ପତ୍ନୀଙ୍କୁ ଛାଡପତ୍ର ନଦେଇ ଗର୍ଲଫ୍ରେଣ୍ଡଙ୍କ ସହ ସେୟାର କଲେ ଏଭଲି ଫୋଟୋ, ଚର୍ଚ୍ଚାରେ ଏହି ବଲିଉଡ ତାରକା!

ଓଡ଼ିଆ ଗସିପ ବ୍ୟୁରୋ: ପତ୍ନୀଙ୍କୁ ଛାଡପତ୍ର ନଦେଇ ଗର୍ଲଫ୍ରେଣ୍ଡଙ୍କ ସହ ସମ୍ପର୍କର ଘୋଷଣା କଲେ ବଲିଉଡ ତାରକା ପ୍ରତୀକ ବବର । ନିଜ ସୋସିଆଲ ମିଡିଆ ପେଜରେ ଗର୍ଲଫ୍ରେଣ୍ଡଙ୍କ ସହ ଫୋଟୋ ସେୟାର କଲେ । ଯାହାକୁ ନେଇ ଏବେ ବେଶ ଚର୍ଚ୍ଚାରେ ରହିଛନ୍ତି ପ୍ରତୀକ ।

ପ୍ରତୀକ ନିଜ ଇଂଷ୍ଟାଗ୍ରାମରେ ଗର୍ଲଫ୍ରେଣ୍ଡ ପ୍ରିୟା ବାନାର୍ଜୀଙ୍କ ଫୋଟୋ ସେୟାର କରି ନିଜ ସମ୍ପର୍କ ବିଷୟରେ ଫ୍ୟାନମାନଙ୍କୁ ସୂଚନା ଦେଇଛନ୍ତି । ତେବେ ସବୁଠାରୁ ବଡ଼ କଥା ହେଉଛି ପ୍ରତୀକ ବର୍ତ୍ତମାନ ସୁଦ୍ଧା ନିଜ ପତ୍ନୀ ସନାୟା ସନଗରଙ୍କ ଠାରୁ ଛାଡପତ୍ର ନେଇ ନାହାନ୍ତି ।

ସୂଚନା ଅନୁସାରେ ପ୍ରତୀକ ଓ ପ୍ରିୟା ଗତବର୍ଷ ହିଁ ସମ୍ପର୍କରେ ଆସିଥିଲେ । ଦୁହେଁ ପୂର୍ବରୁ କେବେ ନିଜ ସମ୍ପର୍କ ବିଷୟରେ ଘୋଷଣା କରି ନଥିଲେ । ମାତ୍ର ଏବେ ଦୁହେଁ ସୋସିଆଲ ମିଡିଆକୁ ମାଧ୍ୟମ କରି ଏବେ ନିଜ ଲଭ ରିଲେସନସିପର ଘୋଷଣା କରିଛନ୍ତି ।

ଆହୁରି ପଢ଼ନ୍ତୁ : ସାମ୍ନାକୁ ଆସିଲା ଝାରସୁଗୁଡ଼ା ପୋଲିସର ସାଂଘାତିକ ଅବହେଳା : ଗୋପାଳ ମାନସିକ ରୋଗରେ ପୀଡ଼ିତ ଥିବା ଜାଣି ବି କରାଯାଇଥିଲା ଅଣଦେଖା

ପୂର୍ବରୁ ଫେବୃଆରୀ ୨୦୧୯ରେ ପ୍ରତୀକ, ସନାୟାଙ୍କୁ ବିବାହ କରିଥିଲେ । ନିଜ ପତ୍ନୀଙ୍କ ସହ ଅର୍ଦ୍ଧନଗ୍ନ ଫୋଟୋ ସେୟାର କରି ବେଶ ଚର୍ଚ୍ଚା ସାଉଁଟିଥିଲେ । ବିବାଦ ପରେ ସେହି ଫୋଟୋକୁ ନିଜ ପେଜରୁ ଡିଲିଟ ମଧ୍ୟ କରିଥିଲେ । ପରେ ଦୁହେଁ ପରସ୍ପରଠାରୁ ଅଲଗା ହୋଇ ଯାଇଥିଲେ । ହେଲେ ବର୍ତ୍ତମାନ ସୁଦ୍ଧା ପରସ୍ପର ଠାରୁ ଛାଡପତ୍ର ନେଇ ନାହାନ୍ତି ପ୍ରତୀକ ଓ ସନାୟା ।

ଏବେ ପ୍ରତୀକ, ପ୍ରିୟାଙ୍କୁ ଡେଟ କରୁଛନ୍ତି । ପ୍ରୟା ୨୦୧୫ ମସିହା ଏଶ୍ୱର୍ଯ୍ୟଙ୍କ ଅଭିନିତ ଫିଲ୍ମ "ଜଜବା"ରୁ ନିଜ ବଲିଉଡ ଡେବ୍ୟୁ କରିଥିଲେ । ସେହିପରି ରାଜ ବବର ଓ ସ୍ମିତା ପାଟିଲଙ୍କ ପୁଅ ପ୍ରତୀକ "ଜାନେ ତୁ ୟା ଜାନେ ନା" ଫିଲ୍ମରୁ ନିଜ ବଲିଉଡ଼ କ୍ୟାରିଅର ଆରମ୍ଭ କରିଥିଲେ । ପୂର୍ବରୁ ପ୍ରତୀକ ନିଜ କୋ-ଷ୍ଟାର ଏମି ଜ୍ୟାକସନଙ୍କ ସହ ମଧ୍ୟ ସମ୍ପର୍କରେ ଥିଲେ ।