ଯୌନ ନିର୍ଯ୍ୟାତନା ଅଭିଯୋଗ ଆଣିଥିବା ଏହି ସୁନ୍ଦରୀ ଏବେ ରାଜନୀତିରେ
Oct 27, 2020, 02:26 IST
ଓଡ଼ିଆ ଗସିପ୍ ବ୍ୟୁରୋ: ରାଜନୀତିରେ ଏଣ୍ଟ୍ରି ମାରିଲେ ଆଉ ଜଣେ ବଲିଉଡ ସୁନ୍ଦରୀ । କୌଣସି ବଡ଼ ରାଜନୈତିକ ଦଳ ନୁହେଁ ବରଂ କେନ୍ଦ୍ର ମନ୍ତ୍ରୀ ରାମଦାସ ଅଠୱାଲେଙ୍କ ପାର୍ଟି ରିପବ୍ଲିକାନ ପାର୍ଟି ଅଫ୍ ଇଣ୍ଡିଆରେ ଆଜି ଆନୁଷ୍ଠାନିକ ଭାବେ ସାମିଲ ହୋଇଛନ୍ତି ଅଭିନେତ୍ରୀ ପାୟଲ ଘୋଷ । ଅଭିନେତ୍ରୀ ପାୟଲ ଘୋଷଙ୍କ ସମେତ ଅନ୍ୟ କିଛି ବ୍ୟକ୍ତି ବିଶେଷ ମଧ୍ୟ ଆଜି ରିପବ୍ଲିକାନ୍ ପାର୍ଟିରେ ସାମିଲ ହୋଇଛନ୍ତି ।
ଦଳରେ ମହିଳା ୱିଙ୍ଗକୁ ଅଧିକ ମଜଭୂତ କରିବାରେ ପାୟଲଙ୍କ ଯୋଗଦାନ ଅତୁଳନୀୟ ରହିବ ବୋଲି କହିଛନ୍ତି ରିପବ୍ଲିକାନ ପାର୍ଟିର ମୁଖ୍ୟ ତଥା କେନ୍ଦ୍ର ମନ୍ତ୍ରୀ ରାମଦାସ ଅଠୱାଲେ । ସମତାବାଦୀ ଚିନ୍ତାଧାରାକୁ ଆଗକୁ ନେବାକୁ ସେ ଏହି ଅବସରରେ ଆହ୍ୱାନ ମଧ୍ୟ ଦେଇଛନ୍ତି ।
ସୂଚନା ଥାଉ କି କିଛିଦିନ ତଳେ ନିର୍ଦ୍ଦେଶକ ଅନୁରାଗ କାଶ୍ୟପଙ୍କ ବିରୋଧରେ ଯୌନ ନିର୍ଯ୍ୟାତନା ଅଭିଯୋଗ ଆଣି ଚର୍ଚ୍ଚାରେ ଥିଲେ ଅଭିନେତ୍ରୀ ପାୟଲ ଘୋଷ ।