହିଲେ ବାପା, ସୋସିଆଲ ମିଡିଆରେ ଏମିତି ଆସିଲା ପ୍ରତିକ୍ରିୟା

0 2,721

ଓଡ଼ିଆ ଗସିପ୍ ବ୍ୟୁରୋ: ଦିବଂଗତ ଅଭିନେତା ସୁଶାନ୍ତ ସିଂ ରାଜପୁତ ଆସନ୍ତା ବର୍ଷ ବିବାହ କରିଥାନ୍ତେ । ଏବେ କିନ୍ତୁ ଅଧାରେ ରହିଗଲା ସୁଶାନ୍ତଙ୍କ ପରିବାର ଲୋକଙ୍କ ଏହି ଆଶା । 2021 ବର୍ଷ ଆରମ୍ଭ ବେଳକୁ ବିବାହ ବନ୍ଧନରେ ଆବଦ୍ଧ ହୋଇଥାନ୍ତେ ହେଲେ ସବୁ କିଛି ଦୁଃସ୍ୱପ୍ନ ଭଳି କେବଳ ଯନ୍ତ୍ରଣା ଦେଉଛି । ସୁଶାନ୍ତଙ୍କ ଚାଲିଯିବା ପରେ ଏମିତି ତ ଅନେକ କଥା ଶୁଣିବାକୁ ମିଳୁଛି । ଆଗକୁ ମଧ୍ୟ ଅନେକ ଅଜଣା କଥା ସାମ୍ନାକୁ ଆସିବ ।

ତେବେ ସୁଶାନ୍ତଙ୍କ ବାପା କେକେ ସିଂହଙ୍କ ସୂଚନା ଅନୁସାରେ ବିବାହ ତାରିଖ ପ୍ରାୟ ସ୍ଥିରିକୃତ ହୋଇ ସାରିଥିବା ବେଳେ ଲକଡାଉନ ଯୋଗୁଁ ସେ ବିବାହ କରିବାକୁ ଆଗ୍ରହ ପ୍ରକାଶ କରିନଥିଲେ ବୋଲି ଏକ ଗଣମାଧ୍ୟମକୁ ସାକ୍ଷାତକାର ଦେଇ କହିଛନ୍ତି ।

ସୁଶାନ୍ତଙ୍କ ବିବାହକୁ ନେଇ ତାଙ୍କ ବାପା ଖୁଲାସା କରିଥିବା ବେଳେ କାହାକୁ ସେ ବିବାହ କରିଥାନ୍ତେ ସେ କଥା କିନ୍ତୁ ସ୍ପଷ୍ଟ କରିନାହାନ୍ତି ।

ସୁଶାନ୍ତଙ୍କ ପ୍ରେମିକାମାନଙ୍କ ପ୍ରସଙ୍ଗରେ ପଚରାଯାଇଥିବା ପ୍ରଶ୍ନରେ କେକେ ସିଂହ କେବଳ ଅଙ୍କିତାଙ୍କ ସମ୍ପର୍କରେ ଜାଣିଥିଲେ କିନ୍ତୁ ରେହା ଚକ୍ରବର୍ତ୍ତିଙ୍କ ସମ୍ପର୍କରେ ସେ କିଛି ବି ଜାଣିନାହାନ୍ତି ବୋଲି କହିଛନ୍ତି ।

ସୁଶାନ୍ତ ସିଂହ ରାଜପୁତଙ୍କ ସମ୍ପର୍କରେ ଆଉ ଏକ ଖୁଲାସା କରିଛନ୍ତି ତାଙ୍କ ବାପା କେକେ ସିଂହ କହିଛନ୍ତି, ସେ ସବୁବେଳେ ବିନ୍ଦାସ ଓ ମଜାଳିଆ ପ୍ରକୃତିର ଥିଲେ କିନ୍ତୁ କେବେ ତାଙ୍କ ମନ ଭିତରେ କଣ ଚାଲୁଥିଲା କେବେ କାହାକୁ ଜଣାଉନଥିଲେ ଏମିତିକି ମୋତେ ବି ନୁହେଁ ବୋଲି କହିଛନ୍ତି ସୁଶାନ୍ତଙ୍କ ବାପା କେକେ ସିଂହ ।

ବଲିଉଡର ଅଭିନେତା ସୁଶାନ୍ତ ସିଂ ରାଜପୁତ ଜୁନ୍‌ ୧୪ ତାରିଖରେ ମୁମ୍ବାଇସ୍ଥିତ ତାଙ୍କ ଘରେ ଆତ୍ମହତ୍ୟା କରିଥିଲେ । ସୁଶାନ୍ତ ସିଂ ଗତ ୬ମାସ ଧରି ଡିପ୍ରେସନରେ ଥିଲେ । ଏଥିସହିତ ସୁଶାନ୍ତଙ୍କ ମୃତ୍ୟୁ ପରଠାରୁ ବଲିଉଡରେ ବଂଶବାଦକୁ ନେଇ ପୁଣି ଥରେ ବିବାଦ ଉଠିଛି । କିଛି ବଲିଉଡ କଳାକାର ଏହାର ଖୁଲାସା କରୁଥିବା ବି ଦେଖିବାକୁ ମିଳିଛି ।

ଯେଉଁଥିରେ ଅଭିନେତ୍ରୀ କଙ୍ଗନା ରାନାୱତ, ଅଭିନେତା ସାହିଲ ଖାନ ଏବଂ ନିର୍ଦ୍ଦେଶକ ଅଭିନବ କାଶ୍ୟପ ସାମିଲ ଅଛନ୍ତି ।

Leave A Reply

Your email address will not be published.