୫୫ ବର୍ଷ ବୟସରେ ୨୫ ବର୍ଷର ଝିଅକୁ କଲେ ବିବାହ; କାରଣ ଜାଣିଲେ ଆଖିରେ ଲୁହ ଆସିଯିବ...
ଓଡ଼ିଆ ଗସିପ ବ୍ୟୁରୋ: ରାଜସ୍ଥାନର ଦୌସା ଲାଲସୋଟରେ ବୁଧବାର ରାତିରେ ହୋଇଥିବା ଏକ ବିବାହ ହଠାତ୍ ଚର୍ଚ୍ଚାର ବିଷୟ ପାଲଟିଛି । ବଲୁ ରାମ ଛଦ୍ମନାମ ବଳରାମ ଓ ବିନିତା ମେ' ୩ ରେ ବିବାହ କରିଥିଲେ । ବରର ବୟସ ୫୫ ବର୍ଷ ହୋଇଥିବା ବେଳେ କନ୍ୟାର ବୟସ ମାତ୍ର ୨୫ ବର୍ଷ, କିନ୍ତୁ ବିବାହକୁ ନେଇ ଚର୍ଚ୍ଚାର ଦ୍ୱିତୀୟ ଏବଂ ଗୁରୁତ୍ୱପୂର୍ଣ୍ଣ କାରଣ ହେଉଛି କନ୍ୟା ଅକ୍ଷମ ଓ ଚାଲିବାରେ ସମ୍ପୂର୍ଣ୍ଣ ଅସମର୍ଥ ।
ଗତ ୩୧ ବର୍ଷ ଧରି ବଲୁ ରାମ ଗାଁରେ ଭଗବାନ ଶିବଙ୍କ ପୂଜାରେ ବ୍ୟସ୍ତ ଥିଲେ ଓ ଭୋଳା ବାବାଙ୍କ ପ୍ରତି ଭକ୍ତି ହେତୁ ବିବାହର ଭାବନା ତାଙ୍କ ମନକୁ କେବେ ବି ଆସିନଥିଲା । ବଲୁ ରାମଙ୍କର ସାତ ଭଉଣୀ ଓ ଭାଇ ଅଛନ୍ତି ।
କିନ୍ତୁ ତାଙ୍କ ବୟସର ଶେଷ ପର୍ଯ୍ୟାୟରେ, ବଲୁ ରାମ ବିବାହ କରିବାକୁ ସ୍ଥିର କଲେ, ଏହା ପଛର କାରଣ ବିଷୟରେ କନ୍ୟା କହିଥିଲେ ଯେ ଯେତେବେଳେ ସେ ଜାଣିବାକୁ ପାଇଲେ ଯେ ନାପା ବ୍ୟାସର ଜଣେ ଝିଅ ଦିବ୍ୟାଙ୍ଗ, ଆଉ ସେଥିପାଇଁ ତା'ର ବିବାହ ହୋଇପାରୁନାହିଁ । ଏହି ପରିସ୍ଥିତିରେ ୩୧ ବର୍ଷ ପର୍ଯ୍ୟନ୍ତ ଭଗବାନ ଶିବଙ୍କର ସେବାରେ ନିଜର ଜୀବନ ଅତିବାହିତ କରିଥିବା ବଲୁ ରାମ ବାକି ଜୀବନ ଏହି ଦିବ୍ୟାଙ୍ଗ ଝିଅ ସହ ବିବାହ କରି ତାର ସାହାରା ହେବାକୁ ସ୍ଥିର କରିଥିଲେ ।
ଆହୁରି ପଢ଼ନ୍ତୁ : ଦେଖନ୍ତୁ ଭିଡ଼ିଓ : ବବିଙ୍କ ଘରେ ସରିଲା କଥା, ଶେଷରେ ନବୀନଙ୍କ ଆଶୀର୍ବାଦରେ ବିଧାୟକ ହେବେ ଲେଖାଶ୍ରୀ!
ଅନ୍ୟପକ୍ଷରେ, ଯଦି ଆମେ ବର ଓ କନ୍ୟାଙ୍କ ସମ୍ପର୍କୀୟଙ୍କ ବିଷୟରେ କହିବା, ତେବେ ସାମାଜିକ ପରମ୍ପରା ଅନୁଯାୟୀ ଝିଅକୁ ବିବାହ କରିବା ଆବଶ୍ୟକ, ଏପରି ସ୍ଥିତିରେ ବିବାହ ପାଇଁ ସେମାନେ ଅନେକ ଚେଷ୍ଟା କରିଥିଲେ, କିନ୍ତୁ ଭଲ ପ୍ରସ୍ତାବ ଆସୁନଥିଲା । ଆଉ ଯେତେବେଳେ ପ୍ରସ୍ତାବ ଆସିଲା, ବର ମଧ୍ୟ ବିକଳାଙ୍ଗ ଥିଲା, ଯିଏକି ବିନିତାର ଯତ୍ନ ନେଇ ପାରିନଥାନ୍ତା ।
ସେହି ସମୟରେ ନବରଙ୍ଗ ପୁରାର ବଲୁ ରାମ ବିବାହ କରିବାକୁ ନିଷ୍ପତ୍ତି ନେଇଥିଲେ ଓ ଗତକାଲି ରାତିରେ ଧୁମଧାମ୍ ରେ ରୀତିନୀତି ଅନୁଯାୟୀ ଦୁହିଁଙ୍କର ବିବାହ ସମ୍ପନ୍ନ ହୋଇଛି । ବିବାହ ପୂର୍ବରୁ ବର ବଲୁରାମ ଜେଣ୍ଟସ ପାର୍ଲରରେ ପହଞ୍ଚି ବର ବେଶରେ ସଜ ହୋଇଥିଲେ । ଏହା ପରେ ସେ ନିଜ ଗାଁରୁ ଶେରୱାନି ପିନ୍ଧି କନ୍ୟାର ଗାଁକୁ ଯାଇଥିଲେ । ସାମାଜିକ ପରମ୍ପରା ଅନୁଯାୟୀ ଏହି ସମୟରେ ବର ପକ୍ଷ ମହିଳାମାନେ ବିଭିନ୍ନ ଅଳଙ୍କାର ପିନ୍ଧି ସଜ ହୋଇଥିଲେ ।
ଆହୁରି ପଢ଼ନ୍ତୁ : ବିଷାକ୍ତ ସାପ କାମୁଡିବା ପରେ ଜୀବନ୍ତ ସାପକୁ ହାତରେ ଧରି ଡାକ୍ତରଖାନାରେ ପହଞ୍ଚିଲେ ଆହତ ଯୁବକ, ଆଉ ତା'ପରେ...
ଅନ୍ୟପକ୍ଷରେ ବୁଧବାର ରାତିରେ ବର ବଲୁ ରାମ କନ୍ୟା ବିନୀତା ସାତ ଫେରା ନେଇଥିଲେ । ଏହି ସମୟରେ, ଦିବ୍ୟାଙ୍ଗ ବିନୀତାଙ୍କୁ ତାଙ୍କ ଭାଇ ହାତରେ ଧରି ସାତ ଫେରା ରୀତିନୀତି କରୁଥିବା ଦେଖିବାକୁ ମିଳିଥିଲା । କୁହାଯାଉଛି ଯେ ଫେବୃଆରୀ ୭, ୨୦୧୨ ରେ କନ୍ୟା ବିନିତା ଘରର ପ୍ରାଙ୍ଗଣରେ ଥିବା ଏକ ଗଛରୁ ଖସିପଡି ମେରୁଦଣ୍ଡ ଭାଙ୍ଗି ଯାଇଥିଲା, ଯାହା ପରେ ପରିବାର ସଦସ୍ୟ ବହୁ ବର୍ଷ ଧରି ଚିକିତ୍ସିତ କରାଇଥିଲେ ମଧ୍ୟ ସେ ସୁସ୍ଥ ହୋଇ ପାରିନଥିଲେ ।
ବର୍ତ୍ତମାନ ବିନିତା ଠିଆ ହେବା ପାଇଁ କ୍ରଚର ସାହାରା ନିଅନ୍ତି ଓ ଚାଲିବାକୁ ମଧ୍ୟ ଅସମର୍ଥ । ଦୌସା ଜିଲ୍ଲାର ନାପାକ ଆୱାସ ଗ୍ରାମରେ ହୋଇଥିବା ଏହି ବିବାହ ବର୍ତ୍ତମାନ ସୋସିଆଲ ମିଡିଆରେ ଚର୍ଚ୍ଚାର ବିଷୟ ପାଲଟିଛି । ବୃଦ୍ଧ ବର ଦିବ୍ୟାଙ୍ଗ କନ୍ୟାକୁ ଗ୍ରହଣ କରିବା ପରେ ବରର ପଦକ୍ଷେପକୁ କିଛି ଲୋକ ପ୍ରଶଂସା କରୁଛନ୍ତି ।