ସୋସିଆଲ ମିଡିଆ ବ୍ୟବହାରକାରୀଙ୍କୁ ଝଟକା, ଏବେ Instagram, Facebook ଏବଂ WhatsApp ପାଇଁ ଦେବାକୁ ପଡ଼ିବ ମାସିକ ଶୁଳ୍କ !
ଓଡ଼ିଆ ଗସିପ ବ୍ୟୁରୋ (ସ୍ୱତନ୍ତ୍ର ପ୍ରତିନିଧି, ନୂଆଦିଲ୍ଲୀ): ମେଟା ଏବେ ନିଜର ସୋସିଆଲ ମିଡିଆ ପ୍ଲାଟଫର୍ମଗୁଡ଼ିକୁ କେବଳ ମାଗଣା ସେବା ମଧ୍ୟରେ ସୀମିତ ରଖିବାକୁ ଚାହୁଁନାହିଁ । କମ୍ପାନୀ Instagram, Facebook ଏବଂ WhatsApp ବ୍ୟବହାରକାରୀଙ୍କ ପାଇଁ ନୂଆ ପେଡ ସବସ୍କ୍ରିପସନ ପ୍ଲାନ ଲଞ୍ଚ କରିବାକୁ ଘୋଷଣା କରିଛି। ଏହି ପ୍ଲାନ ଗୁଡ଼ିକ ମାଧ୍ୟମରେ ବ୍ୟବହାରକାରୀଙ୍କୁ ଅନେକ ଏକ୍ସକ୍ଲୁସିଭ ଫିଚର୍ସ, ଆଡଭାନ୍ସଡ ଟୁଲ୍ସ ଏବଂ ସର୍ବୋତ୍ତମ ଅନୁଭୂତି ମିଳିବ। ବିଶେଷ କଥା ହେଉଛି ଏହି ପ୍ଲାନଗୁଡ଼ିକରେ ଭାରତ ମଧ୍ୟ ସାମିଲ ଅଛି। ଅର୍ଥାତ୍ ଆଗାମୀ ଦିନରେ Meta ର ଆପ୍ସ ବ୍ୟବହାର କରିବାର ଶୈଳୀ ସମ୍ପୂର୍ଣ୍ଣ ବଦଳିଯାଇପାରେ।
Meta ପକ୍ଷରୁ Instagram, Facebook ଏବଂ WhatsApp ପାଇଁ ନୂଆ Plus ସବସ୍କ୍ରିପସନ ପ୍ଲାନ ଉପସ୍ଥାପନ କରାଯାଇଛି। କମ୍ପାନୀର କହିବାନୁସାରେ, ଏହି ପ୍ଲାନ ଗୁଡ଼ିକ ମାଧ୍ୟମରେ ବ୍ୟବହାରକାରୀଙ୍କୁ ଏଭଳି କିଛି ଫିଚର୍ସ ମିଳିବ, ଯାହା ମାଗଣା ସଂସ୍କରଣ (Free version) ରେ ଉପଲବ୍ଧ ନାହିଁ।
କମ୍ପାନୀ Instagram Plus ଏବଂ Facebook Plus ର ମୂଲ୍ୟ ୩.୯୯ ଡଲାର ଅର୍ଥାତ୍ ପ୍ରାୟ ୩୮୭ ଟଙ୍କା ପ୍ରତି ମାସ ରଖିଛି। ସେହିପରି WhatsApp Plus ପ୍ଲାନର ମୂଲ୍ୟ ୨.୯୯ ଡଲାର ଅର୍ଥାତ୍ ପ୍ରାୟ ୨୯୦ ଟଙ୍କା ପ୍ରତି ମାସ ହେବ। ବର୍ତ୍ତମାନ ସୁଦ୍ଧା ଭାରତ ପାଇଁ ଆଧିକାରୀକ ମୂଲ୍ୟ ଘୋଷଣା କରାଯାଇ ନାହିଁ, କିନ୍ତୁ ଆଶା କରାଯାଉଛି ଯେ ଖୁବ ଶୀଘ୍ର ଏହି ସୂଚନା ସାମ୍ନାକୁ ଆସିବ।
ଅଧିକ ପଢ଼ନ୍ତୁ : ୭ ଦିନରେ କମାନ୍ତୁ ପେଟର ଚର୍ବି: ଆପଣାନ୍ତୁ ଏହି ସହଜ ଘରୋଇ ଟିପ୍ସ
ରିପୋର୍ଟ ଅନୁଯାୟୀ, WhatsApp Plus ରେ ବ୍ୟବହାରକାରୀଙ୍କୁ ଅନେକ ନୂଆ ପର୍ସନାଲାଇଜେସନ ଫିଚର୍ସ (Personalization features) ମିଳିବ। ଏଥିରେ କଷ୍ଟମ ଥିମ, ୟୁନିକ ରିଙ୍ଗଟୋନ, ପ୍ରିମିୟମ ଷ୍ଟିକର୍ସ ଏବଂ ଅଧିକ ଚାଟ ପିନ କରିବାର ବିକଳ୍ପ ଦିଆଯିବ। କମ୍ପାନୀ ମେସେଜିଂ ଅନୁଭୂତିକୁ ଅଧିକ ପ୍ରିମିୟମ ଏବଂ କଷ୍ଟମାଇଜ୍ଡ କରିବାକୁ ଚାହୁଁଛି।
Instagram Plus ଏବଂ Facebook Plus ବ୍ୟବହାରକାରୀଙ୍କୁ ଅନେକ ଏକ୍ସଟ୍ରା ଫିଚର୍ସ ମିଳିବ। ବ୍ୟବହାରକାରୀମାନେ ଦେଖିପାରିବେ ଯେ ସେମାନଙ୍କ ଷ୍ଟୋରୀ କେତେଥର ପୁନର୍ବାର ଦେଖାଯାଇଛି। ଏହା ବ୍ୟତୀତ ଅନଲିମିଟେଡ ଷ୍ଟୋରୀ ଅଡିଏନ୍ସ ଲିଷ୍ଟ ପ୍ରସ୍ତୁତ କରିବାର ଅପ୍ସନ ମିଳିବ ଏବଂ ଭ୍ୟୁଅର୍ସ ଲିଷ୍ଟରେ ନିଜ ନାଁ ନ ଦେଖାଇ ମଧ୍ୟ ଷ୍ଟୋରୀ ପ୍ରିଭ୍ୟୁ ଦେଖାଯାଇପାରିବ।
Instagram Plusରେ ଷ୍ଟୋରୀକୁ ୨୪ ଘଣ୍ଟାରୁ ଅଧିକ ସମୟ ପର୍ଯ୍ୟନ୍ତ ଦେଖାଇବାର ଫିଚର୍ ପ୍ରଦାନ କରାଯିବ। ଏହା ସହିତ ପ୍ରତି ସପ୍ତାହରେ ଗୋଟିଏ ଷ୍ଟୋରୀକୁ ସ୍ପଟ୍ଲାଇଟ (Spotlight) କରାଯାଇପାରିବ, ଯଦ୍ୱାରା ତାହାକୁ ଅଧିକ ଲୋକଙ୍କ ପାଖରେ ପହଞ୍ଚାଯାଇପାରିବ। ବ୍ୟବହାରକାରୀ ନିଜ ଷ୍ଟୋରୀ ଭ୍ୟୁଅର୍ସ ଲିଷ୍ଟରେ ସର୍ଚ୍ଚ ମଧ୍ୟ କରିପାରିବେ ଯେ କେଉଁମାନେ ସେମାନଙ୍କ ଷ୍ଟୋରୀ ଦେଖୁଛନ୍ତି।