ଆଉ ନାହାନ୍ତି ACP ନିକିତା

ଭୁବନେଶ୍ୱର: ଆର ପାରିରେ ନିକିତା । ସନ୍ଦେହ ଜନକ ମୃତ୍ୟୁ ପରେ ଏବେ ଚାରିଆଡେ ଚର୍ଚ୍ଚା । ଟିଭି ଦୁନିଆର ଚର୍ଚ୍ଚିତ ଚେହେରା ଅଭିନେତ୍ରୀ ଥିଲେ ନିକିତା । ବ୍ରେନ୍ ହେମୋରେଜ୍ ଯୋଗୁଁ ନିକିତାଙ୍କ ମୃତ୍ୟୁ ହୋଇଥିବା ସୂଚନା ମିଳିଛି । ନିକିତାଙ୍କ ମୃତ୍ୟୁ ପରେ ଓଲିଉଡ୍‌ ଏବଂ ଟିଭି ଜଗତରେ ଶୋକର ଛାୟା ଖେଳିଯାଇଛି । ନିକିତାଙ୍କ ପ୍ରକୃତ ନାମ ଲକ୍ଷ୍ମୀପ୍ରିୟା ବେହେରା ।

ଶୁକ୍ରବାର ନିକିତା ୩୦ ଫୁଟ ଉଚ୍ଚ ଛାତ ଉପରୁ ପଡ଼ିଯାଇଥିଲେ। ଗୁରୁତର ଅବସ୍ଥାରେ ତାଙ୍କୁ ଏକ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଥିଲା। ଶନିବାର ମଧ୍ୟାହ୍ନରେ ତାଙ୍କର ମୃତ୍ୟୁ ଘଟିଛି। ଆଖି ଖୋଲିବାକୁ ଡର ଲାଗୁଛି, ଚୋରି ଚୋରି ମନ ଚୋରି, ମିତ ବସିଛି ମୁଁ ଭୁତ ସାଥିରେ, ଗୁଣ୍ଡା ଆଦି ସିନେମାରେ ଅଭିନୟ କରିଥିବା ବେଳେ ତରଙ୍ଗ ଚ୍ୟାନେଲରେ ପ୍ରସାରିତ ଧାରାବାହିକ ଏସିପି ନିକିତା ଏବଂ ତପସ୍ୟାରେ ମୁଖ୍ୟ ଚରିତ୍ରରେ ଅଭିନୟ କରୁଥିଲେ। ତାଙ୍କର ଏକ ପୁଅ ଥିବା ଜଣାପଡ଼ିଛି।