ଡିଜେ ‘ଆଜେକ୍ସ’ଙ୍କ ସୁଇସାଇଡ଼ ମିଷ୍ଟ୍ରିରେ ନୂଆ ମୋଡ଼, ଗାର୍ଲଫ୍ରେଣ୍ଡକୁ ଜେରା ପରେ ଖୋଲିଲା ଗୁମର
ଓଡ଼ିଆ ଗସିପ ବ୍ୟୁରୋ: ଚାରିଦିନ ବିତିଲାଣି; କିନ୍ତୁ ଲୋକପ୍ରିୟ ‘ଡିଜେ ଆଜେକ୍ସ’ ଓରଫ ଅକ୍ଷୟ କୁମାର ମହାରଣା ଆତ୍ମହତ୍ୟା ପଛରେ ରହିଥିବା ରହସ୍ୟ ହଟୁନି । ଏହାରି ଭିତରେ ସାମ୍ନାକୁ ଆସିଛି ସାଂଘାତିକ ସତ। ଆଜେକ୍ସ ଜୀବନରେ ଥିଲେ ଆଉ ଜଣେ ବାନ୍ଧବୀ । ଆଜେକ୍ସ ଅନ୍ୟ ଜଣେ ଯୁବତୀଙ୍କ ସହ ସମ୍ପର୍କ ଥିବା ଜାଣିବାକୁ ପାଇଥିଲେ ବାନ୍ଧବୀ ।
ଆଜେକ୍ସଙ୍କ ଦ୍ଵିତୀୟ ବାନ୍ଧବୀ ସହିତ କଥା ହୋଇଥିଲେ ଯୁବତୀ । ଆଜେକ୍ସ ଓ ଦ୍ଵିତୀୟ ବାନ୍ଧବୀଙ୍କ ସହିତ କନଫେରନ୍ସ କଲ ରେ କଥା ହୋଇ ମୁଖା ଖୋଲିଥିଲେ ଯୁବତୀ। ଯାହାକୁ ନେଇ ଉଭୟଙ୍କ ମଧ୍ୟରେ ଝଗଡା ହୋଇଥିଲା ।
ଆତ୍ମହତ୍ୟାର ତିନି ପୂର୍ବରୁ ଆଜେକ୍ସଙ୍କ ସହ ବ୍ରେକଅପ ବା ଦୂରେଇ ଯିବାକୁ କହିଥିଲେ ବାନ୍ଧବୀ । ଯାହାକୁ ନେଇ ମାନସିକ ଚାପ ରେ ଥାଇ ଆଜେକ୍ସ ଆତ୍ମହତ୍ୟା କରିଥାଇ ପାରନ୍ତି ବୋଲି ସନ୍ଧେହ କରୁଛି ପୁଲିସ । ଆତ୍ମହତ୍ୟା ପୂର୍ଵରୁ ପରସ୍ପର ପରସ୍ପରକୁ ସନ୍ଧେହ କରୁଥିଲେ ।
ଆଜେକ୍ସଙ୍କ ସମ୍ପର୍କରେ ଥିବା ଅନ୍ୟ ଜଣେ ଯୁବତିଙ୍କୁ ମଧ୍ୟ ପଚରାଉଚରା କରିବ ପୁଲିସ । ତେବେ ଆଜେକ୍ସ ଓ ତାଙ୍କ ପ୍ରଥମ ଏବଂ ଦ୍ବିତୀୟ ବାନ୍ଧବୀଙ୍କ କନଫ୍ରେନ୍ସ କଲର ପ୍ରମାଣ ମଧ୍ୟ ପୁଲିସ ହାତରେ ଲାଗିଛି ।
ସିଡିଆର ରିପୋର୍ଟ, ଇନ୍ଷ୍ଟାଗ୍ରାମ ଏବଂ ହ୍ବାଟ୍ସଆପ୍ ମେସେଜ ସହ ଆଜେକ୍ସଙ୍କ ମୋବାଇଲ ଏବଂ ଯୁବତୀଙ୍କ ମୋବାଇଲକୁ ଜବତ କରି ତନାଘନା କରୁଛି ପୁଲିସ । ଏଥି ସହିତ ଆଜେକ୍ସଙ୍କ ପାରିବାର ଲୋକଙ୍କ ବୟାନ ଓ ଯୁବତୀଙ୍କ ବୟାନଙ୍କୁ ନେଇ ଆନାଲିସିସ କରୁଛି ପୁଲିସ ।
ତେବେ ପୁଲିସ କହିବା ଅନୁସାରେ ଆଜି ବି ଆଜେକ୍ସଙ୍କ ବାନ୍ଧବୀଙ୍କୁ ଜେରା କରିବ ପୁଲିସ । ଖୁବଶୀଘ୍ର dj ଆଜେକ୍ସଙ୍କ ଦ୍ଵିତୀୟ ବାନ୍ଧବୀଙ୍କୁ ମଧ୍ୟ ପଚାର ଉଚାର କରିବ ପୁଲିସ । ଅନ୍ୟପଟେ ଆଜେକ୍ସଙ୍କ ପରିବାର ଲୋକ ଯେଉଁ ବ୍ଲାକ୍ମେଲ୍ କଥା କହୁଛନ୍ତି ତାହା ମିଥ୍ୟା ବୋଲି କହିଛନ୍ତି ଆଜେକ୍ସଙ୍କ ବାନ୍ଧବୀ ।
ସେପଟେ ଆଜେକ୍ସଙ୍କ ଆତ୍ମହତ୍ୟା ପଛରେ ‘ହ୍ୱାଟ୍ସଆପ୍ ଷ୍ଟାଟସ୍’ ମଧ୍ୟ ରହିଛି । ଆଜେକ୍ସ ତାଙ୍କ ‘ହ୍ୱାଟ୍ସଆପ୍ ଷ୍ଟାଟସ୍’ରେ କିଛି ଝିଅଙ୍କ ସହ ଫଟୋ ପୋଷ୍ଟ କରିଥିବା ବେଳେ ସମାନ ଭାବେ ତାଙ୍କ ପ୍ରେମିକା ଷ୍ଟାଟସ୍ରେ ତାଙ୍କ ପୁରୁଷବନ୍ଧୁଙ୍କ ଫଟୋ ପୋଷ୍ଟ କରିଥିଲେ । ଏହି ‘ହ୍ୱାଟ୍ସଆପ୍ ଷ୍ଟାଟସ୍’ରୁ ବିବାଦ ଘନେଇବା ସହ ପରସ୍ପରକୁ ସନ୍ଦେହ କରିଥିଲେ ।
ତେଣୁ ବର୍ଷେ ହେବ ଚାଲିଥିବା ପ୍ରେମକାହାଣୀରେ ସୃଷ୍ଟି ହୋଇଥିଲା ଫାଟ । ଏପରିକି ଆତ୍ମହତ୍ୟାର ୨ରୁ ୩ଦିନ ପୂର୍ବରୁ ଉଭୟଙ୍କ ପ୍ରେମକାହାଣୀରେ ଆସିଥିଲା ନିରବତାର ଝଡ଼ । ଉଭୟଙ୍କ ମଧ୍ୟରେ ପିଟିତୁଣ୍ଡ ଲାଗିବା ସହ ସୃଷ୍ଟି ହୋଇଥିଲା ପ୍ରେମ ସମ୍ପର୍କରେ ବିଚ୍ଛିନ୍ନର ବିବାଦ । ଏଣୁ ଆଜେକ୍ସ ମାନସିକ ଦୁଶ୍ଚିନ୍ତାକୁ ଯାଇ ଆତ୍ମହତ୍ୟା କରିଥାଇପାରନ୍ତି ବୋଲି ସନ୍ଦେହ କରୁଛି ପୁଲିସ ।