ବିଗବସ୍ ଘରେ ଖେଳ କରିବେ ଓଡ଼ିଆ ଝିଅ ପ୍ରକୃତି ମିଶ୍ର: ଦେଖିବାକୁ ମିଳିବ ଲଭ୍, ରୋମାନ୍, ଡ୍ରାମା ଓ କମେଡି

ଓଡ଼ିଆ ଗସିପ୍ ବ୍ୟୁରୋ: କଥାରେ ଅଛି ୟୁ ଲଭ୍ ହିମ୍ ଅର୍ ହେଟ୍ ହିମ୍ ବଟ୍ ୟୁ କାଣ୍ଟ ଇଗ୍ନୋର ହିମ୍ । ଏମିତି କିଛି ଏବେ ଓଡିଆ ଅଭିନେତ୍ରୀ ପ୍ରକୃତି ମିଶ୍ରଙ୍କ କ୍ଷେତ୍ରରେ ଘଟିବାକୁ ଯାଉଛି । ଶିଶୁ କଳାକାର, ପାର୍ଶ୍ୱ ଅଭିନେତ୍ରୀ ତା ପରେ ଲିଡ୍ ହିରୋଇନ୍ । ଏମିତିକି ନ୍ୟାସନାଲ ଆୱାର୍ଡ ୱିନର ବି ରହିସାରିଛନ୍ତି । ଅବଶ୍ୟ କୋ ଷ୍ଟାର ବାବୁସାନଙ୍କୁ ନେଇ ଆପତ୍ତିଜନକ ଭିଡିଓ ଭାଇରାଲ ହେବା ପରେ କିଛି ଦିନ ବିବାଦରେ ରହିଛନ୍ତି କିନ୍ତୁ ନିଜ ଚମକ ହରାଇ ନାହାନ୍ତି । ଖୁବଶୀଘ୍ର ନିଜର ଟାଲେଣ୍ଟ ଜାତୀୟ ଟିଭି ଚ୍ୟାନେଲରେ ଦେଖାଇବେ । ହଁ, ଦେଶର ଏକମାତ୍ର ଏମିତି ଏକ ସୋ ଯାହାକୁ ସବୁ ବର୍ଗର ଲୋକ ଦେଖିବା ପାଇଁ ଚାହାନ୍ତି । ଦେଶରେ ସବୁଠାରୁ ଅଧିକ ପସନ୍ଦ କରାଯାଉଥିବା ପ୍ରଶଂସିତ ହେଉଥିବା ବିବାଦୀୟ ଟିଭି ରିୟିଲିଟି ସୋ ବିଗବସରେ ନଜର ଆସିବାକୁ ଯାଉଛନ୍ତି ପ୍ରକୃତି ମିଶ୍ର । ଅବଶ୍ୟ ଏ ନେଇ ପ୍ରକୃତି କିମ୍ବା ତାଙ୍କ ଟିମ୍ ପକ୍ଷରୁ କୌଣସି ବିଦ୍ଧିବଦ୍ଧ ସୂଚନା ଦିଆଯାଇନାହିଁ କିନ୍ତୁ ଜାତୀୟ ଗଣମାଧ୍ୟମରେ ଏନେଇ ଚର୍ଚ୍ଚା ଅଧିକ ।
ଆସନ୍ତା ଅକ୍ଟୋବର ୧ରୁ ଆରମ୍ଭ ହେବାକୁ ଯାଉଛି ‘ବିଗ୍ ବସ୍-୧୬’ । ଏଥର ଶୋ’ରେ କାହା ଗେମ୍ ରହିବ ରୋମାଞ୍ଚପୂର୍ଣ୍ଣ । କେଉଁ ପ୍ରତିଯୋଗୀଙ୍କ ଗେମ୍ ଶୋ’ର ଟିଆର୍ପି ବଢ଼ାଇବ । ଏଭଳି ଅନେକ ପ୍ରଶ୍ନ ଉଠୁଥିବାବେଳେ ଏକ ପ୍ରମୋ ରିଲିଜ୍ କରି ଦର୍ଶକଙ୍କ ଉତ୍କଣ୍ଠା ବଢ଼ାଇ ଦେଇଛନ୍ତି ଖୋଦ୍ ‘ବିଗ୍ ବସ୍’ । କିନ୍ତୁ ଏଯାଏଁ ବିଧିବଦ୍ଧ ଭାବେ କୌଣସି ପ୍ରତିଯୋଗୀଙ୍କ ନାଁ ଘୋଷଣା ହୋଇନାହିଁ । କିନ୍ତୁ କିଛି ତାଲିକା ଜାତୀୟ ଗଣମାଧ୍ୟମରେ ପ୍ରକାଶିତ ହେଉଛି ।
ମାତ୍ର ନିକଟରେ ବ୍ୟକ୍ତିଗତ କାରଣ ପାଇଁ ଚର୍ଚ୍ଚାକୁ ଆସିଥିବା ପ୍ରକୃତି ‘ବିଗ୍ ବସ୍’କୁ ଯିବେ ବୋଲି ଚର୍ଚ୍ଚା ଜୋର୍ ହେଉଛି । ଯଦି ଏହା ସତ ହୁଏ, ତେବେ ଓଲିଉଡର ସ୍ୱିଟ୍ହାର୍ଟ ଭାବେ ପରିଚିତ ପ୍ରକୃତି ପୁଣିଥରେ ଜାତୀୟସ୍ତରରେ ହଇଚଇ ସୃଷ୍ଟି କରିବେ । ବର୍ତ୍ତମାନ ସେ ମୁମ୍ବାଇରେ ଅଭିନେତା ନାନା ପାଟେକରଙ୍କ ସହ ଏକ ହିନ୍ଦୀ ସିନେମା ସୁଟିଂରେ ବ୍ୟସ୍ତ ଅଛନ୍ତି । ଏଥିସହ ସେ ବ୍ୟକ୍ତିଗତ ବିବାଦରେ ଛନ୍ଦି ହେବା ପୂର୍ବରୁ ଗତ ଜୁନ୍ ୩ରେ ବାବୁସାନ୍ଙ୍କ ସହିତ ଓଡ଼ିଆ ଚଳଚ୍ଚିତ୍ର ‘ପ୍ରେମମ୍’ରେ ନଜର ଆସିଥିଲେ ।
ଏହାପରେ ଦ୍ୱିଭାଷୀ ଚଳଚ୍ଚିତ୍ର ‘ଦ୍ରୌପଦୀ’କୁ ନେଇ ସୋସିଆଲ୍ ମିଡିଆରେ ବେଶ୍ ଚର୍ଚ୍ଚାରେ ରହିଥିଲେ । ଓଡ଼ିଆ ଚଳଚ୍ଚିତ୍ର ‘ହାଲୋ ଆର୍ସି’ରେ ଅଭିନୟ ପାଇଁ ଜାତୀୟ ଚଳଚ୍ଚିତ୍ର ପୁରସ୍କାର ପ୍ରାପ୍ତ ହୋଇଥିବା ପ୍ରକୃତି ଜାତୀୟସ୍ତରରେ ଅନେକ ସଫଳତା ସାଉଁଟିଛନ୍ତି । ୨୦୧୪ରେ ଜୀଟିଭିରେ ‘ଇଣ୍ଡିଆଜ୍ ବେଷ୍ଟ ସିନେଷ୍ଟାର୍ସ କି ଖୋଜ୍’ ଏବଂ ପରେ ଷ୍ଟାର୍ ଭାରତରେ ପ୍ରସାରିତ ‘ଜୟ କହ୍ନେୟା ଲାଲ୍ କି’ ଏବଂ ଆଣ୍ଡ୍ ଟିଭିରେ ପ୍ରସାରିତ ‘ବିଟ୍ଟୀ ବିଜ୍ନେସ୍ୱାଲି’ରେ ଅଭିନୟ କରି ସମସ୍ତଙ୍କ ଦୃଷ୍ଟି ଆକର୍ଷଣ କରିଥିଲେ । ‘ଏମ୍ଟିଭି’ରେ ପ୍ରସାରିତ ରିଅଲିଟି ଶୋ’ ‘ଏସ୍ ଅଫ୍ ସ୍ପେସ୍-୨’ରେ ମଧ୍ୟ ସାମିଲ ହୋଇଥିଲେ ।